කොළඹ වටරවුම් මාර්ගය අද පස්වරු තුනට මහා මාර්ග ඇමැති ලක්ෂ්මන් කිරිඇල්ල මහතා අතින් විවෘත විය. ඒ සමගම වාහන ගමනා ගමනයට ද අවශ්‍ය කටයුතු සලසන බව මාර්ගයේ නඩත්තු හා මෙහෙයුම් කළමනාකරු එස්. ඕපනායක කියයි.

අධිවේගී මාර්ගය පාවිච්චි කරන සැහැල්ලු වාහන සඳහා අය කරන ගාස්තු මෙසේය.

කඩවත සිට කඩුවෙලට  - රු.100 ,අතුරුගිරියට සහ කොට්ටාවට - රු.150, කහතුඩුවට - රු. 200, ගැලනිගමට - රු.250 දොඩන්ගොඩට - රු.300, වැලිපැන්නට - රු.350, කුරුඳුගහහැතැක්මට - 400, බද්දේගමට - රු.450, ගාල්ල පින්නදූවට  - රු.500, ඉමදූවට - රු.550, කොක්මාදුවට, - රු.600, මාතර ගොඩගමට  - රු.650  මීට අමතරව බසයකට රුපියල් 1750 ක් ද, කන්ටේනරයක රුපියල් 2500 ක් ද අය කෙරේ.  මේ සමගම කඩුවෙල අතුරුගිරිය පොරේ පිවිසුම ද විවෘත කෙරේ. 

කඩවත සිට මාතර දක්වා ශ්‍රී ලංගම හා පෞද්ගලික සුඛෝපභෝගී බස් සේවාව ද හෙට (18) සිට ආරම්භ වීමට නියමිත අතර කඩවත සිට ගාල්ලට බස් ගාස්තුව රුපියල් 400ක් ද මාතරට රුපියල් 500ක් ද බව ජාතික ගමනා ගමන කොමිෂන් සභාව කියයි.

_DSC0864 _DSC0899 _DSC0913 _DSC0925