නව වසර වෙනුවෙන් තමා සේවය කරන ආයතනයේ පැවැත්වෙන ප‍්‍රිය සාදයට කැවුම් කිරිබත් සමග තම යට ඇඳුමද රැුගෙන ගිය තරුණ නිලධාරියකු පිළිබඳ පුවතක් වියලූවේ ආයතනයකින් වාර්තාවේ.

සිද්ධිය මෙසේය.
ඔහු ප‍්‍රදේශයේ එක්තරා ආයතනයක නිලධාරියෙකි. එදින ජනවාරි පළමු වැනිදා බැවින් ඔහු ආයතනයේ පැවැත්වෙන ප‍්‍රිය සාදයට ගෙදරින් දුන් කැවුම් කිරිබත් ටිකක්ද මල්ලක දමාගෙන සේවයට ගියේ එය තම යුතුකමක් කොට සලකමිනි.

කඩදාසි බෑගයක බහා තවත් බෑගයක දමා රැගෙන ගිය කැවිලි පාර්සලය ආයතනයේ හිතවත් සේවිකාවක් අතට දුන් ඔහු ‘‘මේකත් තේ මේසෙට ගන්න” යැයි පවසා සුපුරුදු රාජකාරියේ නිරත වූයේ සැමට සුබ නව වසරක් ද ප‍්‍රාර්ථනා කරමිනි.

කෙසේ වෙතත් ආයතනයේ සේවක පිිරිස් වෙන්වෙන්ව රැගෙන ආ කැවිලි පාර්සල් විවෘත කරමින් තේ මේසය පිළියෙල කළ ඔහුගේම හිතවත් සේවිකාවකට දැන ගන්නට ලැබී ඇත්තේ ඒ තුළ තිබූ කැවිලිවලට අමතරව ෂොපින් බෑගයක ඔතා තිබූ තෙත පිරිමි යට ඇඳුමකි.

මොහොතක් ගත වෙද්දී යට ඇඳුම තිබූ බෑගයද රැගෙන ඔහු සොයා ගිය අදාළ සේවිකාව පවසා ඇත්තේ ‘‘මහත්තය කැවිලි ටික නම් මේසයට තිබ්බා හැබැයි මේකනම් තියන්න බැහැ’’ යනුවෙනි.

තමා කැවිලි පාර්සලය දමාගෙන පැමිණ ඇත්තේ කලින් දින දිය නා ආපසු ගෙදර යද්දී තමා තෙත රෙදි දමාගෙන ගිය බෑගයට බව ඔහුට සිහි වන විට විය යුතු සියල්ල අවසන් වී තිබිණි. හිසේ අත ගසා ගන්නවා හැර ඔහුට කරන්නට අන්යමක්ද නොවිණි.