අලි පාටියෙ ඉහළ තනතුරැ ගණනාවක් වෙනස් වුණා... ඒ අතරෙ "අත"පාටියෙත් එක ඉහළම තනතුරක් වෙනස් කිරීම ගැන පක්ෂ නායකත්වයෙ අවධානය යොමු වෙලා කියලා තිරය පිටිපස්සේ ලොකු කතාවක් යන්න පටන් අරන්.

දැනට මේ ඉහළ තනතුර දරන වයස තිස් ගණනක තරැණය තනතුරට බර මදි කියල හුඟක් තැන්වලින් චෝදනා එල්ල වෙලාලු. අනික ඒකාබද්ධ විපක්ෂය යාළු කර ගන්න සන්ධාන මහ ලේකම් උන්නැහේ දරන උත්සාහයට මුන්නැහේගේ වැඩවලින් වල කැපෙනවා කියලත් මතයක් ඇවිල්ලලු.

මෙයා පසුගියදාක හිටපු ලොකු තැනට පවා විනය පියවර ගත යුතුයි කියල කරපු කතාවත් දැඩි විවේචනයට පාත්‍ර වෙලා කියලත් ආරංචියි...

මේ හේතු නිසා උන්නැහේට වෙන පට්ටමක් පවරල, මේ ලොක්කගෙ පට්ටමත් සන්ධාන මහ ලේකම් උන්නැහේ වගේ ඇල් වතුරත් නිවාගෙන බොන්න දන්න කෙනකුට පවරන්න යනවය කියල පොඩි ආරංචියක් යනව.