යුද සමයේදී කොටි සංවිධානයට අවි ආයුධ ගැනීම සදහා ජාත්‍යන්තර වශයෙන් ඇමරිකන් ඩොලර් මිලයන ගණනක මුදලක් වංචනිකව රැස්කළ බව කියන එල්ටීටීඊ ක්‍රියාකාරීන් 13 දෙනෙකුට එරෙහිව ස්විස්ටර්ලන්ත නීතිපති දෙපාර්තමේන්තුව එරට අධිකරණයක නඩු පවරා ඇත.

මෙම 13 දෙනා අතරින් දෙදෙනෙකු ශ්‍රී ලාංකිකයින් බවත් සෙසු පිරිස් ජර්මනියේ හා ස්විස්ටරල්න්තයේ පිරිස් බවත් වාර්තා වෙයි.

ගෝලීය ද්‍රවිඩ සමිබන්ධීකරණ කමිටුව නමින් පිහිටුවාගෙන ඇති මෙම සංවිධානය හරහා ව්‍යාජ ලේඛණ සකස් කරමින් බැංකුණය ලබා ගැනීමත් යුරෝපයේ වෙසෙන දෙමළ ඩයස්පෝරාවෙන් වංචනිකව මුදල් ලබා ගැනීම හා එලෙස    රැස්කරගත් මුදල් කොටි සංවිධානයට අවිආයුධ ලබා ගැනීම සදහා වැය කිරීමත් යන චෝදනා සමිබන්ධයෙන් ස්විස්ටර්ලන්ත නීතිපති දෙපාර්තුමේන්තුව විසින් මොවුනට එරෙහිව චෝදනා පත්‍ර ගොනුකර තිබේ.

ස්විස්ටර්ලන්ත පොලීසිය විසින් සිදුකරන ලද විමර්ශනයකට අනුව මොවුනට එරෙහිව නීතිපති දෙපාර්තුමේන්තුව විසින් නඩු පැවරීමට කටයුතු කර ඇති අතර මොවුන්ගේ නම් කිසිවක් හෙලිනොකිරීමටද එම දෙපාර්තුමේන්තුව පියවර ගෙන ඇත.

කෙසේ වෙතත් මෙම සංවිධානය කොටි සංවිධානය වෙනුවෙන් වංචනිකව මුදල් රැස්කිරීමේ මෙම ව්‍යාපාරය 2009 මැයි මස යුද්ධය අවසන් වීමෙන් පසු නවතා ඇති බවද හෙලිවී ඇත.