නම

රැවන් පෙරේරා

පවුලේ විස්තර

අම්මයි, තාත්තායි, අයියයි, මල්ලියි, ආච්චියි, මමයි.

ඉගෙන ගත්ත පාසැල

රත්නපුර ගිලීමලේ සමනල මහා විද්‍යාලයෙන් O/L වෙනකම් ඉගෙන ගත්තා’ ඊට පස්සේ A/L කළේ රත්නපුර ධර්මපාල විද්‍යාලයෙන්.

කලාවට යොමු වුණේ කොයි කාලේ ඉඳන්ද?

පාසල් කාලේ ඉඳන්ම. මම මුල්ම පාසල් වේදිකාවේ රඟපෑවේ 6 වසරේදී.

ඒ කියන්නේ නළුවෙකු වීම තමා ඔබේ එකම සිහීනය

ඔව්... ඔව්... පෙරපාසල් යන කාලේ ඉඳන්ම මම ආස කළා.

ටෙලි නිර්මාණවලට සම්බන්ධ වෙන්නේ කොයි කාෙලද?

2007 දී විතර

මොකක්ද මුල්ම නාට්‍ය?

සුරේෂ් අබේසේකරගේ අසුරාවේශය

කොහොමද අත්දැකීම

ඒ අත්දැකීම කියන්නේ පොඩි කාලේ ඉඳන් අයියලා අක්කලා එක්ක එක එක ඇඳුම් ඇදන් විවිධ චරිත කරලා, ඊට පස්සේ පාසැල් වේදිකාවේ රඟපාලා හිටිය මට ටෙලිනාට්‍යට අවස්ථාව ලැබුණම හිතාගන්න බැරි තරම් සතුටක් දැනුණා.

මුලින්ම රඟපෑවේ?

විශ්ව විද්‍යාල ශිෂයෙක්ගෙ චරිතයක්. චන්න පෙරේරාගෙ යාළුවෙක්ගෙ චරිතයක්.

ඊට පස්සේ ලැබුණ නිර්මාණ ජීවිතය ලස්සනයි, උතුවන්කන්දේ සරදියෙල්, රැවන් මාළිගා, රෝස කටු, ලොක්කි, බිනරමලී, සුජාතා, දියණියෝ, කුටු කුටු මාමා ඒවගේ නිර්මාණවලට දායක වුණා.

ඔබට වසරේ නැගී එන නළුවා ට හිමි සම්මානය ලැබුණා. ලැබුණු ඇගයීම ගැන මොකද හිතෙන්නේ?

මේ සම්මානයේ සම්පුර්ණ ගෞරවය හිමිවෙන්න ඕන මගේ ගුරැවරයා වන ජැක්සන් ඇන්තනී මහතාට. මොකද ඔහු නොහිටින්න මේ සම්මානය මට ලැබෙන්නේ නැහැ. මොකද මම මීට ෙපර නාට්‍ය රුසක රඟපාල තිබ්බා. හැබයි ඒ හැම එකක්ම මෙගා නාට්‍ය. මෙගාවලින් බැහැරව රඟපෑ එකම නාට්‍ය දස්කොන්. ඉතින් මගේ දක්ෂතා තේරැම් අරගෙන මට ගැළපෙන චරිතයක් දීලා මාව සම්මානනීය නළුවෙකු විදියට කෙලින් හිටවන්න කටයුතු කළේ ජැක්සන් සර්. සම්මානය ගැන තියෙන්නෙ පුදුම සතුටක්.

ඔබට කොහොමද ජැක්සන් ඇන්තනී මහතාව මුණගැහෙන්නේ?

මම ඔහුට ගොඩක් ගරැ කළා. ඉතින් මම එතුමාගේ Phone no එක හොයාගෙන කතා කළා. කාලයක් තිස්සේ එතුමා සමඟ දුරකතනයෙන් කතා බහ කළා. ඊට පස්සේ මට එතුමාගේ අබා චිත්‍රපටයේ සහයකයෙකු ලෙස වැඩ කරන්න ලැබුණා. ඒ කාලේ ඉගෙන ගත්ත දේ බොහොමයි.

මේ දවස්වල විකාශය වෙන නාට්‍ය මොනවද?

උරැමක්කාරයෝ, සේයා.

ඉදිරි කලා නිර්මාණ මොනාද?

සුමිත් කුමාරගේ අරලිය අරණ ඒවගේම ණයට ඉල්ලා අමනාප නොවන්න, වස්සාන ප්‍රේමයේ නම් තාම රෑපගත කිරීම්.

අනාගත බලාපොරොත්තු?

හොඳ නළුවෙක් විදියට කලා ක්ෂත්‍රය තුළ රුදෙමින්, කලාවට වගේම රටට වැඩදායි යමක් කිරීම තමා.

මේ ගමන එන්න උදව් කළ අය මතක් කළොත්?

ජැක්සන් සර් ඉදිරියෙන්ම ඉන්නවා. ඒවගේම රවින්ද්‍ර විජේරත්න, දිනුෂා රාජපතිරණ, තරංග දිසානායක, රන්ජන් ප්‍රසන්න, සුමිත් කුමාර, ජනක චමින්ද, වගේම මට වචනයකින් හරි උදව් කළ අය, ඒ වගේම මම මේ දේ කියන්නත් හදසර අවස්ථාවක් කරගන්නවා. ඒ තමයි මම සම්මානය ගත්තට පස්සේ මම වෙනුවෙන් ගිලීමලේ ගමේ උදවිය ලොකු උපහාර උත්සවයක් තිබ්බා. ඒකට ජැක්සන් සර් සහභාගි වුණා. ඉතින් ඒ දේ සංවිධාන කළ ගමේ අයට ස්තූතියි කියනවා හදසර තුළින්.

අනූ