ඉරුෂා හිරුණි යනු නිරූපණ ක්ෂේත්‍රයට අලුතින් පෑ තරුවකි. ඇයගේ ඡායාරූප බොහොමයක් ෆේස්බුක් තුළින් ජනප්‍රියත්වට පත්ව ඇත. ඇගේ නිරූපණ ක්ෂේත්‍රයේ සහ ඇය පිළිබඳව කතාබහ කිරීමට "සාරවිට"මෙලෙසින් ගොඩවැදුණාය.

මේ දවස්වල වැඩකටයුතු?

වෙළෙඳ දැන්වීමක් සඳහා දායක වුණා. මියුසික් වීඩියෝවක් සඳහා ආරාධනා ලැබුණා. නමුත් තවම දායක වුණේ නැහැ. ඉස්සරහට Photo Shoot එකක් කරන්න ඉන්නවා.

නිරූපණයද වෘත්තීය?

දැනට නිරූපණ කටයුතුවල තමයි නියැළෙන්නේ. එහිදී ගොඩක් Photo Shoot සඳහා තමයි දායක වෙන්නේ.

යම්කිසි හැදෑරීමක් කරලාද ක්ෂේත්‍රයට ආවේ?

මගේ හැකියාවෙන්ම තමයි ක්ෂේත්‍රයට ආවේ. මගේ විනෝදාංශයක් විදිහට තමයි මේ පිළිබඳව හදාරන්නේ.

රංගනයට අදහසක් නැද්ද?

රංගනය සඳහා ගොඩක් ආරාධනා ලැබුණා. නමුත් කිසිවක් සඳහා දායක වුණේ නැහැ. තෝරාගෙන තමයි කරන්නේ. හොඳ දෙයක් ආවොත් බාරගන්නවා.

නිරූපණය කියන දේ ලේසිද?

ලේසි නැහැ අමාරුයි. ගොඩක් අය මේ දිහා බලන්නෙ වැරදි පැත්තෙන්. කරන කෙනා අනුව තමයි තීරණය වෙන්නේ.

නිරූපණයෙන් ඉදිරියට යන්න කැපකිරීමක් කරන්න ඕනද?

ගොඩක් කැපකිරීම් කරන්න ඕනේ. තමුන්ගේ කාලය නිදහස මේ දේවල් මෙහිදී නොදැනුවත්වම කැපකිරීමට සිදුවෙනවා.

කැපකිරීම් කරලා ඉදිරියට යන්න හැකියාවක් තියෙනවාද?

නිවැරදි විදිහට කැපකිරීම් ක‍ළොත් ඕනෑම අයෙකුට ඉස්සරහට යන්න පුළුවන්.

නිරූපණයේ තුළ ගෙවීම් සාධාරණද?

ගොඩක් ඉතිං හම්බ වෙන මුදල වියදම් කරන්න මදි. හැරෙන්නවත් මදි. සමහර වැඩ තියෙනවා. වෙළෙඳ දැන්වීම් සඳහා තමයි ගොඩක් හම්බ වෙන්නේ. මොකද ඒ සඳහා ගිවිසුම් තියෙනවනේ.

කවුද ක්ෂේත්‍රයට එන්න උදව් කරපු අය?

අම්මායි, තාත්තයි. පවුලේ කට්ටිය ගොඩක් උදව් කළා. මගේ Boyfriend තමයි ගොඩක් තැන්වලට යන්නේ. එයා මගේ හැම Shoot එකටම එනවා. එයා තමයි මගේ ආරක්ෂකයා.

ඩිලාන් ක්‍රිෂාන්ත / ඡායාරූප අනුග්‍රහය - ඉරුෂාගේ ෆෙස්බුක් ගිණුම