අවුරුදු ප්‍රීතිය භුක්ති විඳීමේදී රජය ක්‍රියාත්මක කරන මතින් තොර රටක් ක්‍රියාවලියට දායකත්වය ලබාදෙමින් එම සත්ක්‍රියාවට දායකත්වය දී අලුත් අවුරුද්ද සමරන ලෙසත් සොඳුරු වාද බේද නැති රටක් ඇති කිරීමට අධිශ්ඨාන කරගත යුතු බවත් ජනපති මෛත්‍රිපාල සිරිසේන මහතා සිය අලුත් අවුරුදු පණිවිඩය මගින් සඳහන් කරයි.

අගමැති රනිල් වික්‍රමසිංහ මහතාද අලුත් අවුරුද්ද වෙනුවෙන් කොස්ලන්ද ශ්‍රී අරියවංශාරාමයට අද (13) පැමිණ ආගමික වතාවත්වල නිරත වීමෙන් පසු සුබ පැතුම් එක් කළේය. මේ අලුත් අවුරුද්ද සිංහලයන්ට ද්‍රවිඩයන්ට සීමාවී නැති බවත් ලොව පුරා තවත් රටවලද අවුරුද්ද සැමරෙන බවත් කී අගමැති ලබන්නාවූ අලුත් අවුරුද්ද ශ්‍රී ලංකා වාසී සැමට වාද බේද නැති සුබ අලුත් අවුරුද්දක් වන්නැයි ප්‍රාර්ථනා කළේය.

අලුත් අවුරුද්දේ සංහිඳියාවෙන් හා එකමුතුවෙන් ජීවත් විය යුතු බවත් සාමය සතුට භුක්ති විඳින්නට අවස්ථාව ලබාදුන් රණවිරුවන් සිහිකර උතුම් මාතෘ භූමිය රැකගන්නට ශක්තිය ලැබේවායි ප්‍රාර්ථනා කරන බවත් හිටපු ජනපති මහින්ද රාජපක්ෂ මහතා සිය සුබ පැතුම් එක් කරමින් පැවසීය.