(සුජිත් හේවාජුලිගේ )

කොළඹ දක්ෂිණ අධිවේගී මාර්ගයේ කොට්ටාව ,කඩුවෙල සහ අතුරුගිරිය අන්තර් හුවමාරුවන්හි සේවකයන්17දෙනකුට කොරෝනා වයිරසය ආසාදනය වීම නිසා එම අන්තර් හුවමාරුවන්හි කටයුතු අඩපණවීමෙන් ඒ මාර්ගයේ ගමන් ගත් දහස් සංඛ්‍යාත පිරිසක් දැඩි දුෂ්කරතාවයට පත්වූහ .

දක්ෂිණ අධිවේගී මාර්ගයේ මාතර දෙස සිට පැමිණි රථ වාහනවලට මෙම කොවිඩ් අවදානම හේතුවෙන් කහතුඩුව පිවිසුමේ ප්‍රවේශපත්‍ර කවුළුවෙන් මුදල් ගෙවා පිටවීමට සිදු වූ අතර මේ හේතුවෙන් එම මාර්ග ප්‍රදේශයේ අධික රථ වාහන තදබදයක් ඊයේ උදෑසන ඇතිවූ බව වාර්තා වෙයි .

මෙසේ කොවිඩ් ආසාදනය වී ඇත්තේ කොට්ටාව අන්තර් හුවමාරුවේ සේවකයන් දොළොස් දෙනෙකුටද කඩුවෙල අන්තර් හුවමාරුව සේවකයන් සිව් දෙනකුට හා අතුරුගිරිය අන්තර් හුවමාරුවේ සේවකයෙකුට ය .

ආසාදිත වූ මෙම සේවකයෝ දාහත් දෙනා ප්‍රතිකාර මධ්‍යස්ථානවලට යොමු කරනු ලැබ ඇති සිටිති .

ඔවුන්ට ආශ්‍රිත වූ සේවකයන් පිරිසක් නිරෝධායනයට යොමුකළ බව දක්ෂිණ අධිවේගී මාර්ගයේ මෙහෙයුම් හා නඩත්තු අංශයේ වැඩබලන අධ්‍යක්ෂ මිහාල් මහතා මහතා පැවසීය .