වසර ගණනාවක් එක දිගට විදේශ රටක නිවෙසක සේවය කළ ඇය ශ්‍රී ලංකාවට පැමිණියාය.

ඉංග‍්‍රීසි භාෂාව ගැන දැනුම ඇති නිසාත් කාර්ය ශූරවූ ඇයගේ සේවය ඉතා අවංකභාවයෙන් යුක්තවීම නිසාත් දන්නා කියන නිවාස රැසක කාන්තාවෝ ඇයට තම තමන්ගේ නිවෙස්වල සේවයට පැමිණෙන ලෙස ආරාධනා කළහ.

මේ අතින් ඉතාම කරුණාවන්ත නිවෙස්හිමි කාන්තාවකගේ ඉල්ලීමට ඇය අගනුවර තැනක සේවයට නතර වූවාය.

එසේ නතර වූ ඇය පොත් කියවීමට අවශ්‍ය බවද නිවෙස් හිමි කාන්තාවට කීවාය.

විශ‍්‍රාම සුවයෙන් පසුවූ නිවෙස් හිමි කාන්තාව දිනක් ඇය පරිහරණය කළ පැරණි පොත් විශාල ප‍්‍රමාණයක්ද තවත් අලූත් පොත් කිහිපයක්ද තම නවක සේවිකාවට ගෙනැවිත් දුන්නේය.

නෑ... නෑ.... නෝනා මම කිව්වේ මේ ”බුක්” නොවෙයි... ”අයි වෝන්ට් පේස් බුක්” මැඩම්. ඇය ඉංග‍්‍රීසි බසද මුසු කොට ගෙහිමි කාන්තාවට නැවත නැවතත් කියන්නට විය.

හරි.. මම මහත්තයට කියලා හෙට ගෙනත් දෙන්නම්. දැන් මේවා කියවන්න. ඇය සේවිකාව අස්වැස්සීමට නැවතත් කීවාය.

නෑ නෑ මැඩම් මට මගේ යාලූවෝ එක්ක චැට් කරන්න ෆේස් බුක් ලොග් වෙන්නයි  ඕනෑ.

එසේ කියමින් ඇය කුඩා ලැප්ටොප් පරිගණකයක් ගෙහිමි කාන්තාවට පෙන්වමින් නව තාක්‍ෂණය ගැන විග‍්‍රහයක් කරන්නට විය.