2024 නොවැම්බර් මස 24 වන ඉරිදා
2024 නොවැම්බර් මස 24 වන ඉරිදා
චූන් පාන් චූන් වෙන්න ගොසින් බිරියට ආරංචිවීමෙන් පසු ඇයත් සැමියා සමග චූන් පාන් රථයෙන් ගොස් කෑම වර්ග අලෙවි කරන අයුරු කොළඹ නුදුරු ප‍්‍රදේශයකින් පසුගිය දා අසන්නට ලැබුණි.
සිද්ධිය මෙසේය.
ඔහු විවාහකයකු වන අතර බේකරි නිෂ්පාදන ජංගම අලෙවිකරුවෙකි. තම රථයෙන් ගොස් දිනපතා උදෑසන හා සන්ධ්‍යා කාලයේදී කෑම වර්ග අලෙවි කරමින් සිටියේය. කාලයක් යනවිට ඔහු අනියම් ඇසුරක පැටලූණි. එහෙයින් වෙළඳාම් සිදුකර නිවෙසට යන වේලාව ද දිනෙන් දින ප‍්‍රමාද විය. තම සැමියා ගැන ඇයට සැකයක් ඇතිවුවත් ඒ ගැන ඔහුගෙන් නොවිමසා රහසිගත ලෙස ඇය තම ඥාතියකු ලවා පරීක්ෂා කර බැලීය. දැනගන්නට ලැබුණේ තම සැමියා අනියම් ඇසුරකට පෙළඹී ඇති බවයි.
එම තොරතුරත් සමග කළබල නොවූ ඇය දිනක් තම ස්වාමියාගෙන් රෑ බෝවන්නේ ඇයි දැයි විමසුවාය. එවිට දැන් හැමතැනම චූන් පාන් කට්ටිය වැඩියි. ඒ නිසා කෑම ටික විකුණගන්න සෑහෙන දුවන්නත්, මහන්සි වෙන්නත් ඕනෑ යැයි පැවසීය. අවස්ථාවෙන් ප‍්‍රයෝජන ගත් බිරිය‘‘එහෙනම් මමත් ඔයත් එක්ක එන්නම්, එතකොට ඉක්මනින් කෑම ටික විකුණගන්න පුළුවන් වේවි’’ යැයි පැවසුවාය.
එයින් තැතිගත් ඔහු ‘‘ ඕනෑ නෑ මම කොහොම හරි මහන්සි වෙලා කරගන්නම්’’ යැයි කීය. ‘‘නෑ නෑ දවසක් මම එක්ක ගිහිල්ල බලමු ’’යැයි ඇය පවසා පසුදා උදෑසනම ඇයත් අවදිවී චූන් පාන් රථයට ගොඩ වූවාය. ඔහු රියැදුරු අසුනේ සිටිය දී ඇය කෑම වර්ග අලෙවිකරන්න වූවාය. වෙනදාටත් වඩා ඉක්මනින් කෑම අලෙවි විය. චූන් පාන්ට කට උත්තර නැතිවිය. රෑ බෝ නොවී සවස් යාමයේම ඔවුහු කෑම අලෙවිකර නිවෙසට ගියහ.
ඒ අනුව දැන් ඇයත් දිනපතාම චූන් පාන් රථයේ ගමන් කරමින් කෑම වර්ග අලෙවි කරන්නට විය. චූන් පාන්ගේ අනියම් ඇසුරත් එතනින් නිමාවිය.
සිය දරුවාගේ අනාගත අභිවෘද්ධිය වෙනුවෙන් මුදලක් වැය කරනවාට වඩා මුදලට සූදු කෙළීමට වටිනාකමක් දුන් මවක පිළිබඳ සිද්ධියක් හසලක නගරයට ආසන්න ප‍්‍රදේශයකින් වා
වයඹ පළාතේ රෝහලකට රාත්‍රි කාලයේ ඇතුළත් කළ හෘද රෝගියකු හදිසි ප්‍රතිකාර ඒකකයේ ප්‍රතිකාර ලබමින් සිටියදී මියගියැයි සඳහන් කළ පසු රෝගියා වෙනත් වාට්ටුවක ප්
මේ රජය පත් කරන්න තමන් ගත් උත්සාහය ගැන වීරයෙකු මෙන් පම්පෝරි ගැසූ තරුණයකුට ඇඟිල්ල නිසා පම්පෝරිය නවතා එතනින් මාරුවීමට සිදුවූ පුවතක් කරන්දෙණියෙන් අසන්නට
ගුරුවරයා ඇසූ පැනයකට පහ වසරේ ශිෂ්‍යත්ව පන්තියක සිසුවෙකු දුන් උත්තරයෙන් දරුවාගේ මව රැස්ව සිටි පිරිස් හමුවේ ලැජ්ජාවට පත් වූ පුවතක් ඇතුගල්පුරවර නගරයෙන්
අවලංගු ගුවන් ගමන් බලපත්‍රයකින් ඡන්දය ප්‍රකාශ කිරීමට අවස්ථාව නොදුන්නැයි ඡන්ද මධ්‍යස්ථානයක නිලධාරීන් කණ්ඩායමකට දොස් නගා බැණ වැදී ඇතැයි කියන වයෝවෘද්ධ
මිතුරන් පිරිසක් සමග ඡන්දය අහන්න ගොස් සෙට්වී නිවසට යාමට නොහැකිවූ අයකු පිළිබඳව කතාවක් ගාලු දිසාවේ ගමකින් ඊයේ (15) උදේ පාන්දරින්ම අසන්න ලැබුණේය.
2024 නොවැම්බර් මස 05
504
0
වසර විසිපහක විශිෂ්ට ඉතිහාසයක් සහිත BMS කැම්පස් ආයතනය නවෝත්පාදනයන් පෝෂණය කරමින් අනාගත නායකයින් නිර්මාණය කරමින් සහ හැඩගස්වමින් විශිෂ්ට ආයතනයක් බවට මේ ව
2024 ඔක්තෝබර් මස 18
721
0
සියපත ෆිනෑන්ස් පීඑල්සී දීප ව්‍යාප්ත ශාඛා ජාලයේ 51 වැනි ශාඛාව කලූතර දිස්ත‍්‍රික්කයේ අර්ධ නාගරික ජනාකීර්ණ නගරයක් වූ මතුගම නගරයේදී පසුගියදා විවෘත කෙරිණ.
ඔබ භාවිත කරනුයේ කුඩා යතුරු පැදියක් හෝ අධි සුඛෝපභෝගී මෝටර් රියක් හෝ වේවා එහි බැටරියට හිමිවනුයේ ප‍්‍රධාන අංගයකි. වාහනයක් කරදර වලින් තොරව සිත්සේ භාවිත කර
චූන් පාන් විකුණන්න බිරියත් ඇවිත් චූන් එක නැවතිලා
ඩී.උපුල් Monday, 15 February 2016 09:08 AM
එක බිරිඳක් හොඳයි. එතකොට අර අනියම් බිරිඳ ගැන මොකද කියන්නේ. (බ)
පිටබැද්දර ජයා Friday, 12 February 2016 03:31 AM
කොහොමද ටිකිරි මොලේ , බුද්ධීමත් කාන්තාවක් ජය වේවා (ම)
රෙජි-සිඩ්නි Friday, 12 February 2016 03:37 AM
නුවණක් කාර බිරිඳක්.අඩදබර කරගන්නේ නැතිව, පවුලේ ප්‍රශ්න ඇති කරගන්නේ නැතිව තැනට සුදුසු විදිහට නුවණ පාවිච්චි කරලා ප්‍රශ්නය විසඳුවා. (ම)
රිහාන් Thursday, 25 February 2016 04:51 AM
ඉවසීමෙන් සැනසුම ලබාගත් බිරිඳක්. බිරින්දෑවරුන්ට හොඳ ආදර්ශයක් (ම)
ජනක Saturday, 13 February 2016 03:38 AM
මේ ගෑනු කෙනා අර ලංකාවේ ප්‍රචාරය කරන කිරි හෝ තේ බොනවා ඇති. නැත්නම් මෙච්චර සුක්ෂම මොලයක් කොහෙන්ද? (බ)
චන්දික Friday, 12 February 2016 04:47 AM
මොලේ ඇති ඉවසීම තිබෙන බිරිදක්... යහපතක්ම වේවා. (ම)
නලින් යහම්පත් Saturday, 13 February 2016 05:47 PM
කෙනෙකුගේ සතුට තව කෙනෙකුගේ දුකක්. සමහරු සිටිනවා සැමියා වෙනත් ස්ත්‍රියක සමඟ හාදකම් කරන අතර බිරිඳ වෙනත් මිනිසකු සමඟ හාදකම් පවත්වන. එහෙත් ඔවුන් වෙන්වන්නේ නැහැ (නි)
මැණික් Friday, 12 February 2016 05:21 AM
මම මේ කල්පනා කරන්නේ ඉවසීම, බුද්ධිමත්කම සහ හැදියාව බිරිඳට විතරක් තිබුනාම ඇතිද කියලා. (නි)
ආනන්ද දොඩන්ගොඩ Friday, 12 February 2016 12:52 PM
දෙන් ඉතින් ෙඩිය රෑ වෙන්න කලින් දෙන්නම ගෙදර යන නිසා , ගෙදරදී දෙන්නටහෛාඳට ඉන්න පුළුවන් (බ)
නුවන් විජේවර්ධන Friday, 12 February 2016 08:20 AM
ධර්මය හා කර්මය ගැන හරිහැටි අවබෝධයක් නැති එක තමයි ඔය ඔක්කොම මෝඩකම් වලට හේතුව.....(බ)
ලියනගේ Friday, 12 February 2016 05:22 AM
රටේ අනෙකුත් තරුණ බිරින්දෑවරුන්ට ආදර්ශයක් වෙන්න ඕනෑ මෙවැනි බිරින්දෑවරුන්.ඉවසීම, තැනට සුදුසු නුවණ... දැන් රටේ පවතින වාතාවරණය අනුව හොඳ පියවරක් ගත් අපේ කාලයේ කාන්තාවක් (නි)
සරසි Friday, 12 February 2016 05:25 AM
ව්‍යාපාරිකයක් කියන්නේ විශ්වාස කළ හැකි පිරිමි කොට්ඨාශයක් නෙමෙයි. දුප්පත් මාස් පඩිකාරයෙකු , දවසේ කුලියට වැඩ කරන කම්කරුවෙකුගේ බිරින්දෑවරු සැනසීමෙන් ජීවත්වෙනවා. සල්ලි වැඩිවෙන තරමට ව්‍යාපාරිකයන්ට ප්‍රතිලාභ ලෙස ලැබෙන්නේ ඇහැට කනට පේන තරුණියන්. (නි)
මේනක Friday, 12 February 2016 05:39 AM
බිරිඳ බුද්ධිමත් සහ ඉවසනසුළු වුණාට දැන් මේ සැමියාට කාම මිත්‍යාචාර පාපයෙන් ගැළවෙන්න බැහැ. ඊළඟ ආත්මයේ තමන්ව තලන පෙලන බිරිඳක් වුණත් ලැබෙන්නේ මෙහෙම උදවියට තමයි. විවාහය යනු එක පාර්ශවයකගේ මහන්සියෙන් පමණක් ගොඩදාගන්න පුළුවන් දෙයක් නෙමෙයි. (නි)
කිරි ගමරාල Friday, 12 February 2016 05:36 AM
අපරාදේ. ස්වාමි පුරුෂයාගේ චූන් එක. (ර)
ඉමේෂ් Monday, 15 February 2016 01:30 AM
බුද්ධිමත් කාන්තාවක් (නි)
චන්ද්‍රසිරි Friday, 12 February 2016 08:00 PM
ඒකට අපේ උන්දැලා? හොයන්නෙම නැති වැරදි (නි)
අජිත් Saturday, 13 February 2016 01:04 PM
ඉතාම හොඳ බිරිඳක් බව පේනවා. ජය ශ්‍රී. (නි)
ඉන්දික Sunday, 14 February 2016 12:08 PM
ජය වේවා දෙන්නටම! (නි)