හිමේ යන්න ආසයිද? එහෙනම් හිම තියෙන ප්‍ර‘දේශයක පැලඳිය යුතු සපත්තු එහෙම පැලඳ ගන්න. තව හිම කබා එහෙමත් ලැහැස්ති කර ගන්න, හැබැයි ඒ විතරක් මදි, පීනස වගේ තියෙන අය, නැත්තම් සීතල ටිකක් ඔරොත්තු නොදෙන අය මුහුණු ආවරණය කරගැනීමේ ආවරණත් ළඟ තබාගන්න. හරි එමෙනම් දැන් ඔක්කොම හරිනෙ? එහෙනම් අපි යමු "ගාල ස්කි රිසෝට්" වෙත. මේ හිම කඳු යාය තියෙන්නේ ලංකාවේ නොවන වග අමුතුවෙන් කියන්න ඕන නැහැ. ලෝකයේ විවිධ තැන්හි සංචාරයට ප්‍රිය ඕනෑම කෙනෙක් ජපානයට යනවා නම්, අනිවාර්යයෙන්ම මෙතැනට යනවාමයි. අපි මුලින්ම මෙතැනට යන්නෙ කොහොමද කියලා බලමු. නරීටා ගුවත් තොටුපළ අසල සිට, නැතිනම් චිබා දිස්ත්‍රික්ක කලාපයේ සිට සයිත්මා, ගුන්මා හරහා කිලෝමීටර් 262 ක් පමණ දුරක් යා යුතුය. මහා මාර්ගයේ රථයකින් ගමන් ගන්නේ නම් පැයකුත් විනාඩි 30 ක් පමණ ගත කිරීමට සිදුවෙනවා.

මියාමිඉයෝනුමා දිස්ත්‍රික්කයේ යුසාවාවලට තමයි මෙතැන අයත් වන්නෙ. ටෝකියෝවේ සිට "ගාල ස්කි රිසෝට්" වෙත විදුලි වේගයෙන් ධාවනය වන අධිවේගී විදුලි දුම්රියෙන් පැමිණෙනවා නම් විනාඩි 75 ක් වගේ කාලයක් විතරයි ගත වන්නෙ. හරියටම කිව්වොත් මේ හිම ක්‍රීඩාවල යෙදෙමින් සිතූ සේ සතුටු විය හැකි කලාපය තියෙන්නේ නීගතා කියන ප්‍රාන්තයේයි. දැන් එහෙම නම් අපි නීගතාවලට ගියා කියමුකො. ඒ යන මගදී බොහොම සුන්දර නිම්න, තැනිතලා, කඳු එහෙමත් දැකගන්න පුළුවන්. ඒ දසුන් ඇත්තටම හරිම ලස්සනයි. මේ ගමනාන්තය බොහෝදෙනා හඳුන්වන්නේ සිහින ගමනාන්තයක් ලෙසයි.

කුඩා ළමුන්ට හිම මත රැඳී විවිධ හිම ක්‍රීඩාවල - ක්‍රියාවල යෙදිය හැකි වගේම, වැඩිහිටියන් මොහොතකට පොඩිහිටියන්ගේ ලෝකයට කැඳවාගෙන යන නිම්නයක් කියලත් හැඳින්වුවාට වරදක් නෑ. එහෙත් කාර්ය බහුලව ගත කළ ජීවිතයේ පීඩනය - බර සම්පූර්ණයෙන්ම පැත්තකට දාලා, නිදහසේ - සැහැල්ලුවෙන් කාලය ගත කළ හැකි මේ අපූරු නිම්නයට දැන් අපි ප්‍ර‘වේශ වුණා. ගාල හිමයායට නැත්තම් හිම මත ඇවිදින සපත්තු දාගෙන යා යුතු ස්කී රිසෝට් වෙත යාමට වැඩිහිටියන්ට සහ පොඩිහිටියන්ට ප්‍ර‘වේශ පත්‍ර ගත යුතු වනවා. විදේශීය සංචාරක ප්‍ර‘වේශ පත්‍ර වෙනම ලබාගත් පසු, මේ ප්‍ර‘වේශ ගොඩනැගිල්ලේ ඉහළ මාලයේ ඇති ස්ථානට ගොස් තමුන්ගේ ඇඳුම් ආයිත්තම් මාරු කරගෙන, ඒවා තමුන්ට ලබාදුන් කබඩ් එකේ දමා හිමේ යාමට සුදුසු ඇඳුමින් හැඩවීම වඩා හොඳය. හිමමත ඇවිදීමට සුදුසු සපත්තු තම තමන්ගේ පා ප්‍රමාණයට එතැනදී ලබා ගැනීම කළ හැකිවනවා.

ඒ විදියට සියල්ල වෙතින් ලක ලැහැස්ති වූ පසු, ඈත හිම කඳු යායට අප රැගෙන යන්නේ කේබල් රථවලිනි. ඒවා ටිකෙන් ටික ඉහළට ඇදෙන විට පහත බලන එක නම් බය හිතෙන අයට ඇති කරවන්නේ දැඩි බියක්. නමුත් පහළ නොබලා වටපිට බලන්නේ නම් සත්තකින්ම ඒ සුන්දරත්වය නම් වචනයෙන් කියා නිමකළ හැකි නොහැකි දෙයක්. කේබල් රථ ඔස්සේ ඉහළට ඇදෙනවිට නගරය පෙනෙන්නේ සුන්දර චිත්‍රයක් ලෙසිනි. අවට කඳු පෙළ එකිනෙකට වෙනස් පැහැයෙන් හැඩයෙන් මවන චිත්‍රය චිත්‍රශීල්පියෙකුට වගේම ඡායාරූප පිපාසයෙන් පෙළෙන රසවතුන්ට රසවත්ම තෝතැන්නක්.

කේබල් රථයෙන් ඉහළට ගිය පසු කඳු මුදුනට කලාපයට ප්‍ර‘වේශ වෙන්න පුළුවන්. කේබල් රථයෙන් එද්දී දුටු සුන්දරත්වය මොකද්ද? නියම සුන්දරත්වය තියෙන්නෙ මෙතැන නේද? කියා හැමෝගෙම හිත්වලට දැනෙනවා නොඅනුමානයි. වෙනමම ලෝකයකට ගියාක් මෙන් වූ හැඟීමක් තමයි ඇත්තටම එතැනදී ඇති වන්නෙ. මේ හිම කඳු මුදුනත සිට සිතූ සේ හිම ක්‍රීඩාවල යෙදී, නැවත පහතට ඒමට පෙර, ඒ පරිශ්‍ර‘යේ ඇති අවන්හලට කවුරුත් යන්නේ හීතල - ඊතල වගේ ‘ගතට වැදී ඇති කළ බඩගින්න නිසායි. ම්ම්...ම්.. උණු - උණු කෑම වේලකින් සප්පායම් වීමට එතැනදී පුළුවන්. අප සාමාන්‍ය‘යෙන් ආහාරයට ගන්නා බත් පිඟානක ප්‍රමාණයට වඩා ලොකු බත් පිඟානක්, ඒක කොරහක් වගේ කිව්වොත් නිවැරදියි. එතැනදී ලැබෙනවා. හැබැයි සල්ලි ගෙවන්න ඕනැ. නැත්තම් නිකන් නම් නෙවෙයි.

මේ අපූරු හිම නිම්නයේ සිට නැවත පහළට පැමිණීමේදී නම් ඇති වන්නේ පුදුමාකාර දුකක්. මොකද කවුරුත් හීනවලට ආසා නිසා. ඒ GALA SKI නිම්නයේ හීනය එතරම්ම සුන්දරයි. ඒත් හීනයක වෙලී සිටිය නොහැකියි. පියවි ලෝකයට ආ යුතුමයි. මේ හීනය නින්දට ගිය පසු දකින හීනවලට වඩා වෙනස් වන්නෙ, එය සජීවීව අත්දුටු නිසාවෙනි. ඉතින් එය සිහිනෙන් ගෑ සුවඳක් සේ නොවී හැමදාම මතකය අවදි කරවන සුන්දර සිහිනයක්ම වේවි. මේ සිහින අත්දැකීම ලබාදුන් "NI-CEY INTERNATIONAL" ආයතනයට විශේෂ ස්තුතිය පුදන්නට ඕනෑ. ජපානයේ සංචාරයක් යනවා නම් ගන්නා මුදලට වඩා විශිෂ්ඨ සේවයක් ලබාදෙන සංචාරක ආයතනයක් ලෙස අගයා එයට මල් මිටක් දීම ඇත්තටම යුතුකමක්’ සංචාරයක ආස්වාදය විඳින්න ඕනෑ නම් 2869986 දුරකථනය හරහා ඔවුන් දැනුවත් කරන්න.

සටහන/ඡායාරූප - සඳුන් ගමගේ