ඉදිරියේ දී පැමිණෙන වැසි සමය සඳහා තම ඉඩමේ වගා කිරීමට තීරණය කළ තරුණ ගොවි මහතෙක් ඉඩමේ වැවී තිබූ තණකොළ සහ වල් පැළ මර්දනය කිරීම සඳහා වල් නාශකයක් යෙදීමට කල්පනා කළේය. පසුවදා නගරයට පැමිණි හෙතම වල් පැළෑටි නාශක බෝතලයක් මිළදී ගෙන යළි නිවසට පැමිණියේය.

පසුදින ඉඩමට පැමිණි හෙතම බෝතලයේ ඇති උපදෙස් පිළිපදිමින් වල් පැළෑටි නාශකය තම ඉඩමට ඉසීමට කටයුතු කළේය දින කිහිපයක් ගතවිය. ඔහු නැවත තම ඉඩමට පිවිසියේ මැරී ඇති වල් පැලෑටි පරීක්‍ෂා කිරීමටය. ඉඩමට පිවිසි ඔහු පුදුමයට පත්විය. තම ඉඩමේ වල් පැළෑටි මැරී තිබෙනු දැකීමට ඔහු බලාපොරොත්තු වූවත් වල් පැළ තිබුණාටත් වඩා සශ්‍රීකව වැඞී තිබෙනු ඔහුට දැකගන්නට ලැබුණි. ”මම ගැහුව වල් පැළෑටි නාශකය වල්පැළ පොහොර වුණේ කොහොමද” ඔහුට ඉබේටම කියැවුණි. වල් පැළෑටි නාශක හිස් බෝතලය අතට ගත් තරුණ ගොවි මහතා එයද රැගෙන නගරයට පිවිසියේ එය අලෙවි කළ වෙළෙන්දා හමුවීමටය.