(විනීතා එම් ගමගේ)

තැපැල් වෘත්තිය සමිති අද (31) ගෙනගිය එක් දින වෘත්තිය සමිති ක‍්‍රියාමාර්ගය හේතුවෙන් ප‍්‍රධාන තැපැල් කාර්යාල කටයුතු සියල්ල අඩපණ වී ගියේය.

ප‍්‍රධාන තැපැල් කාර්යාල 653 ම මහජන සේවා සඳහා අද දින විවෘත නොවූ අතර උපතැපැල් කාර්යාල බහුතරයක් විවෘත වී තිබිණි.

තම වෘත්තිය සමිති ක‍්‍රියාමාර්ගය අතිශයින් සාර්ථක බවත් තැපැල් සේවාව අද දවස තුළ අඩපණ වූ බවත් තැපැල් හා විදුලි සංදේශ නිලධාරින්ගේ සංගමයේ ප‍්‍රධාන ලේකම් එච් කේ කාරියවසම් මහතා පවසයි.

වෘත්තිය ක‍්‍රියාමාර්ගය අද සවස අවසන් වුවත් තම ඉල්ලීම් පිළිබඳව පාලනාධිකාරිය යම් පියවරක් නොගතහොත් දැඩි වෘත්තිය ක‍්‍රියාමාර්ගයකට යන බවත් එහි දී රාජ්‍ය අංශයේ අනෙක් වෘත්තිය සමිති ද එක්කර ගන්නා බවත් ලේකම්වරයා කියා සිටියේය.

මේ සම්බන්ධව තැපැල් දෙපාර්තමේන්තුවෙන් විමසීමේ දී එහි නියෝජ්‍ය තැපැල්පති (පාලන) රාජිත රණසිංහ මහතා පවසා සිටියේ, තැපැල් කාර්යාලවලින් සැපයෙන සේවාවන් අද දවස තුළ අඩුපාඩු සහිත වූ අතර උපතැපැල් කාර්යාලවලින් අද දිනය තුළ ගණුදෙනු සිදුවූ බවය.

ජයමාල් චන්ද්‍රසිරි

බදුල්ල තැපැල් කාර්යාලය - (ඇල්ල ප්‍රසාද් රුක්මල්)

බලංගොඩ තැපැල් කාර්යාලය

වතුගෙදර තැපැල් කාර්යාලය - (එම්.සුසිල් ප්‍රියන්ත)

දංකොටුව තැපැල් කාර්යාලය - (ගිරිඋල්ලේ දර්ශි කලුබෝවිල)

හැටන් තැපැල් කාර්යාලය - (නොර්වුඩ් රංජිත් රාජපක්ෂ)

ඇල්පිටිය තැපැල් කාර්යාලය - (එම්.සුසිල් ප්‍රියන්ත)