චාරිකාවකින් පසු තම කුඩා දරුවා කුලී රියේ දමා නිවෙසට ගොස් නිදාගත් ඥාතීන් පිරිසක් පිළිබඳව මාතලේ යටවත්තෙන් වාර්තා වෙයි.
පවුල් දෙක තුනක ඥාතීන් පිරිසක් යටවත්තේ සිට මහනුවර ප‍්‍රදේශයේ තවත් ඥාති නිවෙසකට ගොස් ඇත්තේ පෞද්ගලික කරුණකටය. මේ පිරිස ආපසු එද්දී ගමන් මහන්සිය නිසා හෙම්බත් වී සිටියහ.
රාත‍්‍රි දහයද පසුවී තිබුණ නිසා ඔවුන්ට අධික නිදි මතක්ද දැනුණි. අතර මගදී සිය නිවෙස් අසලින් මේ අය වාහනයෙන් බැස ගත්හ.
අවසානයේ මේ තරුණ රියදුරා සිය නිවෙසට පැමිණ රාත‍්‍රි ආහාර ගෙන වෑන් රිය පිරිසුදු කිරීමට එහි දොරවල් විවර කර ඊට ගොඩවිය.
පුදුමයකි. වාහනයේ පිටුපස අසුනේ නිදා සිටි වයස අවුරුදු පහක් පමණ වූ දරුවකු දැක මේ තරුණයා මහත් තැති ගැන්මකට පත්විය.
ලහි ලහියේ වාහනය මාර්ගයට ගත් ඔහු  කුලී ගමන ගිය අය සොයා පිම්මේ වාහනය පැදවීය.
ඔහු යනවිටත් එම නිවසේ ගේට්ටුව ඉබි යතුරු දමා තිබුණි.
ඒ අසල සිටි ත‍්‍රිරෝද රථ රියදුරකුට කාරණය පවසා ළමයා භාරදීමට උත්සාහ කළත් නිවසේ ගේට්ටුවේ යතුර සොයා ගැනීමට නිවැසියන්ට අපහසුවිය. සමහරු මර නින්දේය. කෙසේ හෝ ගේට්ටුව නො ඇරම ළමයා ඔසවා ගේට්ටුව උඩින් අයිති කරුවන්ට භාරදී සිරන්ත පෙරේරා තම සිත නිදහස් කර ගත්තේය.