(රෝෂන් තුෂාර)
උපයා ගත් ආකාරය හෙළිකළ නොහැකි රුපියල් කෝටි සියයකට අධික දේපළ සන්තකයේ තබා ගැනීමින් මුදල් විසුද්ධිකරණයට ආධාර අනුබල දුන්නේ යැයි කියන දෙමටගොඩ රුවන්ගේ පුත්රයා, බිරිඳ සහ සහෝදරියට අධි චෝදනා තුනක් යටතේ කොළඹ මහාධිකරණය හමුවේ නඩු පවරන බව අපරාධ පරීක්ෂණ දෙපාර්තමේන්තුවේ නීති විරෝධී වත්කම් විමර්ශන කොට්ඨාසය කොළඹ ප්රධාන මහේස්ත්රාත් අධිකරණයට කරුණු දක්වමින් අද(08) පැවසීය.
සැකකරුවන් සම්බන්ධයෙන් තවදුරටත් විමර්ශන සිදුකරන බැවින් ඔවුන් තවදුරටත් රක්ෂිත බන්ධනාගාර ගත කරන ලෙසත් එම කොට්ඨාසයේ ප්රධාන පොලිස් පරීක්ෂක සම්පත් රාජකරුණා මහතා කරුණු ඉදිරිපත් කරමින් ඉල්ලා සිටියේය.
දෙපාර්ශවය කරුණු සලකා බැලූ කොළඹ ප්රධාන මහේස්ත්රාත් ප්රසන්න අල්විස් මහතා සැකකරුවන්ගේ විදේශ ගමන් තහනම් කර ඇප මත මුදා හැරීමට නියෝග කළේය.
රුපියල් ලක්ෂ පනහ බැගින් වූ ශරීර ඇප හයක් මත සැකකරුවන් මුදා හැරීමට නියෝග කළ මහේස්ත්රාත්වරයා සෑම මසකම අවසන් ඉරු දින අපරාධ පරීක්ෂණ දෙපාර්තමේන්තුවේ පෙනී සිටින ලෙසට නියෝගයක්ද නිකුත් කළේය.
මෙලෙස අප මතමුදා හරින ලද්දේ වූයේ එස්.පී. තරිඳු මදුශංක,ජෝන් පීටර්ලාගේ ශානිකා ලක්මිණී සහ සමන්තී නිර්මලා යන සැකකරුවන්ය.
අපරාධ පරීක්ෂණ දෙපාර්තමේන්තුවේ නීති විරෝධී වත්කම් විමර්ශන කොට්ඨාස ප්රධාන පොලිස් පරීක්ෂක සම්පත් රාජකරුණා මහතා අධිකරණයට කරුණු දක්වමින් මෙසේ පැවසීය.
සංවිධානාත්මක අපරාධ සහ මත්ද්රව්ය ජාවාරම් මගින් නීති විරෝධීව වත්කම් උපයා ගැනීම සම්බන්ධයෙන් මුදල් විසුද්ධි කරන පනත යටතේ සැකකරුවන්ට එරෙහිව විමර්ශන සිදු කරනවා.
මෙම තරිඳු නමැති සැකකරු සම්බන්ධයෙන් තවත් විමර්ශන ආරම්භ කර තිබෙනවා.මේ අනුව ඔහු රුපියල් මිලියන 1000කට අධික දේපළ තවදුරටත් මිලදීගෙන ඇති බවට විමර්ශන මගින් අනාවරණය වෙනවා.පාර්ලිමේන්තුව අවට කෝටි ගණනක් වටිනා දේපළ සම්බන්ධයෙන්ද අපි විමර්ශන ආරම්භ කළා.මෙම විමර්ශනයන්ට බාධා විය හැකි බැවින් සැකකරුවන්ට ඇප ලබාදීම නොකරන ලෙසට අධිකරණයෙන් ඉල්ලා සිටිනවා.
සැකකරුවන් වෙනුවෙන් ජේෂ්ඨ නිතිඥ ගාමිණි අල්විස් මහතා අධිකරණයට කරුණු දක්වමින් මෙසේ පැවසීය.
මෙම නඩුව සම්බන්ධයෙන් අපරාධ පරීක්ෂණ දෙපාර්තමේන්තුව 2022 වසරේදීත් මෙම කරුණම සඳහන් කළා.නමුත් මෙම නඩුවේ පළමු සැකකරු රුවන්ට කොන්දේසි විරහිතව ඇප නියම කිරීමට මහාධිකරණය තීන්දු කර තිබුණා.
සැකකරුවන් රක්ෂිත බන්ධනාගාර කරන්න හැමදාම මේ කරුණ කියනවා.විමර්ශන අවසන් කර අධි චෝදනා ගොනු කරනවා කියලා නීතිපතිතුමා පැහැදිලිවම කියලා තිබියදී විමර්ශනවලට බාධා කරන්නේ කොහොමද ස්වාමීනි,සැකකරුවන්ගේ දේපළ තහනම් කරල තියෙන්නෙ..විමර්ශනවලට බාධා කරන්නට ඔවුන්ට හැකියාවක් නැ.දේපළ තෙවැනි පාර්ශවයකට පවරන්න කොහොමටවත් බෑ.එම නිසා ඕනෑම කොන්දේසියක් යටතේ ඇප නියම කරන ලෙසට ඉල්ලා සිටිනවා.
එම කරුණු සලකා බැලීමෙන් පසුව ප්රධාන මහේස්ත්රාත්වරයා ඇප නියම කළේය.
ලේකම්වරුන්ගේ ගැටලු ඇති දේශපාලන පක්ෂ පහකට මෙවර මහ මැතිවරණයට තරග කිරීම සඳහා අවසර නොදීමට මැතිවරණ කොමිෂන් සභාව තීරණය කර ඇත.
හිටපු 6 වන විධායක ජනාධිපති මෛත්රීපාල සිරිසේ මහතාගේ නිල ස්වයං ස්මරණීය චරිතාපදානය ’සිහිනය නොනිමිය’ නමින් එළිදැක්වීම අද (04)ගෝල් ෆේස් හොටෙල්හිදී සිදුකෙර
බස් රථයක පොතක් වෙනස් කරදීම සඳහා රුපියල් ලක්ෂයක අල්ලසක් ඉල්ලා ලබා ගනිද්දී මෝටර් රථ ප්රවාහන දෙපාර්තමෙන්තුවේ නියෝජ්ය කොමසාරිස්වරයකු ඇතුළු තිදෙනෙක්
රත්නපුර ශික්ෂණ මහ රෝහලේ දී අද වකුගඩු බද්ධ කිරිමේ සැත්කමක් ප්රථම වරට ඉතාමත් සාර්ථක අන්දමින් ඉටු කිරිමට හැකි වු බව රෝහල් අධ්යක්ෂක වෛද්ය ධම්මික අලහප්
ශ්රී ලංකා නිදහස් පක්ෂයේ (නිමල් පාර්ශවය) එළඹෙන මහ මැතිවරණයේදී ගෑස් සිලින්ඩරය ලකණ යටතේ වු නව ප්රජාතන්ත්රවාදී පෙරමුණ සන්ධානයෙන් තරඟ කිරිමට තීරණය කර
වසර 19 කට පෙර ආරක්ෂක හේතූන් මත වසා දැමුණු කොළඹ අරලියගහ මන්දිරය අසල මාර්ගයක් අද (04) දින සවස ජනතාව සදහා විවෘත කෙරිණි.
ජනාධිපතිවරණයේ ඡන්ද විමසීම අවසන් වී ඇති මේ මොහොතේ, මුළු රටක් ම බලාපොරොත්තු පෙරදැරිව බලා සිටිනේ ඉදිරි පස් වසර සඳහා සඳහා ශ්රී ලංකාවේ ජනපති වන්නේ කවුරුන්
ශ්රී ලංකාව මේ මොහොතේ සිටින්නේ ඉතාමත් තීරණාත්මක සන්ධිස්ථානයක යි. පවතින ගෝලීය දේශගුණික අභියෝග සහ බලශක්ති සුරක්ෂිතතාව පිළිබඳ කවර ගැටලු පැවතිය ද ෆොසිල
ශ්රී ලංකාවේ ප්රථම වරට, ප්රධාන ජනාධිපති අපේක්ෂකයින් තිදෙනාගේ ප්රතිපත්ති ප්රකාශන පොරොන්දු පහසුවෙන් සංසන්දනය කිරීමට සහ ඇගයීමට, ඉංග්රීසි, සිංහල ස
දෙමටගොඩ රුවන්ගේ පුතාට - බිරිඳට - සහෝදරියට නඩු