ශ්‍රී ලංකාවේදී පැවැති ආසියානු දැල්පන්දු ශූරතාවලියේ පරාජයට දැල්පන්දු ක්‍ෂේත‍්‍රයේ සියළු පාර්ශ්වයන් වගකිව යුතු යැයි ඒ සම්බන්ධයෙන් විමර්ශනය කිරීම සඳහා පත්කරන ලද විශේෂ කමිටුව කියයි. කී‍්‍රඩා ඇමැති මහින්දානන්ද අලූත්ගමගේ මහතා විසින් පත්කරන ලද මෙම විමර්ශන කමිටුවේ සභාපතිධූරය දැරුවේ කී‍්‍රඩා නියෝජ්‍ය අධ්‍යක්‍ෂ සජිත් ජයලාල් මහතාය.

බී.ඞී.එල්. කුලරත්න, තමරා ලියනගේ, ලක්‍ෂ්මී වික්ටෝරියා හා ලක්මිණි සමරසිංහ යන මහත්ම මහත්මීහු කමිටුවේ සෙසු සාමාජිකයෝ ලෙස කටයුතු කළහ.

කොළඹදී පසුගිය වසරේ (2012) සැප්තැම්බර් මාසයේදී පැවැති හත්වැනි ආසියානු දැල්පන්දු ශූරතාවලියේ අවසන් මහ තරගයෙන් ශ්‍රී ලංකාව සිංගප්පූරුවට එක් ලකුණකින් පරාජයවීම නිසාම ආසියානු කුසලාන දිනා ගැනීමේ අපේක්‍ෂාවද බිඳ වැටුණි

ආසියානු දැල්පන්දු කුසලාන දිනා ගැනීමේ දැඩි විශ්වාසයෙන් පසුවූ කී‍්‍රඩා අමාත්‍යාංශය ඒ වෙනුවෙන් ප‍්‍රවර්ධන වැඩසටහන් රැුසක්ද කි‍්‍රයාවට  නංවා තිබිණ.

ජාතික කී‍්‍රඩා විද්‍යායතනයේ ඊයේ පැවැති මාධ්‍ය හමුවකදී සජිත් ජයලාල් මහතා පැවසුවේ පරාජයට හේතුවූ කාරණා ගැන කතා කිරීමේදී  එක් පාර්ශ්වයකට පමණක් වගකීම් පැවරිය නොහැකි බවයි.

තේරීම් කමිටුව, එවකට කටයුතු කළ අතුරු කමිටුව, පුහුණුකාරිණිය, සහය පුහුණුකාරිණිය, ශ්‍රී ලංකා කණ්ඩායම හා තාක්‍ෂණික කමිටුවේ දෝෂ හා අඩුපාඩු ගණනාවක්ම විමර්ශන කමිටුව විසින් නිරීක්‍ෂණය කරනු ලැබ ඇතැයිද ජයලාල් මහතා පැවසීය.

”විමර්ශනයේ අරමුණ වූයේ මෙම පරාජයේ අඩුපාඩු හඳුනාගෙන ඉදිරියට එවැනි දෙයක් ඇති නොවීමට  වගබලා ගැනීම සඳහා උපදෙස් දීමයි. කිසිවෙකු වැරදිකරුවන් කරලා දඬුවම් දෙන්න  කියන්න අපි උත්සාහ ගත්තෙ නෑ. ඒක අපේ වගකීමක් නොවෙයි”  යයිද ජයලාල් මහතා පැවසීය.

තරගාවලියට ශ්‍රී ලංකා කණ්ඩායම සුදානම් කිරීමේදී කළ වියදම් ඉස්මතු කර දැක්වීමට කමිටු වාර්තාවෙන් උනන්දු නොවූ බවත් ජයලාල් මහතා වැඩිදුරටත් පැවසීය.

මාධ්‍ය හමුවේදී අදහස් දැක්වූ විමර්ශන කමිටුවේ සාමාජික ලක්‍ෂ්මී වික්ටෝරියා මහත්මිය පැවසුවේ ආසියානු දැල්පන්දු කුසලාන සඳහා ශ්‍රී ලංකා කණ්ඩායම සුදානම් කිරීමේදී අනුග‍්‍රාහකයන් විසින්  ඕස්ටේ‍්‍රලියාවේ පුහුණු සංචාරයක් සඳහා රුපියල් මිලියන පහකට වැඩි මුදලක්ද, ශ්‍රී ලංකා කණ්ඩායම සූදානම් කිරීම සඳහා තමන් රුපියල් මිලියන පහකට වැඩි මුදලක් වැය කර තිබෙන බවයි. ඒ ක‍්‍රීඩා අමාත්‍යංශය ජාතික දැල් පන්දු සංචිතයට කළ වැය කිරීම් වලට අමතරවය.

කමිටු සාමාජිකා තමරා ලියනගේ මහත්මිය පැවසුවේ ප‍්‍රධාන පුහුණුකාරිණියගේ අතපසුවීම් රැුසක් කමිටුව විමර්ශනය කර තිබෙන බවයි.

ආසියානු කුසලාන අවසන් මහ තරගයේ තීරණාත්මක අවසන් මොහොතේදී පුහුණුකාරිණිය කිී‍්‍රඩිකාවන් ආදේශ කිරීමේදී නිසි වැටහීමකින් තොරව එය කර තිබෙන බව පෙනී යන බව පැවසූ තමරා ලියනගේ මහත්මිය  පළපුරුදු  පුහුණුකාරිණියකගෙන් සිදු නොවිය යුතු  අඩුපාඩු ගණනාවක්ම තම විමර්ශනයේදී හඳුනාගත් බවත් පැවසුවාය.

ඇය එහිදී වැඩිදුරටත් පැවසුවේ අවසන් මහ තගරගයට සහභාගි වන ශ්‍රී ලංකා කණ්ඩායමේ කී‍්‍රඩිකාවන්  හත් දෙනා තරගයට පෙර දිනයේදී දැනුම් දීමට  කටයුතු නොකිරීමෙන් සංචිතයේ කී‍්‍රඩිකාවන්ගේ මානසික ඒකාග‍්‍රතාවය බිඳ වැටීමටද හේතුවක් වු බවයි.  
තරඟ නැරඹීමට පැමිණ සිටි ඔවුන්ගේ හිතවත් කී‍්‍රඩිකාවන් ඇතුළු පවුලේ ඥාතීන් සමග කතා කිරීමට තහනම් කිරීමෙන් ඔවුන් දුෂ්කරතාවයට පත්ව තිබෙන බවත් එය පුහුණුකාරිණියකට නොගැලපෙන බවත් ඇය වැඩිදුරටත් පැවසුවාය.

ශ්‍රී ලංකා කණ්ඩායමේ කී‍්‍රඩිකාවන්ගේ විනය කඩ කිරීම් ගැනත් කමිටුව  විමර්ශනය කළ බව පැවසූ විමර්ශන කමිටු සභාපතිවරයා එහිදී කී‍්‍රඩකිවන් 14 දෙනකු  සාක්‍ෂි විමසීම් සඳහා කැඳවූ බවද පැවසීය.

එවකට දැල්පන්දු අතුරු කමිටුවේ සභාපති ධූරය දැරූ තමරා ධර්මකිීර්ති හේරත්, තේරිම් කමිටු සභාපතිනි සුරංගනී ජයෙන්ද්‍ර, ප‍්‍රධාන පුහුණුකාරිණි හයිසින්ත් විජේසිංහ යන මහත්මීන් ඇතුළු නිලධාරීණියන් හා කී‍්‍රඩිකාවන් පිරිසක්ද කමිටු විමර්ශණයේදී සාක්‍ෂි විමසීම සඳහා කැඳවා ඇත.

පුහුණුවීමේ තරගාවලියකට යැයි කියමින් මාස දෙකහමාරකට වැඩි කාලයක්  ගතවූ ශ්‍රී ලංකා දැල්පන්දු කණ්ඩායමේ  ඕස්ටේ‍්‍රලියානු (පර්ත්) සංචාරය තේරුමක් නැති සංචාරයක් වී තිබෙන බවත් කමිටු වාර්තාවේ සටහන් වේ.