ගමේ මුදලාලිගේ ණය පොත නිසා සිදුවන්නට ගිය මහ විනාශයකට නැවතීමේ තිත තැබීමේ අපූරු පුවතක් අසන්නට ලැබුණේ අම්බලන්ගොඩ ප‍්‍රදේශයෙනි. නමින් මිත‍්‍රපාල වුවත් ඔහු මධුවිතට ලැදි හිතුවක්කාරයෙකි. තම දියණියගේ අනිසි පෙම් සබඳතාවක් නිසා කලක් තිස්සේ ගමේ පෙරළි කළ ඔහුගේ හඬ නැවතුණේ ඇය ඔහු සමග රහසේ පැන ගිය පසුය. එහෙත් තමා හොරෙකුට රැවටුණු බවත්, ඔහු එක් දරු පියකු බවත් පවසමින් පසුගිය දා දුව ආපසු ගෙදරට දුවගෙන ආවේ අඬාගෙනය. දෙලෝ රත්වූ මිත‍්‍රපාල කඩිනමින් සුපුරුදු මත්පැනින් උමතු වී තම දුව අමාරුවේ දැමූ පුද්ගලයාගේ ගෙදරට යනගමන් ගමේ කඬේට ද ගොඩවී ”අම්මාපල්ල ඌත් මරාගෙන මාත් මැරෙනවා” කීවේ ඇත්තටමය. කලබලයට පත්වූ මුදලාලි ”මිත‍්‍රපාල මැරෙන්න යනව නම් මගේ කඬේ ණය පියවල පලයං. ගණන රුපියල් තුන්දාස් හයසිය විසිපහයි” කී විට ඔහු ගමන බාල කොට ”අම්මප ඒකත් එහෙමද?” කියමින් නැවතුණාලූ.