2024 නොවැම්බර් මස 23 වන සෙනසුරාදා
2024 නොවැම්බර් මස 23 වන සෙනසුරාදා
එය මීටරයක් සවි කරන ලද ත‍්‍රිරෝද රථයකි. ටයි පටියක් පැළඳි තරුණ මහතෙක් හවස් වරුවේ එයට ගොඩවිය. ‘‘ඉස්සරහට යමු’’ හෙතෙම පැවසූ විට මීටරය ක‍්‍රියාත්මක කළ රියැදුරා ගමන ආරම්භ කළේය.
තම සේවා ස්ථානයට පැමිණි තරුණ මහතා, පොඞ්ඩක් ඉන්න මං ටක්ගාලා එන්නම් යැයි පැවැසීය. මීටරයේ රුපියල් හැත්තෑවක් සටහන්ව තිබිණි. මීටර් ත‍්‍රිරෝද රථයකින් පාරිභෝගිකයකු ගමණක් ගොස් නැවත පැමිණෙන තුරු නවත්වා සිටින විට පොරොත්තු ගාස්තු විනාඩියකට රුපියල් දෙකක් ගාස්තුවට එකතු වේ. පැය භාගයක් ගතවිය. තරුණයා පැමිණියේ නැත. පොරොත්තු ගාස්තු වශයෙන් රුපියල් හැටක් එකතු වී තිබිණි.
රියැදුරා අසල සිටියකු අමතා ‘‘දැන් බලන්න මහත්තයා කීවේ ටක්ගාලා එන්නම් කියලා. දැන් පැය භාගයක් ගිහිල්ලා. ‘වෙයිටින්’ වැටෙනවා තමයි. ඒ වුණාට මේ පැය බාගෙට පාරේ හිටියා නම් රුපියල් තුන්සීයකටත් වැඩියෙන් හොයලා’’ ඔහු පැවැසීය. ස්වල්ප වේලාවකින් නැවත පැමිණි තරුණයා රියැදුරාගේ පිටට තට්ටුවක් දමා, මල්ලී තව ටිකක් යැයි පවසා යළි ඇතුළට ගියේය. ‘‘මම කැමතිම නැහැ ඔය වගේ හයර් යන්න’’ රියැදුරා නෝක්කඩු ස්වරයෙන් අයකුට කීය. පැයක් ගතවිය. රුපියල් හැත්තෑවේ ගාස්තුව රුපියල් එකසිය අනූවක් බවට පත් වී තිබිණි. ‘‘එහෙනම් අපි යමු’’ තරුණ මහතා රථයට ගොඩවෙමින් පැවැසීය. ත‍්‍රිරෝද රියේ පසුපස අපූරු වදන් පෙළක් සටහන් වී තිබිණි.
‘‘යන්නෙත් නැහැ. ගියත් ඉන්නත් බැහැ, ඒත් ටක්ගාලා එන්නම් හොදේ’’
(ක‍්‍රිස්ටෝපර් සීපියන් - අනුරාධපුර)
සිය දරුවාගේ අනාගත අභිවෘද්ධිය වෙනුවෙන් මුදලක් වැය කරනවාට වඩා මුදලට සූදු කෙළීමට වටිනාකමක් දුන් මවක පිළිබඳ සිද්ධියක් හසලක නගරයට ආසන්න ප‍්‍රදේශයකින් වා
වයඹ පළාතේ රෝහලකට රාත්‍රි කාලයේ ඇතුළත් කළ හෘද රෝගියකු හදිසි ප්‍රතිකාර ඒකකයේ ප්‍රතිකාර ලබමින් සිටියදී මියගියැයි සඳහන් කළ පසු රෝගියා වෙනත් වාට්ටුවක ප්
මේ රජය පත් කරන්න තමන් ගත් උත්සාහය ගැන වීරයෙකු මෙන් පම්පෝරි ගැසූ තරුණයකුට ඇඟිල්ල නිසා පම්පෝරිය නවතා එතනින් මාරුවීමට සිදුවූ පුවතක් කරන්දෙණියෙන් අසන්නට
ගුරුවරයා ඇසූ පැනයකට පහ වසරේ ශිෂ්‍යත්ව පන්තියක සිසුවෙකු දුන් උත්තරයෙන් දරුවාගේ මව රැස්ව සිටි පිරිස් හමුවේ ලැජ්ජාවට පත් වූ පුවතක් ඇතුගල්පුරවර නගරයෙන්
අවලංගු ගුවන් ගමන් බලපත්‍රයකින් ඡන්දය ප්‍රකාශ කිරීමට අවස්ථාව නොදුන්නැයි ඡන්ද මධ්‍යස්ථානයක නිලධාරීන් කණ්ඩායමකට දොස් නගා බැණ වැදී ඇතැයි කියන වයෝවෘද්ධ
මිතුරන් පිරිසක් සමග ඡන්දය අහන්න ගොස් සෙට්වී නිවසට යාමට නොහැකිවූ අයකු පිළිබඳව කතාවක් ගාලු දිසාවේ ගමකින් ඊයේ (15) උදේ පාන්දරින්ම අසන්න ලැබුණේය.
2024 නොවැම්බර් මස 05
500
0
වසර විසිපහක විශිෂ්ට ඉතිහාසයක් සහිත BMS කැම්පස් ආයතනය නවෝත්පාදනයන් පෝෂණය කරමින් අනාගත නායකයින් නිර්මාණය කරමින් සහ හැඩගස්වමින් විශිෂ්ට ආයතනයක් බවට මේ ව
2024 ඔක්තෝබර් මස 18
713
0
සියපත ෆිනෑන්ස් පීඑල්සී දීප ව්‍යාප්ත ශාඛා ජාලයේ 51 වැනි ශාඛාව කලූතර දිස්ත‍්‍රික්කයේ අර්ධ නාගරික ජනාකීර්ණ නගරයක් වූ මතුගම නගරයේදී පසුගියදා විවෘත කෙරිණ.
ඔබ භාවිත කරනුයේ කුඩා යතුරු පැදියක් හෝ අධි සුඛෝපභෝගී මෝටර් රියක් හෝ වේවා එහි බැටරියට හිමිවනුයේ ප‍්‍රධාන අංගයකි. වාහනයක් කරදර වලින් තොරව සිත්සේ භාවිත කර
ත‍්‍රීවිල් හයර් යන්න ඇවිත් රියැදුරුගේ කනෙන් රිංගලා
ගයාන් Thursday, 25 September 2014 04:49 AM
ඔය කොළඹ ඉන්න බහුතරයක් ත්‍රීරෝද රියදුරන් කියන්නේ අමු කපටි කට්ටියක්. කොළඹ ගැන දන්නේ නැති කෙනෙක් අවොත් සුද්ද කරලා යවන්නේ. ඔය මිනිස්සුන්ට කොච්චර සල්ලි හම්බ වුනත් ඒවා වගතුවක් නැති වෙන්නේ ඔය මිනිස්සු කරන කපටි වැඩ නිසා. රුපියල් 70 හයර් එකට රුපියල් 120-150 කඩනවා මමනම් ආසම නැති කට්ටියක් තම පිට කොටුවේ රියදුරන්ව . (දී)
චමින්ද Thursday, 25 September 2014 09:33 AM
ඒකනම් ඇත්ත ලකී.අපේ ලංකාවේ හැම කෙනෙක්ම, වෙලාවට වැඩ කරනවා නම් කොච්චර හොදද ?(දී)
චමින්ද Wednesday, 24 September 2014 08:24 PM
මම මේ පුවත සම්පුර්ණයෙන්ම කියවන්න කලින් හිතුවා, මහත්මයා " ටක් ගාලා එන්නම් " කියලා ගිහිල්ලා,ගාස්තුවත් නොදී අතුරුදහන් වෙලාම ගියා කියලා.ආපහු ආපු එක ලොකු දෙයක්. (දී)
පද්මේන් Thursday, 25 September 2014 06:07 AM
ගයාන් ගමක කෙනෙක් බව වැටහෙනවා. ත්‍රී වීල් ස්ටෑන්ඩ් වල ඉන්න අය එක්ක ගියොත් නම් ඔයවගේ වැඩ වෙනවා.හැමතැනම හොඳ සහ නරක දෙගොල්ලක් ඉන්නවා. (දී)
අමා Wednesday, 24 September 2014 09:36 PM
අනේ අහිංසක අසරණයා! දුෂිත අයත් ඉන්නවනේ කොච්චරවත් (නි)
ටෙනිසන් Saturday, 27 September 2014 06:05 AM
සාමාන්‍යයෙන් කොටුවේ දුම්රිය ස්ථානයේ සිට රාජගිරියේ කොස්වත්ත හන්දියට මීටර් ත්‍රීරෝද රියක ගාස්තුව වැටෙන්නේ රු.250/= ට අඩුවෙන් එදා වැස්ස දවසක් මා රථයට ගොඩ වී කොස්වතට කී විට ඔහුගේ මුල් පැනය වුයේ කොයි කොස්වත්තද? මා රාජගිරිය කී විගස ඔහු රු. 650/= යි පිළිතුරු දුනි. ඇයි මීටරය වැඩ කරන්නේ නැද්දැයි මා අසු විට '' වැස්ස දවස් වලට මීටරයට දුවන්නේ නැහැ'' යි ඔහුගේ පිළිතුර විය. නීතිය හා සාදාරනය කොතනද? (දී)
ඉන්දු Thursday, 25 September 2014 02:25 AM
මට නම් මේක හිතාගන්න බැහැ (නි)
ආකාෂ් Sunday, 12 October 2014 04:18 PM
ඒ වෙලාවේ හයර් ගියානම් වැඩි ගාණක් හොයාගෙන.(හේ)
ලකී දොඩන්ගොඩ Thursday, 25 September 2014 07:12 AM
ත්‍රි විලර රියදුරාට පාඩුවක් වුනේ නැහැනේ . කොහොම හරි ඇවිත් ගාස්තුව ගෙව්වනේ , ටක් ගාල වැඩක් කරන්න ගියාට ලංකාවේ කොහෙද ඒවා. හැමතැනම රස්තියාදුව , මේවා ත්‍රි විලර රියැදුර දන්නවනේ ? (දී)
ලූලා Thursday, 25 September 2014 03:19 AM
පැයට 600 නම් දවසට පැය 8ක් වැඩ කලොත් මෙයා 4800 ක් හොයනවා. මගෙ අම්මෝ මන්ත්‍රී තුමෙක්ගෙ මාසෙක වැටුප මෙයා දවස් 6න් හොයනවානේ.... (දී)
නලා Friday, 26 September 2014 05:16 AM
දැන ගියොත් කතරගම නොදැන ගියොත් අතරමග (දී)
මහේෂ මුතුකුඩ Thursday, 25 September 2014 04:31 AM
ලූලා ඔයා හුල්ලන්න එපා අහිංසක මිනිස්සුන්ට. ඔයත් ත්‍රීවීල් එකක් ගන්න. (දී)