(කුෂාන් ජයවර්ධන)

කැකිරාව අධ්‍යාපන කලාපයට අයත්වන කැකිරාව තිබ්බටුවැව  ප්‍රසිද්ධ ජාතික පාසලක කලක් තිස්සේ සූක්ෂම ලෙස ක්‍රියාත්මකව තිබූ ඩෙස් පුටු විකිණීමේ ජාවාරමක් අතටම හසු කර ගැනීඹට කැකිරාව තිබ්බටුවැව ප්‍රදේහවාසීහු සමත් වූහ.

මෙම සොරකම සදහා විද්‍යාලයේ මුරකරුවකු හා ගුරුවරයකු සම්බන්ධ වී ඇති බවට එම පිරිස  හදුනා ගෙන තිබේ.

ප්‍රධාන විදුලි ලාම්පු ද නිවාගෙන විද්‍යාලය වෙත පැමිණ ඇති  අබිලි යකඩ එක්රැස් කරන ආයතනයකට අයත් කුඩා ලොරි රථයක් යොදා ගෙන විද්‍යාලයේ තිබූ ඩෙස් පුටු තොගයක් ප්‍රවාහනය කිරීමට සූදානම් වන අවස්ථාවේ මඟ රැක සිටි පිරිස ලොරි රථය හා සැකකරුවන්  අල්ලා ගෙන රාත්‍රි කාලයේදීම කැකිරාව පොලිස් ස්ථානය වෙත භාර දීමට පියවර ගෙන තිබිණ.

කෙසේ වෙතත් එම අවස්ථාවේ ලොරි රථයේ රියදුරු ලෙස කටයුතු කළ පුද්ගලයකු පවසන්නේ අදාළ ඩෙස් පුටු තොගය අලුත්වැඩියා කිරීම සදහා අබිලි යකඩ එක්රැස් කරන ස්ථානයට මෙලෙස රාත්‍රී කාලයේ රැගෙන යන බවයි.

විද්‍යාලයේ මුරකරුවකු හා එම පාසලේ ගුරුවරයකු ඊට සම්බන්ධව ඇති බවට එම අවස්ථාවේ සැකකරුවන් ප්‍රදේශීන් සමග ඇති වූ සංවාදයෙන් හෙළී වේ.

අදාළ ගුරුවරයාද එම ස්ථානයේ සිට ඇති අතර ප්‍රදේශවාසින් ලොරි රථය නවත්වාගැනීමත් සමග අදාළ ගුරුවරයා එම ස්ථානයෙන් පලා ගොස් තිබේ.