සුප‍්‍රකට උත්සව ශාලාවකි. දිනක් එහි ඉදිරිපිට ටේ‍්‍රල් වර්ගයේ යතුරුපැදියක් නතර විය. එහි ජැණ්ඩියට හැඳ පැළඳගත් තරුණයෝ දෙදෙනා මහත් ලජ්ජාවෙන් මෙන් හිස් බිමට පාත් කරගෙන පිළිගැනීමේ කවුන්ටරය වෙත පැමිණියහ. අක්කේ....  මෙහේ තියෙනවද මසාජ් ක්ලිනික් එකක්. එක් තරුණයෙක් මහත් ලැජ්ජාවෙන් බිම බලාගෙන පිළිගැනීමේ නිලධාරිනියගෙන් විමසුවේය. ‘‘නෑ මල්ලි... ඇයි කවුරුවත් කිව්වද එහෙම’’ ඇය විමසුවාය. ‘‘නෑ අක්කෙ, අර ඔයාලගෙ බෝඞ් ලෑල්ලේ එහෙම තියෙනවා. ඒකයි ඇහුවේ.’’ අනෙක් තරුණයා කීවේය. ‘‘අපේ බෝඞ් ලැල්ලේ’’ තරුණිය විස්මයෙන් ඇසුවාය. ‘‘ඔව්. විශ්වාස කරන්නෙ නැත්නම් ගිහිං බලන්න.’’ ඔවුහු කීහ. පිළිගැනීමේ නිලධාරිනිය එළියට බැස තම නාමපුවරුව දෙස බැලූවාය. එවැන්නක් එහි නොවීය. මේ බෝඞ් එකේ එහෙම ලියල නැහැ මල්ලි’’ ඇය සැක හැරගෙන ඇසුවාය. ‘‘ඔය දෙවැනි පේළියෙ මොකක්ද තියෙන්නෙ’’ තරුණයෙක් ඇසීය. ‘‘මල්ලිලාට වැරදිලා. සම්බාහන නොවෙයි සම්භාෂණ කියලයි තියෙන්නෙ.’’ ඇය සිනාසෙමින් කියද්දි තරුණයෝ දෙදෙනා ලැජ්ජාවෙන් නික්ම ගියහ.