ඉතාලියේ ශ්‍රී ලාංකික  ශ්‍රම සංක්‍රමිකයෝ ශ්‍රී ලංකාවේ තේවත්ත ආසන දෙව්මැදුරේ හැත්තැ පස් වැනි සංවත්සරය  සැමරිම සඳහා වතිකානයේ ශාන්ත පීතර බැසිලිකාවේ විශේෂ දේව මෙහෙයකට එක් වුහ.

ඔවුහු ෆ්‍රැන්සිස් පාප්තුමා ද බැහැ දුටහ.

ශ්‍රි ලංකා කතෝලික රදගුරු සමුළුවේ සභාපති මැල්කම්  කාදිනල් රංජිත් අගරදගුරුතුමෝ ද  ෆ්‍රැන්සිස් පාප්තුමාට ශ්‍රි ලංකාවේ සංචාරයකට ආරාධනා කළහ. එම ඉල්ලිම ආදරයෙන් පිළිගන්නා  බවත්, එසේ ආරාධනාකිරිම ගැන ස්තූතිවන බවත් පාප්තුමෝ පැවසුහ.

පාප් තුමා  තම දේශනයේ දී පැවසුවේ ශ්‍රී ලංකාව ඉන්දියන් සාගරයේ මුතු ඇටය නමින් ප්‍රසිද්ධ බවයි. නමුත් පසුගිය කාලයේ එරට විශාල අලාභ හානිවලට ගොදුරුවූ නිසා  කඳුළු බවට පත්වු බවයි .

ඊයේ සතුරන් සේ සිටි අය සමග අනාගතය ගොඩනැගිම වර්ථමානයේ අමාරු බවත් එය සුව කැර ගැනීමට නම් සාමයම ඇති කළ යුතු බවත් එතුමෝ පැවසුහ.

ශ්‍රී ලාංකිකයන් හට සාමය හා සංහිඳියාව ඇති වන සේ දෙවියන්ගෙන් අයැදිමින් එතුමෝ යාච්ඥා කළහ. සියළුම ශ්‍රි ලාංකිකයන්හට සුභ අනාගතයක් වේවායි එතුමෝ ආශීර්වාද කළහ.

වැලන්ස් මෙන්ඩිස් හලාවත රදගුරු , වින්ස්ටන් ප්‍රනාන්දු බදුල්ල රදගුරු,හැරල්ඩ් ඇන්තනි කුරුණෑගල රදගුරු අමාත්‍යවරුන් වන රාජිත සේනාරත්න , දයාශ්‍රිත තිසේරා ,නියෝජ්‍ය ඇමැති සරත් කුමාර ගුණරත්න ,  බ්‍රිතාන්‍ය මහ කොමසාරිස්  දොස්තර ක්‍රිස් නෝනිස් ජිනීවා එක්සත් ජාතීන්ගේ නිත්‍ය නියෝජිත රවිනාථ ආරියසිංහ රෝමයේ ශ්‍රී ලංකා තානාපති බැනට් කුරේ යන මහත්වරු ද පාප් තුමා බැහැ දැකීමට ගොස් සිටියහ.

ශ්‍රී ලාංකිකයන් වෙනුවෙන් පාප් තුමා පැය අටක්ම වෙන් කැර දී තිබුණි.

ඉතාලියේ ශ්‍රම සංක්‍රමිකයන්ගේ ජාතික සම්බන්ධිකාරක නෙවිල් ජෝ පෙරේරා පියතුමා මේ හමුව සංවිධානය  කළේය.