රුපියල් කෝටි ගණනක මුදල් වංචා නඩු දෙකක් සඳහා ඇප මත මුදා හැර සිටින විත්තිකාර අඹු සැමියන්ගෙන් නීතිඥවරියක් රුපියල් කෝටි 5ක මුදලක් ඉල්ලා තර්ජනය කළැයි කියන සිද්ධියට අදාළ හඬ පටයක් අධිකරණ රෙජිස්ටාර් බාරයේ රඳවා තැබීමට අත්තනගල්ල අතිරේක මහේස්ත්‍රාත් කාවින්ද්‍යා නානායක්කාර මෙනවිය නියෝග කළාය.

අනුර මුදුන්කොත්ගේ හා අමරංගනී ලියනාරච්චි යන අඹු සැමියන් එසේ ඇප මත මුදා හැර සිටිති.

විත්තිකාර සැමියා සතුව ජාතික හැඳුනුම්පත් දෙකක් තිබීම ගැන පරික්ෂණ සිදු කෙරෙන අතර ඇප ලබාදීමට මුල්වූ නීතිඥවරිය නඩුවට පෙනී සිටීමේ ගාස්තු වශයෙන් රුපියල් කෝටි 5ක මුදලක් ඉල්ලා නිතර නිතර කරදර කරන බව අදාළ විත්තිකරු උසාවියේදී ප්‍රකාශ කර තිබිණි.