IMG-LOGO

2024 නොවැම්බර් මස 25 වන සඳුදා


ගැබිනි බිරියට ආප්ප ගේන්න ගිය සැමියා බීලා ගල්තලාවක් උඩ බුදි

(කෑගල්ල අධිකරණ – චමින්ද වැවතැන්න)


ගැබිනි බිරියගේ දොළදුක සන්සිදුවීමට උණු ආප්ප රැගෙන ඒමට පැමිණි සැමියා මිතුරන් සමග හොඳටම සූර් වී ගල්තලාවක වැටී සිටියදී ගැබිනි බිරිඳම අමාරුවෙන් වත්තන් කරගෙන නිවෙසට රැගෙන යාමට සිදුවූ පුවතක් කෑගල්ලෙන් වාර්තාවේ.
ඔහු තරුණ ව්‍යාපාරිකයෙකි. මව්පියන් සමග නිවෙසේ පදිංචිව සිටියේය. බුලත්කොහුපිටිය ප්‍රදේශයේ තරුණියක සමග පෙමින් වෙළුණ ඔහු මීට වසරකට පමණ ඉහත දී දෙපාර්ශ්වයේම ආශිර්වාදය ඇතිව එම තරුණිය සමග විවාහ විය.
තරුණයා ඉඩමක් මිල දී ගත් අතර එහි නව නිවෙසක් ඉදිකිරීමට ද ආරම්භ කළේය. නිවෙසේ අඩක් වැඩ නිමවන විට බිරිඳ සමග ඔහු එහි පදිංචියට ආවේය.
බිරිඳ ගැබිනියක වන ලකුණු පහළ කළාය. සැමියාට මෙන්ම මව්පියන්ට ද එය ප්‍රීතිමත් ආරංචියක් විය. එපමණක් නොව බිරිඳ කෑමට බීමට ආසා කරන ඕනෑම දෙයක් කොහෙන් හෝ සොයා දීමට සැමියා කටයුතු කළේය.
“මට උණු ආප්ප කන්න ආසයි.” බිරිඳ සැමියාට කීවාය. ඒ වනවිට වේලාව රාත්‍රි 7 පමණ වී තිබිණි.
මං අරන් එන්නම් එසේ කී තරුණ සැමියා යතුරුපැදියේ නැගී ආප්ප කඩය බලා ඉගිලී ආවේය. ආප්ප කඩයට නිවසේ සිට කිලෝ මීටරයක් පමණ දුරය.
හන්දියට ගියවිට ඔහු දුටුවේ මිතුරන් තුන් හතර දෙනකු මධුවතින් සප්පායම්වීමට සූද‌ානමින් සිටින බවය. මත්පැන් තොල ගෑමේ දොළදුකක් ඔහුට ද ඇතිවිය.
පැමිණි කාරණය ද අමතක කළ ඔහු මිතුරා ද සමග මහ පාරට ආසන්නයේම වූ ගල්තලාවකට ගොස් මත්පැන් බීම ආරම්භ කළේය.
හොඳටම පදම් වූ පසු ඔහු ගල් තලාව මතම නින්දට වැටුණේය. මිතුරන් ඔහු අවදි කිරීමට කොතෙක් උත්සාහ කළ ද එය අසාර්ථක විය.
“නැගිටපු වෙලාවක යන්නැතෑ. අපි යමු.” එසේ කී මිතුරෝ යන්න ගියහ.
රෑ 10 පහුවී ගිය ද සැමියා ගෙදර නොපැමිණි හෙයින් බියට පත් බිරිඳ විදුලි පන්දමක් ද රැගෙන හන්දිය දෙසට ආවාය.
සැමියාගේ යතුරුපැදිය පාර අයිනේ නතර කර තිබෙනු දුටු බිරිය ඒ අවට විපරම් කළාය.
මද දුරක් ඇවිද ගිය ඇයට කවුදෝ ගොරවන හඬක් ඇසුණි. එදෙසට ඇය විදුලි පන්දම එල්ල කළාය.
‘දෙයියෝ සාක්කි’ ඇයට කියැවුණේ ඉබේටමය. සැමියා ගල් තලාවේ සැප නින්දකය.
අමාරුවෙන් ඔහු අවදිකරගත් ඇය ඔහුට පවසා සිටියේ “මීට පස්සෙ නම් කවදාවත් ආප්ප කන්න ඕනෑ කියලා ඉල්ලන්නේ නෑ” යනුවෙනි.
ගමේ තරුණ පිරිස ඔහුට ‘ආප්පයා’ කියා නමක් පටබැන්දේ බිරියගේ මුවින්ම සිද්ධිය කීප දෙනකුට විස්තර කළ හෙයිනි.

 



අදහස් (0)

ගැබිනි බිරියට ආප්ප ගේන්න ගිය සැමියා බීලා ගල්තලාවක් උඩ බුදි

ඔබේ අදහස් එවන්න

දෙයියෝ සාක්කි

කෙසෙල් කැන කෙසෙල් මුවක් වෙලා
2024 නොවැම්බර් මස 25 357 0

රුපියල් 4000 ක පමණ වටිනාකමකින් යුත් පැසී තිබූ ඇම්බුන් කෙසෙල් කැන වෙනුවට එම කෙසෙල් ගසේ කෙසෙල් මුවක් මතු වීමේ පුවතක් කන්ද උඩරට ගම්මානයකින් වාර්තා වෙයි.


දරුවාට වඩා “සූදුව”ලොකු වෙලා
2024 නොවැම්බර් මස 22 871 0

සිය දරුවාගේ අනාගත අභිවෘද්ධිය වෙනුවෙන් මුදලක් වැය කරනවාට වඩා මුදලට සූදු කෙළීමට වටිනාකමක් දුන් මවක පිළිබඳ සිද්ධියක් හසලක නගරයට ආසන්න ප‍්‍රදේශයකින් වා


මැරුණු ලෙඩා සුවසේ වාට්ටුවක
2024 නොවැම්බර් මස 21 843 0

වයඹ පළාතේ රෝහලකට රාත්‍රි කාලයේ ඇතුළත් කළ හෘද රෝගියකු හදිසි ප්‍රතිකාර ඒකකයේ ප්‍රතිකාර ලබමින් සිටියදී මියගියැයි සඳහන් කළ පසු රෝගියා වෙනත් වාට්ටුවක ප්


පම්පෝරි ගහන්න ගිහින් “ඇඟිල්ලෙන්” පටි රෝල්වෙලා
2024 නොවැම්බර් මස 20 1155 0

මේ රජය පත් කරන්න තමන් ගත් උත්සාහය ගැන වීරයෙකු මෙන් පම්පෝරි ගැසූ තරුණයකුට ඇඟිල්ල නිසා පම්පෝරිය නවතා එතනින් මාරුවීමට සිදුවූ පුවතක් කරන්දෙණියෙන් අසන්නට


සිසුවාගේ උත්තරයෙන් මවගේ ​ෙරදි ගැලවිලා
2024 නොවැම්බර් මස 19 9483 1

ගුරුවරයා ඇසූ පැනයකට පහ වසරේ ශිෂ්‍යත්ව පන්තියක සිසුවෙකු දුන් උත්තරයෙන් දරුවාගේ මව රැස්ව සිටි පිරිස් හමුවේ ලැජ්ජාවට පත් වූ පුවතක් ඇතුගල්පුරවර නගරයෙන්


ඡන්දය දාන්න නොදුන්නාම ආච්චිට මළ පැනලා
2024 නොවැම්බර් මස 18 882 1

අවලංගු ගුවන් ගමන් බලපත්‍රයකින් ඡන්දය ප්‍රකාශ කිරීමට අවස්ථාව නොදුන්නැයි ඡන්ද මධ්‍යස්ථානයක නිලධාරීන් කණ්ඩායමකට දොස් නගා බැණ වැදී ඇතැයි කියන වයෝවෘද්ධ


මේවාටත් කැමතිවනු ඇති

BMS Campus උසස් අධ්‍යාපනයේ 25 වසරක උරුමයේ රිදී ජුබිලිය සමරයි 2024 නොවැම්බර් මස 05 522 0
BMS Campus උසස් අධ්‍යාපනයේ 25 වසරක උරුමයේ රිදී ජුබිලිය සමරයි

වසර විසිපහක විශිෂ්ට ඉතිහාසයක් සහිත BMS කැම්පස් ආයතනය නවෝත්පාදනයන් පෝෂණය කරමින් අනාගත නායකයින් නිර්මාණය කරමින් සහ හැඩගස්වමින් විශිෂ්ට ආයතනයක් බවට මේ ව

සියපත ෆිනෑන්ස් පීඑල්සී මතුගම ශාඛාව දැන් විවෘතයි 2024 ඔක්තෝබර් මස 18 734 0
සියපත ෆිනෑන්ස් පීඑල්සී මතුගම ශාඛාව දැන් විවෘතයි

සියපත ෆිනෑන්ස් පීඑල්සී දීප ව්‍යාප්ත ශාඛා ජාලයේ 51 වැනි ශාඛාව කලූතර දිස්ත‍්‍රික්කයේ අර්ධ නාගරික ජනාකීර්ණ නගරයක් වූ මතුගම නගරයේදී පසුගියදා විවෘත කෙරිණ.

දැරිය හැකි මිලක e-Bike මිලදී ගන්න බැරි වෙයිද? 2024 ඔක්තෝබර් මස 10 2056 0
දැරිය හැකි මිලක e-Bike මිලදී ගන්න බැරි වෙයිද?

ඔබ භාවිත කරනුයේ කුඩා යතුරු පැදියක් හෝ අධි සුඛෝපභෝගී මෝටර් රියක් හෝ වේවා එහි බැටරියට හිමිවනුයේ ප‍්‍රධාන අංගයකි. වාහනයක් කරදර වලින් තොරව සිත්සේ භාවිත කර

Our Group Site