ගායන ශිල්පියෙකු ලෙස ක්ෂේත්රයට පිවිසි වූ ඔහු දිමුතු තරංග වෙයි. ක්ෂේත්රය තුළ දිගු ගමනක් යෑමට ඔහුගේ බලාපොරොත්තුවයි. මේ ඒ පිළිබඳව "සාරවිට"ට පැවැසුවේ මෙවැන්නකි.
ඔබ ගැන හැඳින්වීමක් කළොත්?
මගේ නම දිමුතු තරංග. මගේ ගම මාතර කැකණදුර.
කලා ක්ෂේත්රයට එන්නේ කොයි කාලයේද?
උසස් පෙළ කරන කාලෙදී. ඒ කියන්නේ මීට අවුරුදු 03කට කලින්
මුලින්ම දායක වුණේ?
මම මුලින්ම නෙලූ අධිකාරි මිස් යටතේ සංගීතය හැදෑරුවා. ඊට පසුව ඉන්ද්රචාපා බුලත්සිංහල යටතේ හඬ පුහුණුවීම්වලට දායක වුණා. මට ගායකයෙක් වෙන්න ඕනේ කියන දේ හිතට දැනුණේ චාමර වීරසිංහ ගායකයා නිසයි. එයා මට ගොඩක් උපදෙස් සහ අවවාද දීලා තියෙනවා.
මේ වනවිට එළිදක්වලා ඇති ගීත සහ අනෙකුත් වැඩකටයුතු මොනවාද?
මගේ අම්මා පිටරටක ඉන්නේ. එයාගේ හැදුනුම්කමක් අනුව මම ලක්ෂ්මන් හිල්මි සහ පිංපොං හඳුනා ගන්නවා. පිංපොං තමයි මට මුලින්ම මගේ ගීතයක් කරමු කියලා අදහස දෙන්නේ. ඒ වෙනකොට මම මියුසික් බෑන්ඩ් කිහිපයකම ගායකයෙක් විදිහට සිංදු කියනවා.
ඊට පසුව පිං පොං මගේ සිංදුවට සංගීතය කරන්න ගයන්ත විජේරත්නව සම්බන්ධ කරලා දෙනවා. ඒ අනුව මගේ පළමුවෙනි ගීතය නිෂ්පාදනය කරනවා. එහි පද රචනය ප්රියාල් වීරසිංහ. එම ගීතයට සමග හසී සිතාර, අර්ජුන කමලනාත්, පිං පොං, ගයන්ත විජේරත්න, ෆිල් ටී යන අය රංගනයෙන් දායක වෙනවා. එම ගීතයේ නම වන්නේ "මා නිසා". මුලින්ම හිරු ටීවී එකේ, කවුන් ඩවුන් වැඩසටහන මගින් එළිදක්වනු ලැබුවා.
මගේ දෙවැනි ගීතයේ නම "එක වරක් මා හමුවෙලා" එම ගීතයේ පද රචනය සජිත් වී චතුරංග විසින්ය. සංගීත ගයන්ත විජේරත්න. එම ගීතයට මාත් එක්ක රංගනයෙන් මාධව විජේසිංහ, විනු උදානි දායක වෙනවා. එම ගීතය හිරු රූපවාහිනිය මගින් මුලින්ම එළිදක්වනවා. එම ගීතය නිර්මාණය වුණේ සත්ය සිදුවීමක් පදනම් කරගෙනයි. ඊට අමතරව වීඩියෝ එක ලස්සන කරගන්න අලුත් දේවල් එකතු කරගෙන තියෙනවා. ඊට අමතරව ඕඩියෝ ගීත තිබුණා මුල් කාලයේදී. මේ දින වල මගේ තුන් වැනි ගීතයේ මියුසික් වීඩියෝවේ වැඩ පටන් අරගෙන තියෙනවා. එහි පදරචනය සජිත් වී චතුරංග සහ සංගීතය චන්දන වල්පොල විසිනි.
මගේ පළමු ගීතය එළිදක්වලා ටික කාලයට පස්සේ චන්ද්රරත්න මාපිටිගම සර්ගෙන් ආරාධනය අනුව මම "සුන්දරයි චන්ද්ර"කියන මගේ පළමු නාට්ය සඳහා සහභාගී වෙනවා. එහෙම නාට්ය ITN නාළිකාවේ විකාශය වුණා. මීට අමතරව මම රංගනයෙන් දායක වුණු මියුසික් වීඩියෝස් 02 ක් එළිදැක්වීමට නියමිතයි. එයින් එක ගීතයක් ගායනා කළේ පර්පල් රේන්ජ් සංගීත කණ්ඩායමේ සංඛ මධු සහ යොහාන් වික්රමසිංහයි. හිරු රූපවාහිනියේ විකාශය වීමට නියමිත අලුත්ම නාට්යයක් සඳහාත් රංගනයෙන් දායක වෙනවා. ළගදීම ඒ ටෙලි නාට්යයත් හිරු හරහා බලා ගන්න පුළුවන්. අලුත්ම රූපවාහිනි නාළිකාවක නිවේදන ශිල්පියෙක් විදිහටත් අගෝස්තු මාසයේ මුල ඉඳන් රසිකයන් එක්ක එකතු වෙන්න ගොඩක් ආසාවෙන් ඉන්නේ.
කවුරු හරි උදව් කරපු පිරිසක් ඉන්නවාද?
මගේ අම්ම තමයි මගේ හෙවණැල්ල වගේ ඉඳන් මේ තැනට ගෙනාවේ. ඊට අමතරව අධ්යක්ෂක සුරංග සේනාධීර අයියා. චන්දන වල්පොල අයියා විශේෂයි. ගායකයෙක් විදිහට ක්ෂේත්රයට ආවත් මාව නළුවෙක් කළා, ඒවගේම රූපවාහිනි නිවේදකයෙක් විදිහට එකතු වෙන රසිකයන් මගෙන් ඉල්ලපු නිසා මගේ ආදර රසිකයන්ව මතක් කරනවා වගේම ඉදිරියටත් මාත් එක්ක රැඳිලා ඉන්න කියලා කියනවා.
ඩිලාන් ක්රිෂාන්ත
අම්පාර නගර සභාව මඟින් පාලනය කරනු ලබන බුද්ධංගල මාර්ගයේ පිහිටා ඇති කසල ඒකකය තුළ වන අලියෙක් මියගොස් තිබෙන බව ගම්වාසීහු පවසති.
අවුරුදු තුනේ සිට පහළොව අතර වයසේ පසුවන දරුවන් එකොලොස් දෙනකුගේ හතළිස් එක් හැවිරිදි පියකු බිරියගේ සහෝදරයකුගේ පොලු පහරක් වැදී මරණයට පත්වී ඇතැයි රක්වාන ප
ජනාධිපති අනුර කුමාර දිසානායක මහතා අද (05) පෙරවරුවේ වැල්ලවත්ත, අමරපුර මහා නිකායේ සංඝ මූලස්ථානය වෙත පැමිණ කරගොඩ උයන්ගොඩ මෛත්රිමූර්ති ශ්රී ලංකා අමරපුර
රත්නපුර අංගම්මන තොටුපළේ අද පස්වරුවේ දියනෑමට ගිය රත්නපුර සුධර්මශාලා පිරිවෙනෙහි 11 වසර සිසුන් දෙදෙනකු ගඟේ ගිලීමෙන් ජීවිතක්ෂයට පත්ව ඇතැයි රත්නපුර පොලිස
ජනාධිපති ධුරයට පත්වීමෙන් පසු අනුර කුමාර දිසානායක මහතා ප්රථම වරට අද (05)වැනි දා පස්වරුවේ අනුරාධපුර ඓතිහාසික ජය ශ්රී මහා බෝ සමිඳුන් සහ රුවන්වැලි සෑ රදුන
ප්රසිද්ධ ව්යාපාරිකයකු මිලට ගත් බස් රථයක ලියාපදිංචිය වෙනස් කර පොත ලබාදීම සඳහා රුපියල් දෙලස්ස පනස් දහසක (250000)අල්ලසක් ලබා ගත්තේ යැයි කියන නාරාහේන්පිට ම
ජනාධිපතිවරණයේ ඡන්ද විමසීම අවසන් වී ඇති මේ මොහොතේ, මුළු රටක් ම බලාපොරොත්තු පෙරදැරිව බලා සිටිනේ ඉදිරි පස් වසර සඳහා සඳහා ශ්රී ලංකාවේ ජනපති වන්නේ කවුරුන්
ශ්රී ලංකාව මේ මොහොතේ සිටින්නේ ඉතාමත් තීරණාත්මක සන්ධිස්ථානයක යි. පවතින ගෝලීය දේශගුණික අභියෝග සහ බලශක්ති සුරක්ෂිතතාව පිළිබඳ කවර ගැටලු පැවතිය ද ෆොසිල
ශ්රී ලංකාවේ ප්රථම වරට, ප්රධාන ජනාධිපති අපේක්ෂකයින් තිදෙනාගේ ප්රතිපත්ති ප්රකාශන පොරොන්දු පහසුවෙන් සංසන්දනය කිරීමට සහ ඇගයීමට, ඉංග්රීසි, සිංහල ස
ගායනයට මෙන්ම රංගනයට දස්කම් පාන දිමුතු