උසස් පෙළ ප‍්‍රතිඵල අන්තර් ජාලයෙන් කඩිනමින් බැලූ තැනැත්තකු තම ඥාති  පුත‍්‍රයකු ඉන් ඉහළින් සමත් බව දැන කාටත් කලින් එය ඔහුට දැන්වීමට  එස්.එම්.එස්. පණිවුඩයක් යැවීය. ඊට ප‍්‍රතිචාර ලැබුණේ නැත.
මේ නිසා පසුදා උදෑසනම ඔහුට දුරකථන ඇමතුමක් දුන්නේ ආරංචිය තහවුරු කර ගන්නටය.
 එහා පැත්තෙන් ආවේ කාන්තා කටහඬකි. මේ ඥාති පුතාගේ මව බව දැනගත් ඔහු ”අක්කේ මම පුතාට සුබ පතලා එස්.එම්.එස්. එකක් එව්වා” කීවා පමණකි.
 ”මේ උදේ පාන්දර මගෙන් මුකුත් අහගන්න එපා. පොඩි එකා විභාගෙ ෆේල් කියලා ඔහොම විහිළු කරන එක වැරදියි” ඇය කීවෙන් ඔහුට තරු පෙනිණි.
 කරුණු සොයා බැලීමේදී අනාවරණය වූයේ තම ඥාති පුතාගේ නමට සමාන නමක් අන්තර්ජාලයේ තිබුණත් විභාග  අංකය පැටලී තිබුණ බවක්ලූ.