2013 දක්වා වූ වසර 7 ක කාලය තුළ කටාර් හි ජල පරිභෝජනය සියයට 70 කින් ඉහළ ගොස් ඇති බව රජය විසින් ප්‍රකාශයට පත්කර ඇති වාර්තාවක දැක්වේ. කටාර් හි ජල පරිභෝජනය සම්බන්ධයෙන් මෙළෙස වාර්තාවක් පිළියෙළ කර ඇත්තේ පළමු වතාවටය.

2013 වසරේදී ජල කියුබික් මීටර් මිලියන 740 කට වැඩියෙන් පරිභෝජනය කර ඇති අතර එය 2006 වසරේ ජල පරිභෝජනයට වඩා කියුබික් මිලියන 437 ක ඉහළ යාමකි. සංවර්ධන සැළසුම් සහ සංඛ්‍යා ලේඛන අමාත්‍යාංශය විසින් නිකුත් කළ සංඛ්‍යා ලේඛන දෙස බැලීමේදි රටේ ජල පරිභෝජනය වේගයෙන් ඉහළ යන බවක් පෙනෙන්නට තිබේ.

රජයේ ජල පරිභෝජනයද ඉහත කාල පරාශය තුළදී සියයට 400 කින් පමණ ඉහළ ගොස් ඇති බව සංවර්ධන සැළසුම් සහ සංඛ්‍යා ලේඛන අමාත්‍යාංශය පවසයි.
කර්මාන්ත අංශයේ ජල පරිභෝජනය සියයට 200 කින් ඉහළ ගොස් ඇතත්, වැඩිම ජල පරිභෝජනයක් වාර්තා වී ඇත්තේ කෘෂිකාර්මික සහ ගෘහස්ථ අංශයෙනි.