"The Divergent Series" චිත්‍රපට මාලාවේ තුන්වැනි චිත්‍රපටය වන "The Divergent Series: Allegiant" අද (18දා) හොලිවුඩයට සමගාමීව ලොවපුරා රටවල් රැසක ප්‍රදර්ශනය ආරම්භ විය. විද්‍යාත්මක ප්‍රබන්ධනයක් ලෙස නිර්මාණය වී ඇති මෙම චිත්‍රපටයේ ජනප්‍රිය හොලිවුඩ් නළු නිළියන් රැසක් රංගනයෙන් දායකවී සිටිති. පසුගිය වසරේ ජනතා සම්මාන රැසක් දිනාගත් Shailene Woodley මෙහි ප්‍රධාන චරිතය නිරූපණය කරනු ලබයි. ඇයට අමතරව Theo James, Ansel Elgort, Zoe Kravitz, Miles Teller, Jeff Daniels, Naomi Watts, Octavia Spencer, Maggie Q, Bill Skarsgard, Keiynan Lonsdale, Nadia Hilker, පිරිස සෙසු චරිත සඳහා රංගනයෙන් දායකව ඇත. මෙම චිත්‍රපටයේ විශේෂත්වය වන්නේ %The Divergent" චිත්‍රපට මාලාවේ මෙතෙක් නිර්මාණය කළ චිත්‍රපට අතරින් වැඩිම නිෂ්පාදන පිරිවැයක් දරා නිර්මාණය කළ චිත්‍රපටය "The Divergent Series: Allegiant" වීමයි. මෙය නිර්මාණය කිරීම සඳහා ඇමෙරිකානු ඩොලර් මිලියන 120ක් වැය කර තිබේ. මීට පෙර නිර්මාණය වූ "The Divergent Series" චිත්‍රපටවලදී "ට්‍රිස්" හා "ෆෝ" දෙදෙනා මෙවරද සිය නගරයේ බේරාගැනීමේ සටනක නිරත වෙති. පහත දැක්වෙන්නේ මෙම චිත්‍රපටයේ ප්‍රචාරක වීඩියෝ පටයයි.

බුද්ධික සේනාධීර

The Making video...