බීමත්ව රිය පැදවූ පුද්ගලයාට ඇප දෙන්න පොලිස් ආරක්ෂාව පිට පොලිසියට ආ පුද්ගලයකුගේ කතාවක් මීගහතැන්න පොලීසියෙන් ඇසුණි. ඔහු මණ්ඩලයක බස් රථයේ රියැදුරෙකි. රාත‍්‍රී අවසාන ගමන් වාරයෙන් පසු බස් රථය නැවතුමට ගාල් කොට මිතුරන් කිහිපදෙනකු සමඟ මධුවිතින්ද සප්පායම් වී නිවස බලා යමින් සිටියේය. හෝල්ට්! අතර මඟදී පොලිසියේ දෙදෙනක් යතුරු පැදිය නැවැත් වූහ. මත්පැන් පානය කොට මාර්ගයේ යතුරු පැදියක් පැදයාමේ වරදට ඔහුට නතර වීමට සිදු වූයේ පොලීසියේය. හෙට උදේ උසාවි දානවා දන්න කෙනෙක් ඉන්නවානම් කතා කරලා ඇප දෙන්න ගෙන්න ගත්තනම් හොඳයි. පොලිසියෙන් අණ ලැබිණි........ අනේ මහත්තයෝ මේ වෙලාවේ කවුද ගෙන්න ගන්නේ.......අනික මම.....මම හෙට උදේ ටර්න් එකට බසය අරන් යන්නත් තියෙනවා. මම වරද පිළිගන්නම් මට යන්න දෙන්න ඔහු වෙරි මරගාතේ පින්සෙන්ඩු විය. තමුන් කරපු වරද පිළිගත්තත් නැතත් අපි අපේ නීතිය හරියට කරනවා. ඒ නිසා කරුණා කරලා කවුරු හරි ඉන්නවානම් කෝල් එකක් දීලා ගෙන්න ගන්නවානම් හොඳයි......... උසස් නිලධාරියෙක් පොලිසියේ වගකීම සහ රාජකාරිය ඔහුට මෙනෙහි කළේය. මොහොතක් ගතවිය. පොලිසියේ අවසරය ඇතිව මිතුරෙකුට ඇමතුමක් ගත්තේය. අනේ මචං මාර කේස් එක මම පොලීසියේ හන්දියේදී බයිසිකලේ නැවැත්තුවානේ. හෙට උසාවි දානවාලූ උඹට පුළුවන්නම් ඇවිත් මොනවා හරි කරපන් ! උඹට සලකනවානේ  ඕන කෙනෙක්........පොඞ්ඩක් ඇවිත් කතාකරලා ෂේප් එකක් දාලා දියං. හරි ම් ම්.......හරි.........හරි එහෙනම් ඉක්මනට වරෙන් හරි හරි මචං....... සිනාවක් මුවේ තබාගෙන දුරකථනය විසන්ධි කළේය. මොහොතක් ගතවිය. කළු පැහැති මෝටර් රථයක් පොලිසිය ඉදිරිපිට නතර විය. ජනෙල් කූරු අතරින් ඒ දුටු ඔහුට සිනාහවක් පහළ විය. එය මිතුරාගේ වාහනයයි. නමුත් එයින් බැස්සේ පොලිස් භටයෙකි. තමා ගලවා ගැනීමට එන මිතුරාද එහි විය. මාරයිනේ මේකා පොලිස් ගාඞ් පිටින්නේ මා බලන්න ඇවිත් තියෙන්නේ ඔහු තනිවම සිතීය. ම්.......ම් වාඩිවෙලා ඉන්නවා මෙතනින් වෙරි බහිනකං බීලා වාහන පදවා මිනිස්සු මරන්න හදනවා. තමාට ඇපදී ගලවා ගැනීමට පැමිණි මිතුරා ද බීමතින් රිය පදවා පොලිසියෙන් අත්අඩංගුවට ගෙන ඇති බව ඔහුට තේරුම් ගියේ එවිටය.