2024 නොවැම්බර් මස 25 වන සඳුදා
2024 නොවැම්බර් මස 25 වන සඳුදා
(උණවටුන - ඩී.ජී. සුගතපාල)
ඔහු මැදිවයසේ පසුවූ පුද්ගලයෙකි. ස්ථිර රැකියාවක් නොවූ ඔහු කලක් ඈත පළාතක පේනකරුවෙකු ළඟ ආවතේව කරමින් සිටියේය. පේනකරුගේ දේවාලයට ලැබෙන පඬුරු එකතු කිරීම හැර අනෙක් සියලු දේවල් එකතුකොට ඒවා අවශ්‍ය තැන්වලට ගෙන ගියේ ඔහුය. පලතුරු වෙළඳසලකටත් හඳුන්කූරු කපුරු ආදිය ඒ අසල වෙළඳසලකටත් තිරරෙදි ආදිය ටේලර් සාප්පුවකටත් ගෙනයාම ඔහුගේ රාජකාරියේ කොටසක් විය.
දිනක් ඔහුගේ හිතට අලුත් අදහසක් පහළ විය. “හැමදාම මේ මනුස්සයට ආවතේව කර කර ඉන්නවට වඩා මමත් ගමට ගිහිල්ල පේන කියන්න පටන් ගන්න ඕන” යනුවෙන් ඔහු සිතුවේය. ටික දිනක් යනවිට ඔහු පේනකරුට දක්වන සැලකිල්ල අඩුවන්නට විය. පේනකරු සමඟ හිත් අමනාපයක් ඇතිකර ගත් ඔහු යළිත් ගමට ගියේය. එසේ යනවිට දේවාලයේ තිබූ කුඩා දේව රූප කිහිපයක් ඝණ්ඨාරයක් ඇතුළු දේවාලයකට අවශ්‍ය දේවල් කිහිපයක් ද රැගෙන යාමට අමතක කළේ නැත. කලකට පසු ගමට පැමිණි ඔහු නිවස අසල කුඩා දේවාලයක් ඉදිකර ගත්තේය. දේවාලයේ හඳුන්කූරු කපුරු සුවඳ ගමපුරා හමා යන්නට විය. පුදුමයකි දැන් ඔහු කපු මහතෙකි. දිනපතා සවස කාලයේ දේවාලයේ පෝලිමකි. පේන ඇසීමට පැමිණෙන අයට තර්ජනය කර ඔවුන්ගේ කටින්ම තොරතුරු ලබාගෙන පේන කියන හැටි ඔහු ඉගෙන ගෙන තිබූ නිසා මෙය ඉතා පහසුවිය. පඬුරු ගැනීමෙන් පසු කපුමහතා පේන කියන්නේ පේන අසන්නට එන පුද්ගලයාට පිටු පාලාය. දිනක් පේනයක් කියමින් සිටින විට කපු මහතා මෙසේ කීවේය “දරුවනි, තව සුළු වේලාවකින් මෙම ස්ථානයට ශ්‍රමණ පැවිද්දෙක් වඩින බව මට දෙවියන් පෙන්නුම් කරනවා.” එසේ කියු කපුවා යළිත් පේනය කියන්නට විය.
ඔහුගේ අනාවැකිය සත්‍යයක්ම විය. එහි සිටි සියලු දෙනා පුදුමයට පත් කරමින් භික්ෂුන්වහන්සේ නමක් එහි වැඩියහ. එහෙත් උන්වහන්සේ වැඩියේ පේනයක් ඇසීමට නොව වෙනත් කාරණවකටය. මේ අතර පේනයක් ඇසීමට පැමිණ සිටි එක්තරා පුද්ගලයෙක් සෙමින් සෙමින් ඔහුට නොපෙනෙන ලෙස දේවාලයේ පිටතට නොපෙනෙන කොටසට එබී බැලුව්ය. එම පුද්ගලයා දුටුවේ පේන කීමට උපයෝගී කරගන්නා අපූරු උපකරණයකි. කුඩා කණ්ණාඩියක් මුල්ලක සවිකර තිබුණේය. එම කණ්ණාඩිය යොමුකර තිබුණේ කපුවාගේ නිවසට එන පාර දෙසටය. පේන කියන කපුවාට ප්රධාන පාරේ සිට ඔහුගේ නිවසට එන තෙක් මේ කණ්ණාඩියෙන් හොඳට දර්ශනය වේ. හාමුදුරුවන් වඩින බව එහි සිටි පුද්ගලයින්ට කපුවා කීවේ මේ කණ්ණාඩිය බලාගෙනය.
දැන් දේවාල භූමියේ කලබලයකි. දෙවියන් පලාගියේය. ඉන්පසු ගමේ මිනිස්සු ඔහු හැඳින්වූයේ කණ්නාඩි කපුවා යන නමිනි. එහෙත් ඔහු වැඩි කලක් ගමේ සිටියේ නැත. ගමට මුහුණ දීමට බැරිවූ කණ්ණාඩි කපුවා යළිත් ගමෙන් ගියේය.
රුපියල් 4000 ක පමණ වටිනාකමකින් යුත් පැසී තිබූ ඇම්බුන් කෙසෙල් කැන වෙනුවට එම කෙසෙල් ගසේ කෙසෙල් මුවක් මතු වීමේ පුවතක් කන්ද උඩරට ගම්මානයකින් වාර්තා වෙයි.
සිය දරුවාගේ අනාගත අභිවෘද්ධිය වෙනුවෙන් මුදලක් වැය කරනවාට වඩා මුදලට සූදු කෙළීමට වටිනාකමක් දුන් මවක පිළිබඳ සිද්ධියක් හසලක නගරයට ආසන්න ප‍්‍රදේශයකින් වා
වයඹ පළාතේ රෝහලකට රාත්‍රි කාලයේ ඇතුළත් කළ හෘද රෝගියකු හදිසි ප්‍රතිකාර ඒකකයේ ප්‍රතිකාර ලබමින් සිටියදී මියගියැයි සඳහන් කළ පසු රෝගියා වෙනත් වාට්ටුවක ප්
මේ රජය පත් කරන්න තමන් ගත් උත්සාහය ගැන වීරයෙකු මෙන් පම්පෝරි ගැසූ තරුණයකුට ඇඟිල්ල නිසා පම්පෝරිය නවතා එතනින් මාරුවීමට සිදුවූ පුවතක් කරන්දෙණියෙන් අසන්නට
ගුරුවරයා ඇසූ පැනයකට පහ වසරේ ශිෂ්‍යත්ව පන්තියක සිසුවෙකු දුන් උත්තරයෙන් දරුවාගේ මව රැස්ව සිටි පිරිස් හමුවේ ලැජ්ජාවට පත් වූ පුවතක් ඇතුගල්පුරවර නගරයෙන්
අවලංගු ගුවන් ගමන් බලපත්‍රයකින් ඡන්දය ප්‍රකාශ කිරීමට අවස්ථාව නොදුන්නැයි ඡන්ද මධ්‍යස්ථානයක නිලධාරීන් කණ්ඩායමකට දොස් නගා බැණ වැදී ඇතැයි කියන වයෝවෘද්ධ
2024 නොවැම්බර් මස 05
515
0
වසර විසිපහක විශිෂ්ට ඉතිහාසයක් සහිත BMS කැම්පස් ආයතනය නවෝත්පාදනයන් පෝෂණය කරමින් අනාගත නායකයින් නිර්මාණය කරමින් සහ හැඩගස්වමින් විශිෂ්ට ආයතනයක් බවට මේ ව
2024 ඔක්තෝබර් මස 18
732
0
සියපත ෆිනෑන්ස් පීඑල්සී දීප ව්‍යාප්ත ශාඛා ජාලයේ 51 වැනි ශාඛාව කලූතර දිස්ත‍්‍රික්කයේ අර්ධ නාගරික ජනාකීර්ණ නගරයක් වූ මතුගම නගරයේදී පසුගියදා විවෘත කෙරිණ.
ඔබ භාවිත කරනුයේ කුඩා යතුරු පැදියක් හෝ අධි සුඛෝපභෝගී මෝටර් රියක් හෝ වේවා එහි බැටරියට හිමිවනුයේ ප්රධාන අංගයකි. වාහනයක් කරදර වලින් තොරව සිත්සේ භාවිත කර
පේනකරුගේ ‘ගේම’ හෙළිවී අන්තිමේ ගමත් නැතිවෙයි