2024 සැප්තැම්බර් මස 21 වන සෙනසුරාදා
2024 සැප්තැම්බර් මස 21 වන සෙනසුරාදා
පරාජිත අපේක්ෂකයින් එකොළොස් දෙනෙකු පාර්ලිමේන්තුවේ ජාතික ලැයිස්තු මන්ත්‍රීවරුන් ලෙස පත් කිරීම බලරහිත කරන්නැයි ඉල්ලා හිටපු අමාත්‍ය හා ශ්‍රී ලංකාවේ කොමියුනිස්ට් පක්ෂයේ මහ ලේකම් ඩී යූ ඩබ්ලිව් ගුණසේකර මහතා අද (2) ශ්‍රේෂ්ඨාධිකරණයට මූලික අයිතිවාසිකම් පෙත්සමක් ගොනු කළේය.
එසේම තමන් ජාතික ලැයිස්තු මන්ත්‍රීවරයෙකු ලෙස නම් කරන ලෙසට මැතිවරණ කොමසාරිස්වරයාට නියෝග කරන්නැයි හිටපු අමාත්‍යවරයා සිය පෙත්සමින් ඉල්ලා සිටී.නීතීඥ නාගානන්ද කොඩිතුවක්කු මහතාගේ මාර්ගයෙන් මෙම පෙත්සම ගොනු කර ඇත.
මැතිවරණ කොමසාරිස් , එක්සත් ජනතා නිදහස් සන්ධානයේ මහලේකම් විශ්වා වර්ණපාල, එහි හිටපු මහලේකම් සුසිල් ප්‍රේමජයන්ත, එක්සත් ජාතික පක්ෂයේ මහලේකම් කබීර් හෂීම්, ජනතා විමුක්ති පෙරමුණ මහලේකම් ටිල්වින් සිල්වා, ජාතික ලැයිස්තුවෙන් පත් කර ඇති පරාජිත අපේක්ෂකයින් 11 දෙනා සහ නීතිපති ඇතුළු 15 දෙනෙකු මෙහි වගඋත්තරකරුවන් ලෙස නම් කර ඇත.
නාමයෝජනා බාර දෙන අවස්ථාවේදී ප්‍රකාශිත ගැසට් නිවේදනයේ නම නොමැති සහ මැතිවරණයේදී පරාජයට පත්වූ අපේක්ෂකයින් ජාතික ලැයිස්තු මන්ත්‍රීවරුන් ලෙස ප්‍රකාශ කිරීමෙන් මැතිවරණ කොමසාරිස් මෙරට ජනතාවගේ මූලික අයිතිය උල්ලංඝනය කර ඇති බව ප්‍රකාශ කරන ලෙසද පෙත්සම්කාර හිටපු අමාත්‍යවරයා සිය පෙත්සමින් ඉල්ලා සිටි.
එම පෙත්සමේ මෙසේද සඳහන් වේ.
තමන් ශ්‍රී ලංකාෙව් කොමියුනිස්ට් පක්ෂයේ මහලේකම් බවත්,එය සන්ධානයේ හවුල්කාර පක්ෂයක් වන්නේ යැයිද පෙත්සම්කරු කියා සිටී.එක්සත් ජනතා නිදහස් සන්ධානයේ හිටපු මහලේකම් වූ සුසිල් ප්‍රේමජයන්ත මහතා ඡන්ද කොමසාරිස්ට යැවූ ජාතික ලැයිස්තු මන්ත්‍රී ධූර ලැයිස්තුවේ තෙවැනියා ලෙස නම් කළද , එම සන්ධානයේ වත්මන් මහලේකම්වරයා විසින් සැකසුණු දෙවැනි ලැයිස්තුවේ සිය නම ඇතුළත් නොවූ බව ද පෙත්සම්කරු කියා සිටී.තවත් පක්ෂ වලින් තරඟ වැදී පරාජයට පත්වූ අපේක්ෂකයින්ද පත් කර ඇතැයි එහි සඳහන් වේ.
තමන් ඇතුළත් නොකොට පරාජිත අපේක්ෂකයින් එම ජාතික ලැයිස්තුවේ මන්ත්‍රීවරුන් ලෙස පතA කිරීම ජනතාවගේ පරමාධිපත්‍ය බලය සර්වජන ඡන්ද අයිතියට බාධා එල්ලවීමක් වන බවද පෙත්සම්කරු කියා සිටී.එය ජනතා බලය මොට කිරීමක් බවද පෙත්සම්කරු කියා සිටී.
මෙම ක්‍රියාවලියෙන් තමන්ගේ මූලික අයිතිවාසිකම් කඩවී ඇති බවත්, එය ආණ්ඩුක්‍රම ව්‍යවස්ථාවේ 12.1 ව්‍යවස්ථාව මඟින් පනවා ඇති නීතිය ඉදිරියේ සමාන ලෙස නොසලකා හැර ඇති හෙයින් මෙම පෙත්සම විභාගයට ගන්නා ලෙසත්, පරාජිත අපේක්ෂකයින් 11 දෙනා ජාතික ලැයිස්තු මන්ත්‍රීවරුන් ලෙස පත් කරමින් මැතිවරණ කොමසාරිස්වරයා නිකුත් කළ ගැසට් නිවේදනය අවලංගු කරන්නැයි ද පෙත්සම්කරු ඉල්ලා සිටී.
තම පක්ෂයට මනාපය ලබා නොදුනහොත් අනවසරයෙන් පදිංචි වී සිටින ඉඩම අවලංගු කරන බවට පවසා අරලගංවිල ඉහළවැව ප්‍රදේශයේ ජාතික ජන බලවේගයේ සාමාජිකාවකට බලපෑම් කළේ යැ
ජනාධිපතිවරණයේදි සිය ජන්දය ප්‍රකාශ කිරිම සදහා කොළඹ ඇතුළු දිවයිනේ විවිධ ප්‍රදේශවල රැකියාවල නිරත වන වතුකරයේ පදිංචිකරුවන් දැඩ උනන්දුවකින් නිවාස වෙත පැ
ජනාධිපතිවරණය නිරීක්ෂණය කිරීම සඳහා ජාත්‍යන්තර මැතිවරණ නිරීක්ෂණ සංවිධානවල 116 දෙනෙක් මෙරටට පැමිණ සිටිති.
වෝකි ටෝකි සහ පේජර් යන්ත්‍ර පුපුරුවා හරමින් ලෙබනනයට එල්ලවූ ප්‍රහාර මාලාව ඊශ්‍රායලය යුද ප්‍රකාශ කිරීමක් ලෙස සැළකිය හැකි බවත් එම ප්‍රහාරවලට නියත වශයෙන්
ජනාධිපතිවරණයේදී හොර ඡන්ද දමා මහාධිකරණයෙන් වරදකරුවකු වන පුද්ගලයෙකුට වසරක හිර දඬුවම් හෝ රුපියල් ලක්ෂ දෙකක දඩ මුදලකට යටත් වීමට සිදුවන බව මැතිවරණ කොමි
ජනාධිපතිවරණ ඡන්ද මධ්‍යස්ථාන සඳහා කැඳවීම් කර තිබූ ජ්‍යෙෂ්ඨ ඡන්ද ස්ථානාධිපතිවරු 20 පමණ පිරිසක් රාජකාරී සඳහා වාර්තා නොකිරීම හේතුවෙන් කොළඹින් පිරිසක් ගෙ
2024 සැප්තැම්බර් මස 19
142
0
ශ්‍රී ලංකාව මේ මොහොතේ සිටින්නේ ඉතාමත් තීරණාත්මක සන්ධිස්ථානයක යි. පවතින ගෝලීය දේශගුණික අභියෝග සහ බලශක්ති සුරක්ෂිතතාව පිළිබඳ කවර ගැටලු පැවතිය ද ෆොසිල
2024 සැප්තැම්බර් මස 18
95
0
ශ්‍රී ලංකාවේ ප්‍රථම වරට, ප්‍රධාන ජනාධිපති අපේක්ෂකයින් තිදෙනාගේ ප්‍රතිපත්ති ප්‍රකාශන පොරොන්දු පහසුවෙන් සංසන්දනය කිරීමට සහ ඇගයීමට, ඉංග්‍රීසි, සිංහල ස
2024 සැප්තැම්බර් මස 13
139
0
(2024 සැප්තැම්බර් 09) ලොව විශාලතම Luxury Ayurveda Wellness Brand වන Spa Ceylon, අන්තර්ජාතික සම්මාන උළෙලක් වන 2024 Global Green Beauty Awards හිදී ජාත්‍යන්තර වශයෙන් ලොව ඉදිරියෙන්ම සිටින රූපලාවන්‍ය සන්න
ජාතික මන්ත්‍රීධුරය ඉල්ලා කොමියුනිස්ට් පක්ෂය උසාවි යයි
දහම් Wednesday, 02 September 2015 01:16 PM
ඉතා හොඳ පියවරක්. ජනතා අයිතිය කොල්ලකන්න දෙන්න එපා. (නි)
දිලිප් Thursday, 03 September 2015 03:48 AM
ඩියු මහත්තයාගේ වයස කීයද දැන්? මෙයත් මහින්ද මහත්තයගේ අඩි පාරේම යන්න හදනවද කොහෙද? (ම)
සමන්ති Wednesday, 02 September 2015 01:49 PM
මීට ඉස්සර පරාජිතයින් පත්කිරීමේදී නිහඬ පිළිවෙතක් අනුගමනය කළේ ඇයි එතකොට? (නි)
ප්‍රියංකා Thursday, 03 September 2015 03:58 AM
මේ කලබල මුලුත් නැහැ පැරදුණු එකෙක් වත් ඇතුළට නොගෙන හිටියානම්. නයි රෙද්ද අස්සේ දාගත්තා වගේ වැඩක් තමා දැන් වෙලා තියෙන්නේ. එක් කෙනෙකුට දුන්නානම් තවත් ය ඉල්ලගෙන පෝලිමේ එනවා. වැඩේ අනාගෙන තියෙන්නේ දැන්..(ම)
චන්න බුවනක Wednesday, 02 September 2015 02:15 PM
පසුගිය දේවල් කෙසේවෙතත් මෙවරවත් මේ සම්බන්ධයෙන් උසාවි ගිය එක හොඳයි. ඇත්ත වශයෙන්ම අපි ඔබ සමඟයි. (නි)
සිරිමල් Wednesday, 02 September 2015 02:55 PM
ඔය තණ්හාව අතහැරලා දැම්මොත් නරකද? (නි)
සිරි Thursday, 03 September 2015 05:35 AM
ප්‍රියංකා හරියටම හරි.කටේ මසුරන් දාන්න ඕනෑ (නි)
සෙනරත් Thursday, 03 September 2015 06:09 AM
ෂාරෝ සහ ලලිත් සමඟ සියයට සියයක් එකඟයි. මේක මුලින්ම කළේ චන්ද්‍රිකා බණ්ඩාරනායක. මර්වින් සිල්වා ඡන්ද දෙදාහක් අරගෙන පැරදුනු වෙලාවේ, චන්ද්‍රිකා තමයි මර්වින්ව නැවත ජාතික ලැයිස්තුවෙන් පත්කළේ. ඒකෙන් වෙච්ච හානිය පසුගිය කාලේ අපි කවුරුත් දැක්කනේ. (නි)
ටිකිරි Thursday, 03 September 2015 06:19 AM
පක්ෂයේ මහා සභා රැස්වීමට 25ක් එන්නේ නැති කොමියුනිස්ට් පක්ෂයට මොන ජාතික ලැයිස්තු මන්ත්‍රීධුරද? අර "දෙලොවට නැති අය" නවකතාව කියෙව්වහම තේරෙනවා ඡන්දෙ දෙනකොට පක්ෂ සාමාජිකත්වය අභිබවා කුල සහයෝගිතාව ඉදිරියට එන බව. (නි)
විජේසිංහ Wednesday, 02 September 2015 05:19 PM
මේවා කාටත් හොඳ පාඩම්. (නි)
හර්ෂ Wednesday, 02 September 2015 06:45 PM
ඉතා හොඳ පියවරක්. ජනතා අයිතිය කොල්ලකන්න දෙන්න එපා. (නි)
උපාලි Wednesday, 02 September 2015 10:23 PM
මගේ විශ්වාසය නම් ජාතික ලැයිස්තුවෙන් පත්කරන ලෙස ඉල්ලා කෙරෙන මේ සියළු නඩු නිෂ්ප‍්‍රභා වන බවයි. මොකද කිව්වොත් පරාජිත අපේක්ෂකයින් ජාතික ලැයිස්තුවෙන් පත්කිරීමට මැතිවරණ නීතියේ ප‍්‍රතිපාදන තිබීමත්, පරාජිතයින් පත්කිරීමෙන් පූර්වාදර්ශ තිබෙන බවත් පෙනීයන නිසයි. (නි)
සමන්ති Wednesday, 02 September 2015 11:02 PM
ඉතින් මහත්තයෝ, තමාටම පෙනී සිටින්න තිබුනානේ. (නි)
ෂාරෝ Thursday, 03 September 2015 12:01 AM
කලින් කළ දේවල් හොඳ නැති නිසානේ ඒ ආණ්ඩුව ගෙදර යවලා යහපාලනය පත්කරගත්තේ. කළයුතුම දෙයක් මේක. පරාජිත මන්ත්‍රීවරු ගෙදර යැවිය යුතුයි.ජනතා පරමාධිපත්‍ය හෑල්ලු කරන අයට පාඩම් ඉගැන්විය යුතුයි.ඔබට සාධාරණය ඉටු වේ යැයි බලාපොරොත්තු වෙමු. (නි)
ලලිත් Thursday, 03 September 2015 12:39 AM
මේ ඉල්ලීම සර්ව සාධාරනයි! ලංකාව ප්‍රජාතන්ත්‍රීය රටක්. එසේ නම්, කොහොමද මහජනතාව ඡන්දෙන් ප්‍රතික්ෂේප කළ නියෝජිතයන් පාර්ලිමේන්තුවට පත්කරන්නේ? මෙය මහජන මතයට කරන නිගාවක්. මෙමගින් රටේ ප්‍රජාතන්ත්‍රවාදය ගැන මහජනතාව තුළ තිබූ විශ්වාසයට බරපතල කැළලක් සිදුවේ. (නි)
කුමාර Thursday, 03 September 2015 12:40 AM
ජනතාව ප්‍රතික්ෂේප කළ අය මොකටද ආයෙත් පාර්ලිමේන්තුවට ගන්නේ? එයාලව ගෙදරම යවන්න. ඔබ උසාවි ගිය එක සාධාරනයි. (නි)
කුමාර් Thursday, 03 September 2015 07:35 AM
රුසියාවට යන්න කියමු (නි)
හර්ෂි Wednesday, 02 September 2015 12:20 PM
අනේ මෙහෙම තණ්හාවක්! (නි)
ධම්ම Wednesday, 02 September 2015 12:29 PM
ස්තුතියි මහතාණෙනි. මේ ප්‍රශ්නය කවුරු හෝ අධිකරණය වෙත ගෙන යායුතුයි. (නි)
ඩිල්ෂාන් Thursday, 03 September 2015 02:32 AM
බොහොම හොඳ ක්‍රියාමාර්ගයක් (නි)
සුරනිමල Thursday, 03 September 2015 02:35 AM
ඉල්ලුවත් පරදින,ඉල්ලලා පැරදුන අයත් පත්කිරීමෙන් ජාතික ලැයිස්තුවේ පරමාර්ථ ඉෂ්ට නොවේ. (නි)
වසන්ජය Wednesday, 02 September 2015 01:06 PM
ඔබ සියයට සීයක් නිවැරදියි කියන්න තිබුනා. නමුත් ඔබ කී යම්කිසි කතාවක් නිසා දැන් එහෙම පිළිගන්න බැහැ... (නි)