ජනපති ඩුබායි යයි

(අංජුල මහික වීරරත්න)

එක්සත් ජාතීන්ගේ දේශගුණික විපර්යාස පිළිබඳ සමුළුවට (COP 28) සහභාගී වීම සඳහා ජනාධිපති රනිල් වික්‍රමසිංහ මහතා අද (29) රාත්‍රී ඩුබායි රාජ්‍ය බලා පිටත්ව යයි .

එක්සත් ජාතීන්ගේ දේශගුණික විපර්යාස පිළිබඳ සමුළුව (COP 28) රාජ්‍ය නායකයන්, රාජ්‍ය - පෞද්ගලික අංශ නියෝජිතයන්, පරිසරවේදීන් සහ විද්වතුන්ගේ සහභාගීත්වයෙන් හෙට (30) සිට දෙසැම්බර් 12 වනදා දක්වා ඩුබායි හි එක්ස්පෝ නගරයේදී පැවැත්වේ.

“කොප් 28” සමුළුව වෙනුවෙන් මෙවර විශේෂ යෝජනා තුනක් ඉදිරිපත් කිරීමට ජනාධිපති රනිල් වික්‍රමසිංහ මහතා තීරණය කර ඇත.

ඉන් ප්‍රධානතම යෝජනාව වනුයේ දේශගුණික විපර්යාස විශ්ව විද්‍යාලයක් (Climate Change university) මෙරට ඇති කිරීමයි.

ඊට අමතරව දියුණු රටවල ක්‍රියාකාරකම් හේතුවෙන් අපහසුතාවයට පත්වන තුන්වන ලෝකයේ රටවල් වෙනුවෙන් දේශගුණික යුක්ති සංසදයක් (Climate Justice Forum) පිහිටුවීම හා නිවර්තන වැසි වනාන්තර වෙනුවෙන් සංසදයක් (Tropical Belt Forum) පිහිටුවීමේ යෝජනා ජනාධිපති රනිල් වික්‍රමසිංහ මහතා "කොප් 28" සමුළුව වෙත ඉදිරිපත් කිරීමට නියමිතය.

ශ්‍රී ලංකාව නියෝජනය කරමින් විදේශ ඇමති අලි සබ්‍රි, විදුලිබල හා බලශක්ති ඇමති කංචන විජේසේකර, පරිසර ඇමති කෙහෙළිය රඹුක්වැල්ල, පාර්ලිමේන්තු මන්ත්‍රී පාඨලි චම්පික රණවක,අජිත් මාන්නප්පෙරුම, පරිසර අමාත්‍යාංශයේ ලේකම් වෛද්‍ය අනිල් ජාසිංහ, දේශගුණික විපර්යාස පිළිබඳ ජනාධිපති උපදේශක රුවන් විජයවර්ධන, ජනාධිපති විදේශ කටයුතු අධ්‍යක්ෂ දිනුක් කොළඹගේ මහත්වරු ඇතුළු 15 ක පමණ දූත පිරිසක් සමුළුවට සහභාගී වෙති.

පෞද්ගලික අංශය නියෝජනය කරමින් තවත් පිරිසක් තම වියදමෙන් මෙම සමුළුවට සහභාගී වීමට නියමිත බව දේශගුණික විපර්යාස පිළිබඳ ජ්‍යෙෂ්ඨ උපදේශක රුවන් විජයවර්ධන මහතා පැවසීය.

රාජ්‍ය නොවන සංවිධාන වල අනුග්‍රාහකත්වය යටතේ තරුණ තරුණියෝ 20 ක් මෙම සමුළුවට සහභාගී වෙති.

අදහස් (8)

ජනපති ඩුබායි යයි

aruna Wednesday, 29 November 2023 08:00 PM

අනේ දෙවියනේ මෙයාට ආපහු එන්න වරම් දෙන්න එපා...!

: 0 0

Gaamini Wednesday, 29 November 2023 08:14 PM

බල්ලට ඇති වැඩකුත් නෑ. හෙමින් ගමනකුත් නෑ.

: 0 0

Siri Wednesday, 29 November 2023 09:01 PM

දැන්, ඕනෑ එකටයි, එපා එකටයි හැම මලකඩිත්තුවකටම ඇඟිලි ගහන්න ගිහින් හැට හුටහමාරක් බැනුම් අහන අරයත් එක්කද ගියේ...?

: 0 0

Rata Perata Wednesday, 29 November 2023 09:47 PM

ඔයාට මොකද? ලෝකෙ වටේ රවුම් ගහගහ ඉන්න.

: 0 0

Akila Wednesday, 29 November 2023 09:51 PM

ලොක්ක මේ සැරේ තමයි ට්‍රැවල් කරන්න නියම පොටක් හොයාගෙන තියෙන්නේ..., මේ වැඩකට නැති COP සමුළු / වැඩමුළු 1995 ඉඳන් හැම අවුරුද්දකම මුළු අවුරුද්ද පුරාම එකඑක රටවල තියෙනවා.. කට්ටියට ගිහින් කාලා බීලා විනෝද වෙලා කැමැති නම් කතාවක් දෙකක් කරලා එන්න තමයි තියෙන්නේ...!

: 0 0

සමන් Wednesday, 29 November 2023 09:58 PM

මතක ඇතිව අර STF දාගෙන පරිස්සම් කරන අඹුවත් අරං යන්න හොඳේ...

: 0 0

චන්දිම ෆොන්සේකා Wednesday, 29 November 2023 10:38 PM

මෙච්චර මේ මිනිස්සුන්ට අමාරු කාලේ ඕක අන්තර්ජාලය හරහා එනම් මාර්ගගත ක්‍රමයට කරන්න බැරි කමක් තිබුනද නැහැනේ. මේ ඉතින් නව ගිලුනත් බෑන් චුන් කියන්නා වගේ විශාල මුදලක් වය කරමින් රට සවාරි ගැසීමට තියෙන ළදරු ආශාව නේ? පිනට ලැබුණු චාන්ස් එකෙන් හොඳට ප්‍රයෝජන ගන්නවා. තව ඒ මදිවට රංචුවකුත් එක්කගෙන යාවි. මොන ජගතා වුනත් කමක් නැහැ මේ වගේ නාස්තිකාර වැඩ නවත්වන්න රටේ මිනිස්සු තමන්ගේ අවධානය යොමු කරන්න ඕනි කාලේ දැන් පහුවෙලා ගොඩක් කල්. කොච්චර වියදම් කරලා තියෙනවද මෙයාගේ සවාරි වලට?

: 0 4

Ahmed (Gulf) Thursday, 30 November 2023 12:19 AM

තම රටේ "දකුණු බටහිර සහ ඊසානදිග" මෝසම ගැන නොදන්නා අයෙක් "එක්සත් ජාතීන්ගේ දේශගුණික විපර්යාස පිළිබඳ සමුළුව" මෝඩ විහිළුවට සහභාගී වේ. මෝඩ විහිළුවක්

: 0 5

ඔබේ අදහස් එවන්න

එසැණ පුවත්

ළිඳක තරුණයකුගේ සිරුරක්

2024 ඔක්තෝබර් මස 08 92 0

ඇල්පිටිය මහජන ක්‍රිඩාංගණය අසල ළිඳක තිබී අද (08) සවස මළසිරුරක් හමුවූ බව ඇල්පිටිය පොලිසිය පවසයි.

උපුල් තරංගට විවෘත වරෙන්තුවක්

2024 ඔක්තෝබර් මස 08 272 0

හිටපු ක්‍රිකට් ක්‍රීඩක උපුල් තරංග මහතා අද දින මාතලේ මහාධිකරණයේදී විභාග කිරීමට නියමිතව තිබූ නඩු කටයුත්තට ඉදිරිපත් නොවීම හේතුවෙන් ඔහුට විරුද්ධව විවෘ

ටෙක්නිකල් හන්දියේ කාන්තා ඝාතනයට අයෙක් අල්ලයි

2024 ඔක්තෝබර් මස 08 449 0

කොළඹ කෙසෙල්වත්ත ටෙක්නිකල් හන්දිය ප්‍රදේශයේදී කාන්තාවගේ ගෙලට පිහියකින් ඇන ඝාතනය කිරීම සම්බන්ධයෙන් පෞද්ගලික ආරක්ෂක නිලධාරියෙකු අත්අඩංගුවට ගත් බව කො

’’ බයිස්කෝප්’’ රූගත කිරීමක් උඩරට කෝච්චි පාර වහයි

2024 ඔක්තෝබර් මස 08 696 0

ඉන්දු ලංකා ඒකාබද්ධ සිනමා ව්‍යාපෘතිය හේතුවෙන් හෙට(9)සිට 15 වැනිදා දක්වා උඩරට දුම්රිය මාර්ගයේ දුම්රිය ධාවනය කොළඹ කොටුව සිට ඇල්ල දුම්රිය ස්ථානය දක්වා සීමා

පාරිභෝගික අධිකාරියට නව සභාපතිවරයෙක්

2024 ඔක්තෝබර් මස 08 576 0

පාරිභෝගික කටයුතු පිළිබඳ අධිකාරියේ නව සභාපති ලෙස හිටපු අමාත්‍යංශ ලේකම්වරයෙකු වන හේමන්ත සමරකෝන් මහතා පත් කර ඇත.

අත්‍යවශ්‍ය භාණ්ඩ මිල පරාස නිකුත් කරයි

2024 ඔක්තෝබර් මස 08 1229 0

ඉදිරි සතියක කාලය සඳහා අත්‍යවශ්‍ය භාණ්ඩ වල මිල පරාසයන් පාරිභෝගික කටයුතු පිළිබඳ අධිකාරිය මගින් ප්‍රකාශයට පත් කර තිබේ.