මහ බැංකුවේ තවමත් මහින්දලාගේ සහ කබ්රාල්ලාගේ හෙංචයියන් සිටින බවත් ඒ අය දත්ත විකෘති කරන බවත් මුදල් ඇමැති රවී කරුණානායක මහතා අද (5) පැවැති මාධ්‍ය හමුවකදී පැවසීය.

‘මහ බැංකුවේ වත්මන් අධිපති කියලා තියෙනවා රටේ ආර්ථිකය අසාධ්‍ය තත්ත්වයක තියෙන කතාවක්. ඔව්, මහින්ද රාජපක්ෂ අපට බාරදෙන කොට ආර්ථිකය අයිසීයූ එකේ තිබුණේ. ඒ කාලේ වත්මන් අධිපතිතුමාත් ඉස්පිරිතාලේ ඇටෙන්ඩන්ට් කෙනෙක්. ඒ නිසා ඔහුත් වගකියන්න ඕනෑ. අපි අමාරුවෙන් අයිසීයූ එකේ හිටපු ලෙඩා වාට්ටුවට දාගත්තා. ඒ ලෙඩා ඕපීඩී එකට ගේන්න තමයි උත්සාහ කරන්නේ. පසුගිය ජනපතිවරණයට පෙර දින මහ බැංකුවෙන් මුදල් ගෙනගිය හැටි අපි දන්නවා. ජනපතිතුමාත් අගමැතිතුමාත් කියන වේලාවට අපි ඒවා එළියට දානවා‘ යැයි ද මුදල් ඇමැතිවරයා කීවේය.