එකම ආයතනයක සේවය කරන මිතුරියන් දෙදෙනෙකි. දුර පළාත්වලින් පැමිණි මොවුන් නැවතී සිටියේ එකම කාමරයකය. මොවුන් ආහාර ගන්නේත් ගමන් බිමන් යන්නේත් එකටය. කිරියි පැණියි වගේ හිටපු දෙදෙනාට නරක කල දසාව උදාවූයේ ඔවුනට පෙම්වතුන් දෙදෙනකු මුණ ගැසුණාට පසුවය. එකට ගමන් ගිය මිතුරියන් දෙදෙනාගේ එකට ගමන් යෑම නැවතුනි. ඔවහු තම පෙම්වතුන් සමඟ වෙන වෙනම ගමන් ගියහ. ආහාර ගැනීමත් එකට සිදු නොවිනි. එක් කෙනෙක් පැමිණෙන විට අනෙක් තැනැත්තිය ආහාර රැුගෙන ඉවරය. ඔවුන් එකිනෙකා සමඟ කතා කිරීම ද ක‍්‍රමයෙන් නැවතුනි. එකම පැදුරේ නිදාගත් දෙදෙනා දැන් නිදා ගන්නේ පැදුරු දෙකකය. දිනක් එක් මිතුරියක් මධ්‍යම රාත‍්‍රියේදී අවදි වූයේ තදින් ඩාදිය දැමීම නිසාය. එවිට ඇයට දැක ගන්නට ලැබුණේ නිදා ගැනීමට පෙර වටේට කැරකෙමින් තිබූ මේස විදුලි පංකාව අනෙක් යෙහෙලිය විසින් ඇයගේ පැත්තට පමණක් හරවා නිදා සිටින බවය. නොනිදා පහන් කළ ඇය කාමරය භාර කාන්තාවට කතාකොට තම යෙහෙළිය විදුලි පංකාව තනිවම පාවිච්චි කරන බව සැල කළාය. කාමරයට පැමිණි කාන්තාව විදුලි පංකාව තනිවම භුක්ති විඳි තරුණිය අමතා කාමරය සහ විදුලි පංකාව තමන් සතු බවත්, විදුලි පංකාව තනිවම පාවිච්චි නොකර දෙදෙනාටම සිසිලස ලැබෙනසේ පාවිච්චි කරන ලෙසත් උපදෙස් දුන්නාය. අවසානයේ දෙදෙනාට එකම කාමරයේ විසීම දුෂ්කර වූ අතර එක් මිතුරියක් සේවයෙන් ඉවත්වී නැවත ගමට ගියාය.