2024 නොවැම්බර් මස 23 වන සෙනසුරාදා
උදේ සහ දවල් ආහාර සහන මිලට සපයන යෞවනයන්ට සම්බන්ධ ආයතනයක ආපන ශාලාවකි. දිනක් රාත‍්‍රී හතට පමණ ආපන ශාලාවේ හිමිකරු තම ගෝලයන්ට මෙසේ පැවැසීය.
”හැමදාම අපි මෙහෙන්, කන නිසා වෙනසකටත් එක්ක හෝටලයකින් කමු.” සේවකයින් දෙදෙනාද එයට එකඟ වූයේ ඉතාමත් ප‍්‍රීතියෙනි. තිදෙනාම දන්නා හඳුනන හෝටලයකට ගියවිට, ”ආ, අපේ කැන්ටිමේ මල්ලිනේ. එන්න එන්න කියමින් හෝටලයේ මුදලාලි ආපනශාලාවේ හිමිකරු පිළිගත්තේ පිටට තට්ටුවක් ද දමමිනි.
”මොනාහරි කනවැයි” මුදලාලි විමසීය. ”අයියේ මස් මාළු නැතිව කොත්තු දෙකක් පාර්සල් කරලා දෙන්න” යැයි පැවසූවිට, කොත්තු බාස් ළඟට ගිය මුදලාලි, මේ එහා පාරේ කැන්ටිමේ මුදලාලි මහත්තයා, කොත්තු දෙකක් හොඳට දාන්න යැයි පැවැසීය. කොත්තු රැගෙන ආපසු පැමිණෙන විට තම ගෝලයන් ඇමතූ ආපනශාලාවේ හිමිකරු ”ඒ අපේ ගමේ කෙනෙක්, මම ගියාම හොඳට සලකනවා” යැයි කීය.
තිදෙනාම කොත්තු අනුභව කර නින්දට ගියහ. මැදියම් රැයේ අවදි වූ ගෝලයෙක්, බඩ අල්ලාගෙන කෙඳිරි ගාන්නට විය. වහා අවදි වූ ආපනශාලාවේ හිමිකරු ”මොකද මල්ලී” යැයි විමසීය.
”බඩ රිදෙනවා අයියෝ අම්මෝ ඉන්න බැහැ” ගෝලයා වේදනාවෙන් පැවැසීය. මේ අතර අනෙක් ගෝලයා ද අවදි වී පැවසුවේ ඔහුගේ උදරය ද රිදෙන බවය. ”කොත්තු කද්දී අමුතු රහක් ආවා” ඔහු පැවැසීය.
අවසානයේදී ආපනශාලාවේ හිමිකරු ද ”ඔන්න දැන් මගේ බඩත් රිදෙන්න ගත්තා.” හරි වැඬේ උදේට වැඩ කරන්නේ කොහොමද?” ඔහු පැවසුවේ සුසුමක් හෙලමිනි. ආපනශාලාවේ තිබූ අමු ඉඟුරු සපමින් සෝඩා වතුර බොමින් තිදෙනාම බිම දිගාවී ඇස් පියා ගත්හ. උදෑසන වනවිට අමාරුව සමනය වී තිබුණි. ”ආයේ නම් බඩ ගින්නේ හිටියත් දන්න හඳුනන හෝටලයකින් කෑම නම් කන්නේ නැහැ” ආපනශාලාවේ හිමිකරු පැවැසීය.
සිය දරුවාගේ අනාගත අභිවෘද්ධිය වෙනුවෙන් මුදලක් වැය කරනවාට වඩා මුදලට සූදු කෙළීමට වටිනාකමක් දුන් මවක පිළිබඳ සිද්ධියක් හසලක නගරයට ආසන්න ප‍්‍රදේශයකින් වා
වයඹ පළාතේ රෝහලකට රාත්‍රි කාලයේ ඇතුළත් කළ හෘද රෝගියකු හදිසි ප්‍රතිකාර ඒකකයේ ප්‍රතිකාර ලබමින් සිටියදී මියගියැයි සඳහන් කළ පසු රෝගියා වෙනත් වාට්ටුවක ප්
මේ රජය පත් කරන්න තමන් ගත් උත්සාහය ගැන වීරයෙකු මෙන් පම්පෝරි ගැසූ තරුණයකුට ඇඟිල්ල නිසා පම්පෝරිය නවතා එතනින් මාරුවීමට සිදුවූ පුවතක් කරන්දෙණියෙන් අසන්නට
ගුරුවරයා ඇසූ පැනයකට පහ වසරේ ශිෂ්‍යත්ව පන්තියක සිසුවෙකු දුන් උත්තරයෙන් දරුවාගේ මව රැස්ව සිටි පිරිස් හමුවේ ලැජ්ජාවට පත් වූ පුවතක් ඇතුගල්පුරවර නගරයෙන්
අවලංගු ගුවන් ගමන් බලපත්‍රයකින් ඡන්දය ප්‍රකාශ කිරීමට අවස්ථාව නොදුන්නැයි ඡන්ද මධ්‍යස්ථානයක නිලධාරීන් කණ්ඩායමකට දොස් නගා බැණ වැදී ඇතැයි කියන වයෝවෘද්ධ
මිතුරන් පිරිසක් සමග ඡන්දය අහන්න ගොස් සෙට්වී නිවසට යාමට නොහැකිවූ අයකු පිළිබඳව කතාවක් ගාලු දිසාවේ ගමකින් ඊයේ (15) උදේ පාන්දරින්ම අසන්න ලැබුණේය.
2024 නොවැම්බර් මස 05
489
0
වසර විසිපහක විශිෂ්ට ඉතිහාසයක් සහිත BMS කැම්පස් ආයතනය නවෝත්පාදනයන් පෝෂණය කරමින් අනාගත නායකයින් නිර්මාණය කරමින් සහ හැඩගස්වමින් විශිෂ්ට ආයතනයක් බවට මේ ව
2024 ඔක්තෝබර් මස 18
708
0
සියපත ෆිනෑන්ස් පීඑල්සී දීප ව්‍යාප්ත ශාඛා ජාලයේ 51 වැනි ශාඛාව කලූතර දිස්ත‍්‍රික්කයේ අර්ධ නාගරික ජනාකීර්ණ නගරයක් වූ මතුගම නගරයේදී පසුගියදා විවෘත කෙරිණ.
ඔබ භාවිත කරනුයේ කුඩා යතුරු පැදියක් හෝ අධි සුඛෝපභෝගී මෝටර් රියක් හෝ වේවා එහි බැටරියට හිමිවනුයේ ප‍්‍රධාන අංගයකි. වාහනයක් කරදර වලින් තොරව සිත්සේ භාවිත කර
ඇඳුනුම්කමට කන්න ගිහින් වැසිකිළියේ නවතින්න වෙලා
චින්තක Wednesday, 28 August 2013 12:02 PM
ලට්ට පට්ට එකතු කරලා දවසේ ඉතුරු හරිය... සද්ද බද්ද දාලා හැදුව මේක කොත්තු රොටිය... (නි)
අසාද් Wednesday, 28 August 2013 06:13 PM
ඒකත් හරි. පොලිස්කාරයො වැඩිදෙනෙක් ඉන්නෙ අනුන්ගෙ රීරිමාංශ කන්නමනේ (නි)
මහගෙදර ඇඹිලිපිටිය Thursday, 29 August 2013 03:50 AM
කොහොමටත් හෝටලයක් ආරම්භ කරන දවසේ පරිප්පු හදපු සාස්පන අයෙත් හෝදන්නේ කඩේ බංකොලොත් වෙලා වහන දවසට. අලුතින් පරිප්පු හෝදලා පරණ පරිප්පු එකටම දාන එක තමයි හැම හෝටලේම කරන්නේ. (අ)
දිසානායක Friday, 30 August 2013 12:28 PM
සමාජයේ දෙයක් දැනගෙන එක වරදක් කියල පෙන්නලා දුන්නහම් එක වැරදිද ..ලක්සිත සහ අකිලට බඩේ අමාරුද (දී)
දිසානායක Friday, 30 August 2013 12:28 PM
සමාජයේ දෙයක් දැනගෙන එක වරදක් කියල පෙන්නලා දුන්නහම් එක වැරදිද ..ලක්සිත සහ අකිලට බඩේ අමාරුද (දී)
ගුණරත්න Wednesday, 28 August 2013 01:40 PM
මාස ගානක් පරණ රොටි වලින් හදපු ඒවා කාපුවහම ඕක වෙනවා. ආපන ශාලාවේ හිමිකරු වෙච්චි මනුස්සයා ඕවා දන්නේ නැද්ද.අනේ අර මල්ලිලා දෙන්නා පව් අනේ (නි)
අකිල දුලාජ් Wednesday, 28 August 2013 09:48 PM
ඔයාල හැමදාම අනුන්නට වලවල් කප කපා ඉන්නවලා.වෙලාවකට හිතෙනවා මේක මෙතන ඉන්න ඔක්කොම දිසානායකට මම කලින් ඒවායේ දැක්ක හොදට බැනගෙන තියෙනවා.අනේ මන්ද."මට නම් නිකන් පිස්සු වගේ" (අ)
ලසන්ත Wednesday, 28 August 2013 10:01 AM
ඔන්න වරුණ, සල්ලි හම්බකරන චේතනාව පමණක් තියාගන්න එපා. හරියට වාහනේ එලවන්න තමන්ගේ එකක් වගේ. (නි)
උපාලි Wednesday, 28 August 2013 10:06 AM
මස්, මාළුවලින් තොර කොත්තුවෙන් වැඩක් තියෙනවද? මස් මාළු කියන්නේ කොත්තුවලට නැතුවම බැරි දෙයක්. ඒවා නැතුව කෑව එකේ විපාකනේ ඔය. කොත්තුවට දාන අනික් පිළුණු එළවළුවල එහෙම විස මැකෙන්නේ කුණුවේච්ච මස්, මාළුවල විසෙන්. විසෙන් විස නැසේ කියලා මේ මුදලාලි අහලා නැතුව ඇති. (නි)
චන්දි Wednesday, 28 August 2013 10:12 AM
ඊර්ශියාවයි, ක්‍රෝධයයි , පළිගැනීමයි නිසා තමයි ලංකාව හැමදාම දියුණු වෙන්නේ නැත්තේ !!! මෙතන පළිගැනීමේ චේතනාවෙන් කල වැඩක් බව මගේ හැඟීමයි. (ස)
ධම්ම Wednesday, 28 August 2013 03:57 PM
කොත්තු වලට දාන බිත්තර වල කට්ටේ ගෑවුණු කුකුල් වසුරු කොත්තුවට එකතුවෙන හැටි මා දැක තිබෙනවා. (ස)
සරත් Wednesday, 28 August 2013 04:02 PM
දිසානායක, ඔබ කියූ ලෙසම මමත් දන්නවා. " පොලිස් ටී " කියලා ජාතියක් තියනවා. එක හැදෙන්නෙත් බීලා ඉතුරු කරපු කිරි එකතු කරලා බොයිලේරුව ළඟ තියලා "පොලිස් ටී එකයි" කිවුව ගමන් එතනින් දෙනවා. (ස)
ලක්ෂිත Thursday, 29 August 2013 11:50 PM
හොදට මිනිසුන්ට ජරාව කවපු අය මෙතැන ඉන්නවා වගෙයි (නි)
දිසානායක Wednesday, 28 August 2013 11:20 AM
මම ඔබට කතාවක් කියන්නම් කොත්තු ගැන අත්දැකීම් මටත් තියනවා.පොලිස් කොත්තු කියලා ජාතියක් තියනවා. ඒක හදන්නේ මෙහෙමයි.කාලා ඉටුරුවෙන කොත්තු වෙනම අරන් තියනවා. රෑට රාජකාරියේ යන ගමන් හෝටලට ගොඩ වෙන පොලිස් නිලදාරීන්ට දෙන්න.මොකද එයාලා මුදල් දෙන්නේ නැති හින්දා කියලා තවුවේ.තවත් දවසක ගාලු මුවදොර පිටියට ගියා පවුලේ අයත් එක්ක. එතන තියනවා කොත්තු හදන තැනක්. අපි හැමෝම කොත්තු කෑවා. වැඩිපුර ඉතුරු කරලා හැමෝම වතුර පාගන්න පහලට ගියා. මම කොත්තු ගහන හැටි බලන් හිටියා. අර අපි කාලා ඉතුරු කොත්තු ටික කලවම් කරනවා මම දැක්කා තවත් කොත්තුවකට. ඒ කියන්නේ අපිත් කන්න ඇත්තේ කවුරුහරි කාපු කොත්තු වෙන්න ඇති. කවදාවත් දරුවොත් එක්ක යද්දී පිටින් කෑම කන්න එපා. කෑම ගෙදරින් හදාගෙන යන්න.කවුරුහරි කාපුවා කන්න ආසා නම් කඩෙන් කන්න.අනිත් කරුණ නම් දවස් 3 .4 ක් හෝ ඊට වඩා කල් ඉකුත්වූ මස් මාළු හොදි මේවට කලවම් කරනවා.මේ ගැන කල්පනාවෙන් පිටින් ආහාර ලබාගන්න (නි)