ශ්‍රී ලංකාව තුළ මෝටර්රථ තාක්ෂණය පිළිබඳව සම්පූර්ණ දැනුම්වත් කිරීමක් සිදුකරනු ලැබූ 'Toyota Future World' තාක්ෂණික ප්‍රදර්ශණය මාර්තු මස 29 සහ 30 වැනිදා ශ්‍රී ලංකා ප්‍රදර්ශන හා සම්මේලන මධ්‍යස්ථානයේදී පැවැත්විය. මෙතෙක් අත්නොවිඳි වෙනත් මෝටර්රථ ප්‍රදර්ශණවලට සමකළ නොහැකි වෙනස් සංකල්පයක් කරගත් මෙම තාක්ෂණික හා අධ්‍යාපනික ප්‍රදර්ශණය ටොයෝටා ආයතනය මගින් ශ්‍රී ලංකාවේ ප්‍රථම වරට පැවැත්විය. ටොයෝටා රථ එහි තාක්ෂණය පිළිබඳව බොහෝ දෙනෙකු දැනුම්වත් වන අතර නවතම වාහන සඳහා එම තත්ත්වය වෙනස් වෙයි. මීට අමතරව නවතම මෝටර්රථ නිවැරදිව නඩත්තු කරන ආකාරය පිළිබඳව අද සමාජය දැනුම්වත් කිරීමේ අරමුණින් මෙම ප්‍රදර්ශණය පැවැත්විය.

ටොයෝටා සමාගමේ ඉදිරි තාක්ෂණයන්, Hybrid තාක්ෂණය හා උපරිම ක්‍රියාකාරීත්වයක් ලබාගන්නා ආකාරය පිළිබඳ දැනුම්වත් කිරීම් මෙහිදී සිදුකළ අතර 'දැනුම්වත් බව හරහා පාරිභෝගිකයන් ඇතිකරගැනීම' මූලික දැක්මවිය. මීට අමරතව, Toyota Prius 2016 රථයද ප්‍රදර්ශණයට එක්කර තිබීමයි. තවද, Hybrid තාක්ෂණයේදී සිදුවන්නේ කුමක්ද හා Hybrid මෝටර්රථයක අභ්‍යන්තර ආකෘතියද මෙහිදී ප්‍රදර්ශණයට එක්කර තිබුණි. මෙම ප්‍රදර්ශණයේදී, තාක්ෂණය හා ඉංජිනේරුකරණය ගැන තොරතුරු, රියදුරුගේ හා මගීන්ගේ ආරක්ෂාව, ටොයෝටා සමාගමේ හරිත තාක්ෂණය, නියම ටොයෝටා අමතර කොටස් තෝරාගන්නේ කෙසේද, මෝටර් ඔයිල් නිෂ්පාදන සහ  ටොයෝටා වාහන සඳහා භාවිතා වන ටයර් වර්ගය මෙහිදී දක්නට ලැබුණි.

ඡායාරූප- ඉසුරු පෙරේරා