කැලේ කිතුල් මදින්න අවසර

(අංජුල මහික වීරරත්න)

වනජීවී හා වන සංරක්ෂණ කලාප වල ඇති කිතුල් ගස් මැදීම සඳහා එම කර්මාන්තයේ යෙදෙන්නන්ට කැලයට ඇතුළුවීම සඳහා අවසර දීමට වන සංරක්ෂණ දෙපාර්තමේන්තුව එකඟතාවය පළ කර ඇතැයි කෘෂිකර්ම සහ වැවිලි කර්මාන්ත අමාත්‍ය මහින්ද අමරවීර මහතා පැවසීය.

වන සංරක්ෂණ කලාපවල කිතුල් මැදීම සඳහා අවසර දෙන ලෙස අමාත්‍යවරයා වනජීවී හා වන සංරක්ෂණ අධ්‍යක්ෂ ජනරාල්වරුන්ගෙන් ඉල්ලීමක් කර තිබිණි.

කිතුල් පැණි හා හකුරු වල ප්‍රමිතිය තහවුරු කිරීම සඳහා නව නීති හා රෙගුලාසි මාලාවක් හඳුන්වා දෙන්නැයි අමාත්‍ය මහින්ද අමරවීර මහතා කිතුල් සංවර්ධන මණ්ඩලයට උපදෙස් දුන්නේය.

කිතුල් ආශ්‍රිත නිෂ්පාදන සඳහා ජාත්‍යන්තර වෙළෙඳපොළේ ඉහළ ඉල්ලුමක් පවතින හෙයින් කිතුල් පැණිවල ප්‍රමිතිය අනිවාර්යෙන් තහවුරු කළ යුතු යැයි අමාත්‍යවරයා කීය.

ඇතැම් නිෂ්පාදනවලට සීනි කවලම් කිරීම නිසා කිතුල් පැණි ආශ්‍රිත නිෂ්පාදන අලෙවියේ දී ගැටලු මතුවන බව අමාත්‍යවරයා පැවසීය.

මෙරට ඇති සමස්ත කිතුල් ගස් ප්‍රමාණය ලක්ෂ 30ක් වන අතර ඉන් ප්‍රයෝජනයට ගනු ලබන්නේ සියයට 20ක් පමණි. ඉතිරි සියයට 80ක ප්‍රමාණය කිසිදු ප්‍රයෝජනයක් නොගෙන අත්හැර දමා ඇතැයි කිතුල් සංවර්ධන මණ්ඩලය පවසයි.

අදහස් (5)

කැලේ කිතුල් මදින්න අවසර

ලුම්බිණි Wednesday, 22 November 2023 12:37 PM

පුළුවන් නම් ඉතුරුවෙලා තියෙන කැලැවත් ඉවර කරනවා.

: 3 3

සුනිමල් Wednesday, 22 November 2023 12:44 PM

මුලින්ම සීනි හා එකතුකළ අගය කියලා රසකාරක මිශ්‍ර කිතුල් හකුරු හා කිතුල් පැණි විකිණීම සම්පූර්ණයෙන්ම තහනම් කරන්න (එහෙම කියන්නේ සමහරක් වෙළෙන්දෝ සීනි නැති කිතුල් පැණි හොඳ නැහැ කියලා බාල පැණි විකුණනවා... සීනි මිශ්‍ර නොකළ කිතුල් පැණි ඉතාමත් රසවත්...) දෙවනුව ගෙවතුවල තියෙන කිතුල් මැදීමට අවසරය ලබා දෙන්න. තෙවනුව කැලේ තියෙන කිතුල් ගස්වලට බලපත්‍ර දෙන්න එහෙත් සෑම මලක්ම කැපීමට බලපත්‍ර නොදෙන්න (නැත්නම් කැලයේ කිතුල් ගස් නැතිවේවි..) මෑතකදී අහන්න ලැබුණා ත්‍රීවීලර් එකක බුදු පිළිමයක් තිබුණා කියලා.. පෙට්‍රල් ලීටරයක දඩයක් ගැහුවා කියලා එහෙම දේවල් කිතුල් මැදීමේදී අනන්තවත් වෙන්න පුළුවන්... ඒ ගැණත් අවධානය යොමුවේවා...!

: 1 2

සාලිය Wednesday, 22 November 2023 01:07 PM

කිතුල් රා වලට බයිට් එකත් කැලෙන්ම හදා ගන්නත් අවසර දුන්නා නම් හොඳ සංචාරක ප්‍රොජෙක්ට් එකකි...

: 6 0

Kithulgoda Wednesday, 22 November 2023 06:41 PM

ඕක හරියන්නේ නැහැ....

: 1 0

ගමේ එකාලා Wednesday, 22 November 2023 07:03 PM

කිතුල මදින ගමන් කිතුල් රා එහෙමත් පෙරාගන්න බැරියැ. අපේ අයගේ කෙරුවාවල් ගැන අමුතුවෙන් කියන්න ඕනේද?

: 0 0

ඔබේ අදහස් එවන්න

එසැණ පුවත්

ඊශ්‍රායල් - පලස්තීන් යුද්ධයේ ප්‍රතිඵල

2024 ඔක්තෝබර් මස 09 175 0

ඊශ්‍රායල - හමාස් යුද්ධය හේතුවෙන් මේ වනවිට සෑම පලස්තීනුවන් 55 දෙනෙකුට එක් අයෙක් ඊශ්‍රායල ආරක්ෂක හමුදාව අතින් ඝාතනය වී ඇති බවත් සෑම දිනකම පලස්තීන ළමයින් 10

හිස් අතින් ඕස්ට්‍රෙිලියාව ගිහින් මිලියනපතියෙක් වූ විනුල්

2024 ඔක්තෝබර් මස 09 376 0

මීට දශකයකට පමණ පෙර ඕස්ට්‍රේලියාවට පැමිණි ශ්‍රී ලංකාවේ විනුල් කරුණාරත්න මේ වනවිට මිලියනපතියකු වී ඇතැයි එරට මාධ්‍ය වාර්තා කළේය.

පළාත් කීපයකට අදත් තද වැසි

2024 ඔක්තෝබර් මස 09 28 0

බස්නාහිර, සබරගමුව, සහ වයඹ පළාත්වලත් ගාල්ල සහ මාතර දිස්ත්‍රික්කවලත් විටින් විට වැසි හෝ ගිගුරුම් සහිත වැසි ඇති වන බව කාලගුණ විද්‍යා දෙපාර්තමේන්තුව කියය

විත්තියේ විරෝධතා විසිවේ:ශෂීගේ නඩුව විභාගයට

2024 ඔක්තෝබර් මස 09 938 0

ව්‍යාජ උප්පැන්න සහතිකයක් ඉදිරිපත් කර අවිධිමත් රාජතාන්ත්‍රික විදේශ ගමන් බලපත්‍රයක් ලබා ගත්තේ යැයි කියන හිටපු අමාත්‍ය වරයකුගේ බිරිඳ වන ශෂී වීරවංශ මහත

දේපොළ ගන්න වරලත් ඉංජිනේරුවා මරලා

2024 ඔක්තෝබර් මස 08 2096 0

එක්සත් ජාතීන්ගේ සංවිධානයේ වරලත් ඉංජිනේරුවකු, ලෝක බැංකුවේ ශ්‍රී ලංකා ශාඛාවේ තාක්ෂණික ඉංජිනේරු ලෙස කටයුතු කළ සමන් විජේසිරි මහතා මීට වසර හයකට පෙර සූක්ෂ

විදුහල්පති ඇදුරු තුම එ දවස උන්න දොස්තර සිසු ළඟය අද බෙහෙතක් ගන්න

2024 ඔක්තෝබර් මස 08 2063 0

ලෝක ගුරු දිනය වෙනුවෙන් අම්බලන්ගොඩ ධර්මාශෝක විදුහලේ 1990 සාමාන්‍ය පෙළ හා 1993 උසස් පෙළ ආදි සිසු කණ්ඩායම තමන්ට වෛදයවරුන්,හෙදියන් ඇතුලු සෞඛ්‍ය කාර්ය මණ්ඩල සා