ගමේ තරුණයෝ පිරිසක් ගම්වාසීන්ගේ ආධාරයෙන් බත් දන්සලක් පැවැත්වූහ. දන්සල විවෘත කළේ පොසොන් පෝයට පසු දිනය. එය පැවැත්වුණේ අහුන්ගල්ල මිද්දරමුල්ල ග‍්‍රාමාසේවා වසමට අයත් පොදු සුසානභූමියක ඉදිරිපිට වත්තක කුඩාරමේය.
ජනතාව වැල නොකැඞී දන්සල වැඳපුදා ගත්හ. දිවා රාත‍්‍රී දෙකේදීම තරුණයෝ මහන්සිවී ආහාර සපයමින් එහි පැමිණි දහසකට ආසන්න ජනයාට සංග‍්‍රහය කළහ. රාත‍්‍රී 11.00 පමණ වනවිට දන්සලේ කටයුතු නිමාවිය.
හිතුවටත් වඩා තමන්ගේ වැඬේ සාර්ථකයැයි ගමේ තරුණ පිරිස උදම් ඇනූහ. එයට හේතුවූයේ ඔවුන්ට ලැබුණු ද්‍රව්‍ය ආධාර අතර හාල්මලූ කීපයක්ද ඉතිරිව තිබීමය. දන්සල් පැවැත්වූ ඉඩමේ දැනට වසා දමා ඇති ගෙයක කාමරයක ඔව්හු හාල්මලූ කීපය සුරක්‍ෂිතව තැන් පත්කර නින්දට ගියහ.
පසුදා අවදිවී තරුණයෝ පිරිස බඩු මුට්ටු අස්පස් කිරීමට දන්සල් භූමියට පැමිණියහ. දුටුදෙයින් ඔවුන් සියලූ දෙනාම විස්මයට පත්විය. හාල්මලූ සුරැුකිව තිබූ කාමරයේ ජනේලය කඩා කිසිවකු ඇතුළුවී ඇති බව තරුණයන්ට අවබෝධ විය.
 තවදුරටත් සොයා බැලීමේදී කාමරයේ තිබූ හාල් කිලෝ ග‍්‍රෑම් 20 මලූ දෙකකුත් කිලෝ 10 මල්ලකුත් හොරු රැුගෙන ගොස් තිබුණි. ඒ අනුව හාල් කිලෝ 50 ක් කිසිවකු හෝ රැුගෙන ගොස් ඇති බව හෙළිවිය.