විපක්ෂ නායක ආර්. සම්බන්දන් හා උතුරු මහ ඇමති සී.වී. විග්නේෂවරන් උතුරු නැගෙනහිර ඒකාබද්ධ කර වෙනම රාජ්‍යයක් නිර්මාණය කළ යුතු බවට කළැයි කියන ප්‍රකාශ සම්බන්ධයෙන් පොලිස්පතිට පැමිණිලි කිරීමට සිහල රාවය හා බොදුබල සේවා සංවිධානය කොළඹ පොලිස් මූලස්ථානයට පැමිණියේය.

සිහල රාවයේ කැඳවුම්කරු මාගල්කන්දේ සුදන්ත හිමියන් ප්‍රකාශ කළේ ආණ්ඩුක්‍රම ව්‍යවස්ථාවට පටහැනි රටේ ස්වෛරීත්වයට, භෞමික අඛණ්ඩතාවයට පටහැනි රටේ බෙදුම්වාදී අරගල නිර්මාණය විය හැකි මෙම ප්‍රකාශ ගැන වහාම නීතිය ක්‍රියාත්මක කරන ලෙසත් ඔවුන් පිළිබඳ විමර්ශන ආරම්භ කරන ලෙසත් පොලිස්පතිට කරුණු ඉදිරිපත් කළ බවයි.