උසස් අධ්‍යාපන ඇමති ලක්ෂ්මන් කිරිඇල්ල මහතා 'අද' පුවත්පතේ අමිත් මධුරංග මාධ්‍යවේදියාට අසභ්‍ය වචනයෙන් බැණ වැදීමේ සිද්ධිය හෙළා දකිමින් තරුණ ජනමාධ්‍යවේදීන්ගේ සංගමය නිවේදනයක් නිකුත් කළේය.

තම හිතවතෙකුට කැළණි විශ්වවිද්‍යාලයේ කථිකාචාර්ය පදවියක් සම්බන්ධයෙන් කිරිඇල්ල මහතා නිකුත් කළ ලිපියක් ගැන දුරකතනයෙන් ප්‍රශ්න කළ අවස්ථාවේ දී එම මාධ්‍යවේදියාට බැණ වැදුණු බව එම නිවේදනයේ කියයි.

තමාට ලැබුණු ප්‍රවෘත්තිය ගැන අනෙක් පාර්ශවයෙන් විමසමින් සමබර වාර්තා කිරීමට ගිය මාධ්‍යවේදියාට බැණ වැදීම පිළිකුලෙන් යුතුව හෙළා දකින බව එම නිවේදනයේ සඳහන් කරයි.

කිරිඇල්ල මහතා එම ලිපියෙන් කියා ඇත්තේ අදාල තනතුර පිරිනැමීමේදී එම පුද්ගලයාගේ සුදුසුකම් සැලකිල්ලට ගන්නා ලෙසය.