අගනුවර තරුපහේ හෝටලයකදී පසුගිය දිනෙක සිදු වූ අපූරු සිදුවීමකි මේ. පෞද්ගලික ආයතනයක් මගින් කොළඹ සුඛෝපභෝගී හෝටලයක සම්මන්ත‍්‍රණයක් පැවැත්විණි. දෙස් විදෙස් නියෝජිතයනට අමතරව විවිධ ආයතන වල නිලධාරීහුද එයට සහභාගි වූහ. උත්සව ශාලාවේ හයසීයකට අධික සංඛ්‍යාවක් අසුන්ගෙන සිටි අතර ඔවුන්ගේ අවධානය යොමු වී තිබුණේ වේදිකාව දෙසය.

ජරxබරාස් යන හඬ නගිමින්, දොරක්, සවි කර තිබූ සරනේරුද සමග ගැලවී පහත්විය. දොර අසල රැඳී සිටි කිහිප දෙනෙකු ද ක්ෂණිකව ක‍්‍රියාත්මක වී දොර වැටෙන්නට නොදී අල්ලා ගත්තේ ඉතාමත් අසීරුවෙනි. ඝනකමින් යුක්ත දැව දොරක් වූ එය අධික බරකින් යුක්ත වීම නිසා ඔවුන්ට එය අල්ලා ගැනීමට නොහැකි වූවා නම් විශාල අනතුරක් සිදු වීමට ඉඩ තිබිණි.

කෙසේ හෝ දිවා ආහාරයට පෙර දොර යථා තත්ත්වයට පත් කිරීමට හෝටලයේ නඩත්තු අංශයේ සේවකයෝ සමත් වූහ.
සිද්ධිය සියැසින් දුටු අයකු පැවසූවේ දොර වැටෙන අවස්ථාවේදී තමාගේ හෘද ස්පන්ධනය නැවතුනාක් මෙන් දැනුණු බවය.