අනියම් පෙමක පැටළුණු තරුණයාට සිය අනියම් කාන්තාව රාත‍්‍රියේදී එන්නට කියූ නිවෙස පැටළී වෙනත් නිවසකට ගොස් එහි සිටි පුද්ගලයන් බය වී ‘‘සොරු පැන්නායි කියා කෑ ගසා’’ ගම්මුන් එකතුව ඔහු පොලිසිය වෙත අල්ලා දුන් පුවතක් වාර්තා විය.

සිද්ධිය දැන ගත් ආකාරයට මෙසේය.

අනියම් ඇසුරක් පැවත්වූ මෙම පුද්ගලයා මැදි වයසේ පුද්ගලයෙකි. කාලයක සිට පැවති මෙම කාන්තා හුටපටය කාටත් රහසේ පවත්වාගෙන ගිය ඔහු ළඟදී දිනක තම අනියම් කාන්තාවගේ නිවසට මධ්‍යම රාත‍්‍රියේ පැමිණෙන බව ඇයට පවසා ඇති අතර ඊට කාන්තාවද සිය කැමැත්ත ලබා දී ඇත. සුරාපානය කරන ලද තරණයා කාන්තාව සොයා රාත‍්‍රියේ යන්නට තිීරණය කර ඇත. ඔහුට පැමිණෙන්නට කියූ පාර බොක්කුවක් තිබෙන ස්ථානයකින් වම් පැත්තට ඇති පාරකි. රාත‍්‍රී 12 පසුවී සුරා මතින් මත් වූ ඔහු ඒ මඳ සිහියෙන් වෙනත් පාරක ගොස් බොක්කුවක් අසළින් හැරී නිවෙසකට තට්ටු කර ඇත.

එම නිවසේ පිරිස කළබල වී ‘‘සොරුන් පැන්නායි කියා කෑ ගසන විට’’ ගම්මුන් වහාම ක‍්‍රියාත්මක වී පොලූ මුගුරු රැුගෙන සියලූ පාරවල් හරස් කර සොරා කොටු කර ගෙන ඇත්තේ ඔහුගේ යතුරුපැදිය අසලදීය. පසුව සිදු වූ දෙය ගම්මුන්ට පැහැදිලි කර ඇති මෙම පුද්ගලයා ගම්මුන් එක්ව පොලිසිය වෙත භාරදුන් පසුව පොලිසිය ද ඔහු පොලිස් ජීප් රථයට නවාගෙන ඇත්තේ ‘‘උඹ හොය හොයා තමයි හිටියේ’’ යැයි කියමින් බව ගමේ අය පවසති.