2015 ගෝලීය සෞභාග්‍යය දර්ශකයට අනුව ලොව සමෘද්ධිමත්ම රටවල් අතර දකුණු ආසියාවේ පළමු තැනට  ශ්‍රී ලංකාව පත්ව තිබේ.

ලන්ඩන් නුවර පදනම් කර ගත්   ආයතනයක් වන මෙය රටවල් 142ක් යොදා ගනිමින් වර්ගීකරණ 08ක් යටතේ  එම අධ්‍යයනය සිදුකර ඇත.

ලෝක සමෘද්ධි දර්ශකයේ ශ්‍රී ලංකාව පසුවන්නේ 61 වන ස්ථානයේය. රටේ ජනතාවගේ යහපැවැත්ම, ආර්ථිකය, ව්‍යවසායකත්වය, අධ්‍යාපනය, සෞඛ්‍යය, ආරක්ෂාව, සුරක්ෂිතතාව, පුද්ගල නිදහස සහ සමාජ ප්‍රාග්ධනය පිළිබඳ මෙහිදී සැළකිල්ලට ගත් බව  අධ්‍යයනය සිදුකළ සමීක්ෂණ ආයතනය කියයි.

ශ්‍රී ලංකාව මෙම දර්ශකයේ 62 වැනි ස්ථානයේ පසු වු අතර 2013 වසරේ 60 වන ස්ථානයේත්, 2012 වසරේ 58 වැනි ස්ථානයෙත් පසු විය.

නෝර්වේ රාජ්‍යය ලොව සමෘද්ධිමත්ම රටවල් අතර පළමු තැන පසුවන අතර දෙවන තැන පසුවන්නේ ස්විස්ටර්ලන්තය වෙයි.

අසල්වැසි ඉන්දියාව ලෝක සමෘද්ධි දර්ශකය තුළ 99 වන ස්ථානයේ පසුවන අතර පාකිස්ථානය 130 වන ස්ථානයේ සහ ඇෆ්ගනිස්ථානය 140 වන ස්ථානයේ පසුවෙයි.චීනය පසුවන්නේ මෙම දර්ශකයේ 52වන ස්ථානයේය.