(ප්‍රසාද් රුක්මල් ) 

බණ්ඩාරවෙල බිදුනුවැව දික්උල්පත කිරිඔරුව මාර්ගය ගිලාබැසීමට ලක් වීමෙන් මාර්ගයේ මීටර් 25ක පමණ කොටසක් කැඩී විනාශ වී ගොස් ඇතැයි මාර්ග සංවර්ධන අධිකාරියේ දියතලාව ප්‍රාදේශීය ඉංජිනේරු ජනක රත්නායක මහතා පවසයි.

මෙම මාර්ගය ඔස්සේ බණ්ඩාරවෙල බිදුනුවැව හරහා කිරිඔරුව දික් උල්පත දක්වා මගී ප්‍රවාහන බස්රථ ද ධාවනය වන අතර මේ හේතුවෙන් අනතුරුදායක තත්ත්වයක් උදා වී ඇතැයි ජනතාව පවසති .

දැනටමත් මාර්ගයේ යට කොටස මීටර් 25 ක පමණ දුරට කැඩී ඇති බවත් මෙම ස්ථානයේ ආරක්ෂිත බැම්මක් ඉදිකර මාර්ගය ආරක්ෂා කිරිමට කටයුතු සිදු කරන බවද හෙතෙම වැඩිදුරටත් පැවසීය.