දකුණු පළාත් රාජ්‍ය ආයතන කීපයක් අසල වූ තේ කඩයකි. මුදලාලි සාමාන්‍ය තේ එකක් හදන විට එය ජෝගුවෙන් කෝප්පයට හෙමින් වත් කළත්කිරි තේ කොප්පයට දමන විට ජෝගුව අඩි දෙක තුනක් ඔසවා ඉහළ සිට වත් කළේ කපටිකමටය. එවිට කෝප්පයෙන් අඩක්ම පෙනවලින් වැසෙන බව ඔහු දනී.
කාර්යාලයේ වැඩ කීපයක් කරගත් ගුරුවරයකු කඩයට ගොඩ වී කිරි තේ එකක් ඉල්ලූවේය. මුදලාලි සුපුරුදු පරිදි පෙනවලින් පිරුණු තේ එක මේසය මත තැබීය.
තම සමීපයට ආ හිතවතකු සමග මොහොතක් කතා කළ ගුරුවරයා තේ එක බීමට බලන විට දුටුවේ පෙන නැතිවගොස් තේ බාගයකි.
තේ බී කවුන්ටරයට ගිය ඔහු රුපියල් පහළොවක් දුන්නත් මුදලාලි කීවේ තේ එක රුපියල් විස්සක් බවකි. ”නෑ ගාන හරි මුදලාලි, තේ බාගෙට රුපියල් දහයයි. පෙන ටිකට රුපියල් පහයි” කී ඔහු කඩයෙන් එළියට බැස්සේය.