තම දරුවා පාසලට ඇතුළත් කිරීම සඳහා අලූතින් මසන ලද පාසල් නිල ඇඳුම රැගෙන එන්නට නගරයේ මැහුම් හලකට ගිය පියකුට තමා පැමිණි කාරණය අමතක වී ගමේ කසිප්පු තිප්පොළට ගොස් එහිම නිදාගත් බව කියවෙන පුවතක් වියලූවෙන් වාර්තා විය.

මාපියන් පිරිසක් කී අන්දමට සිද්ධිය මෙසේය.

ඔහු මත්පැනට ලොල් වූවෙකි. සියලූ කාරණා දෙවනුවට තබන ඔහු බොහෝ විට පළමු තැන දෙනුයේ මත්පැන්වලටය.

පසුගිය දිනෙක ඔහුට බිරිඳ රාජකාරියක් පැවැරුවේ රුපියල් 500 ක් ද අතේ තබමිනි.

”හෙට දරුවා පාසලට බාර දෙනව. හංදියට ගිහිං ටේලර් සාප්පුවෙ තියෙන දරුවගෙ සූට් එක අරං එන්න. හෝදල මදින්නත් තියෙනවා” බිරිඳ එසේ කීවේ ඉක්මනට පැමිණෙන ලෙසද ඉල්ලීමක් කරමිනි.

රුපියල් 500 නෝට්ටුව අතින් ගත් ඔහු ඉගිලූණේ ගමේ කසිප්පු තිප් පොළටය. රුපියල් 500 කසිප්පු හිමියා අත තැබූ ඔහු ඇති වෙන්න බිව්වේය. පදම ඉක්මවූ ඔහු ආ කාරණාව පසෙක තබා එහි වූ පිල් කොටයකට ඇල වූයේ බොහෝ සැහැල්ලූවෙනි.

රෑ බෝ වෙද්දීත් සැමියා එන වගක් දැක ගන්නට නොමැති වීම නිසා කබලයට පත් බිරිඳද හුළු අත්තක් අතින් ගෙන දරුවාද රැුගෙන මහ මගට බැස්සේ සැමියා ගැන සොයන්නටය.

ටික දුරක් යද්දී ඇයට සියලූ තතු දැක ගන්නට ලැබුණේ ගමේ තරුණ පිරිසෙන්ය.

කරන්නට දෙයක් නොවූ ඇය මහ ?ම මැහුම් හල් හිමියා සොයා ගොස් දරුවාගේ රෙදි ටික ආපසු ගත්තේ ඔහුටද නොවඳිනා වැඳුම් වඳිමිනි.