ශෂිකා නිසංසලා
සංගීත ලොවේ සප්ත ස්වර අලූත්ම පෙරළියකට හරවා සහෘද රසික රසිකාවියන්ගේ සවන්පත් අතරට කතා කරමින් ගී ලොවට නවමු එළියක් එක් කළ ඇය ශෂිකා නිසංසලා නමැති ගායන ශිල්පිනියයි. තුරුණු ශක්ති සෞන්දර්ය චාරිකාවෙන් ගී ලොවට පැමිණ මේ වන විට ගීත විශාල සංඛ්යාවක් ගායනා කර ඇති ඇය වර්තමාන ගීත වේදිකාවේ ගීත කෝකිලාවක් ලෙස කිරුළ දරන්නට සමත්ව ඇත්තේ ඇයගේ මාධුර්ය හඬ නිසාවෙනි.
01. මගේ ජීවිතේ මම වැඩිපුරම සතුටු වුණු දවස තමයි "තුරුණු ශක්ති” සෞන්දර්යය චාරිකාවෙන් ජයග්රහණය කරපු දවස. මම ඒ සඳහා සහභාගි වුණේ 12 වසරෙ ඉගෙනුම ලබද්දී. ලොකු බලාපොරොත්තුවක් නැතිව තමයි. ඒ සඳහා ඉදිරිපත් වුණේ. මොකද කලිනුත් එවැනි තරගවලට ඉදිරිපත්වෙලා තිබුණා. ඒත් ප්රතිඵල සාධාරණයි කියලා සමහර තැන්වලදී පෙනුණෙ නෑ. අසාධාරණකම් ගොඩක් සිද්ධ වුණා. මටම පළවෙනි තැන එන්න ඕන කියන එක නෙමෙයි මම කියන්නෙ. හොඳ අය කැපිලා යද්දි අදක්ෂයො ඉදිරියට ආවා. එවැනි දේවල් සිදු වුණාම තරගවල විශ්වාසය නැතිව යනවා. ඒ නිසා තුරුණු ශක්තිවලටත් යන්න ඒ තරම් කැමැත්තක් තිබුණෙ නෑ. අපිත් එක්ක එකට පාසල් ගිය ලක්මාල් කියන අයියා තමයි ඇප්ලිකේෂන් දාලා ඒ සඳහා යන්න උනන්දු කළේ. කොහොම හරි ගිහින් පළමු වටේටත් තේරිලා, දිස්ති්රක් තරගයෙනුත්, පළාත් තරගයෙනුත් ප්රථම ස්ථානය ලබාගෙන අවසන් මහා තරගයට තේරී පත්වුණා. තරගය 1999 වර්ෂයේ පැවැත්වුණේ නමුත් අවසාන තරගය තිබුණෙ 2000 ජනවාරිවල. ඉතින් මම ඒ තරගෙනුත් ජයග්රහණය කළා. විනිශ්චය මණ්ඩලයෙනුත් හොඳ ලකුණු සංඛ්යාවක් ලබාගන්න හැකිවුණා. රෝහණ වීරසිංහ, නන්දා මාලනී, වික්ටර් රත්නායක වැනි ප්රවීණයන් තමයි විනිශ්චය මණ්ඩලයේ හිටියෙ. ඉතින් මම ජයග්රහණය කරපු ඒ දවස ඒ රාති්රය මට කවදාවත්ම අමතක වෙන්නෙ නෑ.
02. මට A/L ප්රතිඵල ආපු දවස හොඳට මතකයි. මම තුරුණු ශක්ති ගිහින් පාසලේ වැඩත් ගොඩක් අතපසු වෙලා තිබුණෙ. පාසල් යන්නත් බැරිවුණා. කොහොමත් මම විභාගවලට පාඩම් කරන්නෙ අන්තිම මොහොතෙ. නමුත් කෙටි සටහන් ගහගෙන මුල ඉඳන්ම ලෑස්ති වුණා. අමතර පොත් වලින් පවා තොරතුරු එකතු කරගෙන තිබුණා. මම කළේ සංගීතය, සිංහල හා තර්ක ශාස්ත්රය. ඉතින් මම A/L වලට මුහුණ දීලා ප්රතිඵල එද්දි ටිකක් බයවෙලා හිටියෙ. බය නිසාම ඉස්කෝලෙට යන්නත් බෑ කියලා හිතුනා. ඒ කාලෙ දැන් වගේ ඉන්ටර්නෙට් තිබුණෙත් නෑනෙ. ඒත් මගෙ යාළුවෙක් මගෙ ප්රතිඵල බලලා ගෙදරට කතා කරලා කිව්වා මට හොඳ ප්රතිඵල තියෙනවා ඇවිල්ලා බලන්න කියලා. ඉතින් මට A3 ක් ලැබිලා තිබුණා. ඒ දවස නම් මට අමතක නොවනම දවසක් වුණා. මගෙ ජීවිතේට. මම විතරක් නෙමෙයි මගෙ අම්මා තාත්තත් ගොඩක්ම සතුටු වුණා.
03. මම විශ්වවිද්යාලයට ගියපු පළවෙනිම දවසත් මට හරිම සතුටු දවසක්. ගොඩක් මහන්සිවෙලා පාඩම් කරලා දුක් විඳලා තමයි විශ්වවිද්යාලයට ඇතුල්වීමට වරම් ලබාගත්තෙ. ඒ සඳහා මම පළමු දවසෙ ගියෙ මගෙ අම්මයි, තාත්තයි එක්ක. එයාලත් ගොඩක් සතුටින් තමයි හිටියෙ ඒ මොහොතෙ. මටත් කියාගන්න බැරි තරම් සතුටක් දැනුණෙ මම විශ්වවිද්යාලයට ආවා නේද කියලා. ඒ වගේම එහිදී තමයි මට පෙම්වතාව මුණ ගැහුනෙත්. ඔහු මට පළමුවෙන්ම ආදරේ ප්රකාශ කරපු දවසත් මට හොඳට මතකයි. ඒ මගෙ ජීවිතේ සොඳුරුතම කාලසීමාවක්.
04. මගෙ ජීවිතේ තවත් සොඳුරුතම දවසක් තමයි විවාහ වුණු දවස. 2008 ජනවාරි 28 වෙනිදා තමයි විවාහ වුණේ. ඒ දවස මට හීනයක් වගේ. විවාහ උත්සවය ඉවරවෙලා අපි හුන්නස්ෆෝල් ගියා. ඒ යද්දි ගොඩක් රෑ වුණා. පහුවදා නැගිටිද්දි මට හීනයක් වගේ. විවාහ උත්සවයක් තිබුණද කියලත් හිතුණා. ඒ දවස ඉක්මනින් ගෙවිලා ගියා වගේ. හරිම සතුටු දවසක්. මගෙ ආදරය විවාහයෙන් කෙළවර වුනු එක ගැනත් කියන්න බැරි තරම් සතුටක් හිතට දැනුණෙ.
05. විවාහයෙන් පසුව ටික කාලයකට පස්සෙ මගෙ පුතා ලැබුණා. ඒ 2010 ඔක්තෝබර් 14 වැනිදා. පුතා ලැබෙන්න ඉන්නවා කියලා දැන ගත්ත දවසත් මට අමතක වෙන්නෙ නෑ. වචන වලින් කියන්න බැරි තරම් සතුටක් දැනුණෙ. ඒ වගේම කුසේ ඉන්න දරුවගෙ මූණ බලාගන්නකම් නොඉවසිල්ලකින් හිටියෙ. ඊට පස්සෙ මගෙ දෙවනි පුතා ඉපදුණු දවසත් ඒ වගේමයි ඒ 2014 ජනවාරි 3. ඒ දවසෙත් මට කියාගන්න බැරි තරම් සතුටක් දැනුණා. ජීවිතේට මල් දාහක් පිපුණා වගේ දැනුණා පුතාලා දෙන්නගෙම මුහුණු දකිද්දී.
06. මම ගොඩක්ම සතුටු වුණ තව දවසක් තමයි මගෙ ගීතයක් පළමුවෙන්ම රේඩියෝවෙ විකාශය වුණු දවස. ඒ තමයි මගෙ &පාරමිතා” ගීතය ඒ ගීතය කරලා ගොඩක් කාලයක් යනකම් ජනපි්රය වුණේ නෑ. ඒත් ඒ ගීතය විකාශය වුණාට පසුව හොඳ ප්රතිචාර තිබුණා. ගොඩක් කට්ටිය කතා කරලා කියනවා. සුබ පතනවා. ඒ හැමදේ එක්කම ලොකු සතුටක් දැනුණා. ඒ වගේම ගීතය විකාශය වුණු දවසෙ පොඩි සිදුවීමකුත් වුණා. මගෙ ගීතය විකාශය වෙනවා ඇහුණම මම එළියෙ ඉඳන් කාමරේට දිව්වා රේඩියෝවෙ සද්දෙ වැඩි කරන්න. ඒ දුවද්දි මගෙ කකුල ඇඳේ වැදිලා ලොකු අකරතැබ්බයකට මුහුණ දෙන්නත් සිදුවුණා. ඒත් ඒ ගැන මට දුකක් ඇති වුණෙත් නෑ ගීතය විකාශය වෙනවා ඇහුණම.
07. මම &තුරුණු ශක්ති” වලින් ජයග්රහණය කළාට පසුව ගොඩක් ටෙලිනාට්යවල පසුබිම් ගායනයෙන් දායක වෙන්න අවස්ථාව ලැබුණා. ඒ සඳහා ගොඩක් ආරාධනා ලැබුණා. ගීත 30, 40කටම පසුබිම් ගායනයෙන් දායක වුණා. ඒ අතරින් මගෙ පළවෙනි සම්මානය ලැබුණු දවසෙ ඉහේ මල් දාහක් පිපෙනවා වගේ දැනුණා. කේමදාස මාස්ටර් සංගීතවත් කළ "සෙදෝනා” නාට්යයේ "රළ උමතු වෙලා” ගීතයට තමයි සම්මානය ලැබුණෙ. රයිගම් සම්මාන උළෙලෙදී ඒ දවස මගෙ ජීවිතේට අමතක නොවෙන දවසක් වුණා. ඉතා ඉහළ ප්රතිචාරත් ඒ සඳහා ලැබුණා.
සටහන - ධනු විජේරත්න / ඡායාරූප - සඳුන් ගමගේ
හෙට (29) සිට පෘථිවියට අලුත් සඳක් එසේත් නැතිනම් චන්ද්රයෙක් එක්වනු ඇතැයි තාරකා විද්යාඥයෝ පවසති. මේ අලුත් සඳ, දින 53 ක් තිස්සේ පෘථිවිය සමඟ සිටින බව තාරකා විද
වෙනස්ම හැඩති පාෂාණයක් අඟහරු මතුපිටින් හමුවීමත් සමඟ නාසා විද්යායන් මේ වනවිට තරමක් කලබලයට පත්ව ඇති බව වාර්තා වේ.
හැරී පොටර් චිත්රපට මාලාවේ ප්රොෆෙසර් මැක්ගෝනිගල් චරිතයට පණ පෙවූ බ්රිතාන්ය සම්මානනීය නිළි මැගී ස්මිත් දිවි ගමනට සමු දුන්නාය.
සෞඛ්ය, අධ්යාපන, තැපැල් , වාරිමාර්ග ජනාධිපති ලේකම් කාර්යාලය ඇතුළු රාජ්ය ආයතන රැසක වාහන 4000ක පමණ ප්රමාණයක් පසුගිය කාලයේදී අතුරුදන්ව හෝ අස්ථානගතවී ඇති
කළුතර දිස්ත්රික් හිටපු පාර්ලිමේන්තු මන්ත්රී කුමාර වෙල්ගම මහතා කොළඹ පෞද්ගලික රෝහලකදී අද අලුයම අභාවප්රාප්ත වී ඇතැයි පවුලේ ආරංචි මාර්ග සඳහන් කරයි.
කහටගස්දිගිලිය කෝන්වැව සහ පඬරැල්ලෑව ගම්මානයට නිරන්තරයෙන් වන අලින්ගේ ග්රාහනය හේතුවෙන් ගම්වාසීහු දැඩි ජීවිත තර්ජනයකට ලක්ව සිටිති.
ජනාධිපතිවරණයේ ඡන්ද විමසීම අවසන් වී ඇති මේ මොහොතේ, මුළු රටක් ම බලාපොරොත්තු පෙරදැරිව බලා සිටිනේ ඉදිරි පස් වසර සඳහා සඳහා ශ්රී ලංකාවේ ජනපති වන්නේ කවුරුන්
ශ්රී ලංකාව මේ මොහොතේ සිටින්නේ ඉතාමත් තීරණාත්මක සන්ධිස්ථානයක යි. පවතින ගෝලීය දේශගුණික අභියෝග සහ බලශක්ති සුරක්ෂිතතාව පිළිබඳ කවර ගැටලු පැවතිය ද ෆොසිල
ශ්රී ලංකාවේ ප්රථම වරට, ප්රධාන ජනාධිපති අපේක්ෂකයින් තිදෙනාගේ ප්රතිපත්ති ප්රකාශන පොරොන්දු පහසුවෙන් සංසන්දනය කිරීමට සහ ඇගයීමට, ඉංග්රීසි, සිංහල ස
ඉහේ මල් දාහක් පිපෙනවා වගේ දැනුණා