ලියාපදිංචි නොකළ අලි පැටියෙකු ළඟ තබා ගැනීම සම්බන්ධයෙන් මහේස්ත‍්‍රාත් අධිකරණයේ නඩුවට අත්අඩංගුවට ගැනීම වළක්වන නියෝගය ඉල්ලා උඩුවේ ධම්මාලෝක හිමියන් ශ්‍රේෂ්ඨාධිකරණය හමුවේ ගොනු කළ මූලික අයිතිවාසිකම් පෙත්සම අද (29) උන්වහන්සේම ඉල්ලා අස් කර ගැනිණි.

අගවිනිසුරු කේ.ශ්‍රී පවන් සහ සිසිර ද ආබෲ යන ශ්‍රේෂ්ඨාධිකරණ විනිසුරු මඩුල්ල හමුවේ පෙත්සම කැඳවිණි.

ධම්මාලොක් හිමියන් මේ වන විට අත්අඩංගුවට ගෙන අවසන්ව ඇති බවත් පෙත්සම පවත්වාගෙන යෑමේ පදනමක් හා අවශ්‍යතාවයක් නැති බව පවසමින් පෙත්සම්කාර උඩුවේ ධම්මාලෝක හිමියන් වෙනුවෙන් පෙනී සිටි නීතීඥ සම්පත් හේවාවිතාරණ මහතා මෙම පෙත්සම ඉල්ලා අස්කර ගැනීමට ශ්‍රේස්ඨාධිකරණ විනිසුරු මඩුල්ලෙන් අවසර ඉල්ලා සිටියේය.

ඒ අනුව පෙත්සම් ඉවත් කර ගැනීමට අධිකරණය විසින් අවසර දෙන ලදී.