IMG-LOGO

2025 අප්‍රේල් මස 05 වන සෙනසුරාදා


ඇමෙරිකාව නම්මන්න කිරිඇල්ලගෙන් යෝජනාවලියක්



(සුජිත් හේවාජුලිගේ)

ඇමරිකානු රජය  ශ්‍රී ලංකාව ආනයනය කරන භාණ්ඩවලට  පැනවූ බදු සීමා  ලිහිල් කර ගැනීම සඳහා  අනුගමනය කළ හැකි  උපායමාර්ග   සඳහන් කරමින්  සමගි  ජන බලවේගයේ මහනුවර දිස්ත්‍රික් හිටපු පාර්ලිමේන්තු මන්ත්‍රී  නීතිඥ  ලක්ෂ්මන් කිරිඇල්ල මහතා  රජයට යෝජනාවලියක් ඉදිරිපත් කරයි.

මේ සම්බන්ධයෙන් අදහස් දක්වන ලක්ෂ්මන් කිරිඇල්ල මහතා පවසන්නේ ඩොනල්ඩ් ට්‍රම්ප්  ඇමෙරිකානු ජනාධිපතිවරණ මැතිවරණ වේදිකාවේදී පසුගිය වසරේ සැප්තැම්බර් මාසයේ  රටවල් ගණනාවකට බදු පනවන බවට පූර්ව  අනතුරු ඇඟවීම් කළ  බවයි.

ඒ අනුව  බොහෝ   රටවල්  එ් අවස්ථාවේ   සිටම මෙම ගැටලුව විසඳා ගැනීම සඳහා   ඇමරිකානු රජය සමඟ සාකච්ඡා ආරම්භ  කළ  බව පැවසූ කිරිඇල්ල මහතා  එසේ  සාකච්ඡා  කළ   සියලු රටවල්  ඇමරිකාවෙන් අඩු බදු ප්‍රතිශත ලබාගෙන ඇතැයිද ප්‍රකාශ කළේය.

ඩොනල්ඩ් ට්‍රම්ප්  එසේ ප්‍රකාශ කරන අවස්ථාවේදීම  මාලිමා රජයේ  විශේෂඥයන්ට  ඒ සඳහා සූදානම්වීමට කාලය තිබූ බවත් ඔවුන් එසේ කල්තියා  සූදානම් නොවීම හේතුවෙන්  මෙම බරපතළ ගැටලුව මතුවූ   බවත්  ඔහු පෙන්වා දුන්නේය. කල් තියා සාකච්ඡා ආරම්භ කළ සියලු රටවල් ගොඩ ගිය බවද ලක්ෂ්මන් කිරිඇල්ල මහතා පැවසීය. ශ්‍රී ලංකාවට පැනවූ සියයට 44ක බදු  අඩු කර ගැනීම සඳහා දැනටමත්  ප්‍රමාද නැති බවත් ඒ සඳහා විශේෂඥ කණ්ඩායමක් පත්කර එරට නායකයන් සමග විධිමත් සාකච්ඡා ආරම්භ කළ යුතු බවත්  ඔහු යෝජනා   කළේය.

ඇමරිකාවෙන් මෙරටට  අානයනය කෙරෙන   භාණ්ඩවලට නියම කෙරෙන බදු සහ  කෘතිම බදු වැටවල් ඉවත් කර  නිදහස් වෙළඳ ආර්ථිකයකට ගමන් කිරීමෙන් මෙම ගැටලුව විසඳාගත හැකි බව  පෙන්වා දෙන  හිටපු මන්ත්‍රීවරයා ඇමරිකාව  වමට බර රටවලට  වැඩි බදු ගසා ඇති බව   එම බදු ලැයිස්තුව නිරීක්ෂණයේදී පෙනී යන්නේ  යැයිද    සඳහන් කළේය.



අදහස් (12)

ඇමෙරිකාව නම්මන්න කිරිඇල්ලගෙන් යෝජනාවලියක්

prasanna Friday, 04 April 2025 01:44 PM

මෙම ආණ්ඩුවේ ඉන්න බයි සෙට් එකට, මේකට ක්‍රියාමාර්ග ගන්න තියා, මේ ගැන හිතන්නවත් මොලයක් නැහැ.

:       67       26

සුසිල් Friday, 04 April 2025 02:14 PM

කිරිඇල්ල ඇයි එදා ඕක කිව්වේ නැත්තේ...?

:       13       40

Pradeep Kumara Friday, 04 April 2025 02:22 PM

අපරාදේ.. අර පත්කළ කමිටුවේ සභාපතිකම කිරිඇල්ලට දෙන්න තිබුනේ. තව ඕනෑ නම් රවී කරුණානායක සහ නැවෙන් ඩොලර් ගෙනාපු හාදයාවත් පත් කරන්න තිබුණා.

:       4       22

පිටරටවැසියා Friday, 04 April 2025 02:22 PM

පරදිනවා කියලා දැනගෙන ගෙදර ගිය හාදයා, මහනායක හාමුදුරුවරු ලව්වා චිට් එකෙන් රිංගන්න බැලුවා, ඒක හරි නොගිය තැන, දැන් ෆෙරාරි සීයා වගේ නිවේදන නිකුත් කරනවා, ගෙදරට වෙලා බණක්-භාවනාවක් කරගෙන ඉන්නේ නැතිව. කරලා තියෙන හොරකම් වලට මෙයා හරි නම් ඉන්න ඕනෑ ආණ්ඩුවේ බෝඩිමේ අනිත් ඔක්කෝටම කලින්...

:       2       26

සෑම් Friday, 04 April 2025 02:23 PM

අමු ගොන් කතා කියන්න එපා මනුස්සයෝ. ඇමෙරිකාවේ ට්‍රම්ප් කරපු දේ ගැන මෙලෝ හසරක් හොයන්නේ නැතුව මෝඩ කතා කියනවා. ට්‍රම්ප් රටවල් 185 කට බදු ගහපු හැටි සහ එම ප්‍රමාණයන් ද එය ගණනය කරන්න භාවිතා කරපු 6 හේ පන්තියේ ළමයකුටත් තේරුම් ගන්න පුළුවන් සමීකරණයද ලෝකේ හැමෝටම බලාගන්න පුළුවන්. ට්‍රම්ප් ගේ බදු ගැහිල්ල කලින් කතා කරලා මග හරවා ගන්න පුළුවන් එකක් නොවන බව අබමල් රේණුවක ලෝක දේශපාලනයක් ගැන අවබෝධයක් තියන මිනිහෙක් දන්නවා. ට්‍රම්ප් කලේ ආරථික වශයෙන් මුග්ධ විදිහට රටවල් සියල්ලටම තෝරන්නේ බේරන්නේ නැතුව සමීකරණයට අනුව බදු ගැසීම. කවුරු හරි මේ කිරිඇල්ල සීයට මේක පහදලා දෙන්න. පව් කියලා හිතෙනවා... මේ කිරිඇල්ල වගේ මිනිස්සුනේ අපේ රටවල් පාලනය කලේ...

:       6       28

යුද්ද කරන්න ඕන ගොනෙක් Friday, 04 April 2025 02:51 PM

හයිවේ එක ඉඩම් බේරල වංගු නමලගත්ත වගේද සර් නම්මන්න ඕන?

:       3       24

Naleen Friday, 04 April 2025 02:51 PM

මාරු යෝජනාවලිය.

:       2       12

Akila Friday, 04 April 2025 02:54 PM

බංකොලොත් විපස්සයෝ දැන් මේ සිද්දිය අල්ලාගෙන මෝඩ ජවනිකා දාන්න පටන් අරන් , කිසිම් රටක් ට්‍රුම්ප් එක්ක සාකච්චා කරලා බදු අඩු කරගත්තේ නැහැ , දැන් හුඟක් රටවල් එකට එක කරන්න ඇමරිකාවෙන් ආනයනය කරන බඩු වලට tax වැඩි කරන්න යනවා

:       6       16

de silva Friday, 04 April 2025 02:54 PM

අපි යුරෝපෙන් , ඇමරිකාවෙන් සහ ජපානය ඇතුළු ආසියාවේ අනෙක් රටවල් වලින් එන භාණ්ඩ වලට 50% සිට 300% දක්වා බදු අය කරනවා මෙම රටවලුත් අපි යවන භාණ්ඩ වලට මේ විදිහට බදු නොගහ හිටියොත් තමා පුදුමේ , ඔබතුම හරි මේම අධික තීරු බදු නිසා තමා අපේ ජිවන වියදම් ඉහල ගිහින් රටේ ජනතාවගේ ජිවන තත්වය පහල වැටිලා තිබෙන්නේ , කරුණාකර මෙම තීරු බදු අඩු කරන්න

:       8       9

Binara Friday, 04 April 2025 03:14 PM

පුළුවන් කයිය ගහන්න විතරයි

:       7       6

බන්ඩාර Friday, 04 April 2025 03:27 PM

මේ කිසිම රටක් කලින් සාකච්ඡා කරලා බදු අඩු කරගෙන නැත. සියලු දෙනාටම අමෙරිකාව සමග තිබෙන tradedeficit එක අනුව බදු පනවා තිබේ. Trade balance eka plus තියෙන රටවලට සහෙන්න අවාසියි.

:       1       17

de silva Friday, 04 April 2025 03:57 PM

ලබන වසරේ යුරෝපේ GSP එකත් ඉවර වෙනවා. අමතක කරන්න එපා 2028 සිට අපිට ණය වාරික ගෙවන්න සිදුවෙනවා... දැන් අපට කරන්න පුළුවන් එකම දේ අපේ වියදම් අඩු කරගන්න එක අවශ්‍ය ප්‍රමාණයට වැඩිය 3 ගුණයක් පමණ සිටින රජයේ සේවක රැකියාවලින් යම් ප්‍රමාණයක් අඩු කරගන්න ඕනේ... ශ්‍රී ලන්කන් වැනි පාඩු ලබන රජයේ සමාගම් වහලා දමන්න හෝ විකුණන්න වෙනවා. එහෙම නොකළොත් 2028 දී නැවත ආර්ථික අර්බුද වලට රටට දෙන්නේ සිදු වෙනවා. ආණ්ඩුවට අද හෙටම තීරණයක් ගන්න වෙනවා.

:       1       13

ඔබේ අදහස් එවන්න

 

 
 

එසැණ පුවත්

මෝදි ජනපති කාර්යාලයට එයි
2025 අප්‍රේල් මස 05 38 0

ජනාධිපති අනුර කුමාර දිසානායක මහතාගේ ආරාධනයකට අනුව මෙරටට පැමිණි ඉන්දියානු අග්‍රාමාත්‍ය ශ්‍රී නරේන්ද්‍ර මෝදි මහතා අද (05) පෙරවරුවේ ජනාධිපති කාර්යාලයට ප


ලංකා මාතාව මෝදි පිළි ගනී
2025 අප්‍රේල් මස 05 630 0

ශ්‍රී ලංකාවේ නිල සංචාරයකට පැමිණි ඉන්දීය අග්‍රාමාත්‍ය නරේන්ද්‍ර මෝදි මහතා මහත් අභිමානවත් හරසර මධ්‍යයේ කොළඹ නිදහස් චතුරස්‍රයේදී ශ්‍රී ලංකාව වෙත පිළි


මෝදිගෙන් එක්ස් සටහනක්
2025 අප්‍රේල් මස 05 1359 0

ශ්‍රී ලංකාවට පැමිණීමෙන් පසු ඉන්දීය අග්‍රාමාත්‍ය නරේන්ද්‍ර මෝදි මහතා සිය එක්ස් ගිණුමේ විශේෂ සටහනක් තබා තිබේ.


මෝදි පිළිගන්න සියල්ල සූදානම්
2025 අප්‍රේල් මස 05 384 0

ශ්‍රී ලංකාවේ නිල සංචාරයකට පැමිණි ඉන්දීය අග්‍රාමාත්‍ය නරේන්ද්‍ර මෝදි මහතා පිළිගැනීමට මේ වන විට සියලු කටයුතු සූදානම්ව පවතී.


ඌරගස්මංහන්දියේ වෙඩි තැබීමක්
2025 අප්‍රේල් මස 04 1509 2

ඌරගස්මංහන්දිය බෙලිගස්වේල්ල ප්‍රදේශයේදී මීට සුළු වේලාවකට පෙර සිදු කළ වෙඩි තැබීමකින් 56 හැවිරිදි පුද්ගලයකු තුවාල ලබා ඇතැයි පොලිසිය කියයි.


මෝදි ලංකාවට පැමිණෙයි
2025 අප්‍රේල් මස 04 3049 3

ඉන්දීය අග්‍රාමාත්‍ය නරේන්ද්‍ර මෝදි මහතා මීට සුළු වේලාවකට පෙර ශ්‍රී ලංකාවට පැමිණියේය.


මේවාටත් කැමතිවනු ඇති

ශ්‍රී පාද අඩවිය පිරිසිදුව තබාගැනීමට සියපත ෆිනෑන්ස් වෙතින් නිර්මාණශීලී විසඳුමක් 2025 අප්‍රේල් මස 04 186 0
ශ්‍රී පාද අඩවිය පිරිසිදුව තබාගැනීමට සියපත ෆිනෑන්ස් වෙතින් නිර්මාණශීලී විසඳුමක්

නව්‍යකරණයෙන් පිරිපුන් හෘද්‍යාංගම මූල්‍ය සේවාවක නියැලෙමින් ශ්‍රී ලාංකිකයන්ගේ විශ්වාසය දිනූ සියපත ෆිනෑන්ස් පීඑල්සී ආයතනික සමාජ සත්කාරක වැඩසටහන් මා

Hello Dada කියලා කියන්නේ Say Prime චැනල් එකෙන් නිෂ්පාදනය වුන පළවෙනි මිනි සීරීස් එක. 2025 මාර්තු මස 31 387 1
Hello Dada කියලා කියන්නේ Say Prime චැනල් එකෙන් නිෂ්පාදනය වුන පළවෙනි මිනි සීරීස් එක.

මිනි සීරීස් කන්සෙප්ට් එකෙන් සීරීස් කිහිපයක්ම නිර්මාණය කරපු අධ්‍යක්ෂකවරයෙක් තමයි ජෝ දිසානායක. Hello Dada අධ්‍යකෂණය සිදු කරන්නේද ඔහු විසින්ම. බොහෝ ජනප්‍රිය

ප්‍රයිම් සමූහය වෙතින් PrimeMax: අවම මූලික ගෙවීමක් සහ ඇදහිය නොහැකි මාසික වාරිකයක් සමගින් දේපළ සඳහා ආයෝජනය කිරීමට අනගි අවස්ථාවක් 2025 මාර්තු මස 21 912 0
ප්‍රයිම් සමූහය වෙතින් PrimeMax: අවම මූලික ගෙවීමක් සහ ඇදහිය නොහැකි මාසික වාරිකයක් සමගින් දේපළ සඳහා ආයෝජනය කිරීමට අනගි අවස්ථාවක්

ප්‍රයිම් සමූහය ශ්‍රී ලංකාවේ දේපළ වෙළඳාම් ක්ෂේත්‍රයේ පෙරළියක් සිදුකරමින් නව ගෙවීම් ක්‍රමවේදයක් හඳුන්වා දීමට පසුගියදා කටයුතු කළේ ය.

Our Group Site