"බ්රයිඩ්ල් මොඩල්" කෙනෙකු ලෙස නිරූපණ ක්ෂේත්රයට එක්වූ කෞශල්යා ගමගේ මේ වන විට නිරූපණ ක්ෂේත්රය තුළ කාගෙත් කතාබහට ලක්ව ඇති නව පරපුරේ ජනප්රිය නිරූපණ ශිල්පිනියකි. වර්තමානය වන විට "බ්රයිඩ්ල් මොඩල්" ලේබලයෙන් මිදෙන්නට උත්සාහ දරමින් සිටින ඇය ඒ පිළිබඳ "සාරවිට" අපිට මෙසේ පවසා සිටියා.
නිරූපිකාවක් විදිහට ක්ෂේත්රයට ඇවිල්ලා ඔබ දැන් කාලයක් වෙනවා නේද?
ඔව්. නිරූපණ ක්ෂේත්රයට ආවේ 2012 අවුරුද්දේ. ඒ ෆ්රීලාන්ස් බ්රයිඩ්ල් මොඩල් කෙනෙක් විදිහට. "ෆේස්බුක්" සමාජ ජාල වෙබ් අඩවිය හරහා දැනහැඳින ගැනීම් මත තමයි නිරූපණ ක්ෂේත්රයට එකතු වෙන්න මාර්ගය විවර වුණේ.
නිරූපිකාවක් වෙන්නද පුංචි කාලේ කැමැත්ත තිබුණේ?
පුංචි කාලේ ටිකක් විතර මොඩ්ලින් කරන්න කැමැත්ත තිබුණා. ඒත්, ලොකුවට තිබුණේ පරිගණක අංශයේ රැකියාවකට යොමු වෙන්න. නමුත්, දෛවය අනුව මා නිරූපණ ක්ෂේත්රයට යොමු වුණා. අ.පො.ස උසස් පෙළ විභාගයෙන් පස්සේ මම නිරූපණය පැත්තට සම්බන්ධ වුණා.
නිරූපිකාවක් විදිහට මේ ගෙවුණු කාලට පිළිබඳව මොකද හිතෙන්නේ?
මම නිරූපණය ක්ෂේත්රයට ගොඩක් ආසයි. ඒ වගේම ලොකු ගෞරවයක් තියෙනවා මේ වෘත්තිය ගැනත්. මේ ගෙවුණ සිවුවසර තුළ මේ වෘත්තිය තුළින් මට මගේම කියලා අනන්යතාවක් ගොඩනගා ගන්න පුළුවන් වුණා. ඉතින් ගොඩක් සතුටුයි ඒ ගැන. ඉදිරියේදී මේ ක්ෂේත්රය තුළ දක්ෂ නමක් හදාගත්ත නිරූපිකාවක් වෙන්න මම කැමත්තෙන් ඉන්නවා.
මේ සිවුවසර තුළ ඔබ ඇයි "බ්රයිඩ්ල් මොඩල්" කෙනෙකුට පමණක් සීමා වුණේ?
මට හිතුණා ඒ අංශය හොඳයි කියලා. නමුත්, දැන් අදහසක් තියෙනවා එතැනින් එහාට යන්න. ඒ කිව්වේ විවිධ මට්ටමේ "මොඩ්ලින් ෂෝ" වලට දායක වෙන්නත් මගේ කැමැත්තක් තියෙනවා. ඒ වගේම රූපවාහිනි වෙළෙඳ දැන්වීම්, ගීත රූප රචනා, ටෙලි නාට්ය හා චිත්රපට වගේ දේවල්වලටත් යොමු වෙන්න මගේ බලාපොරොත්තුවක් තියෙනවා.
අනාගත ඉලක්ක පිළිබඳව සඳහන් කළොත්?
ඔව්, නිරූපිකාවක් විදිහට නිරූපණ ක්ෂේත්රය තුළ හැකි තරම් පුළුවන් උපරිම දුර යෑමයි මගේ බලාපොරොත්තුව. ඒ වගේම රංගන ශිල්පිනියක් විදිහටත් කලා ක්ෂේත්රයට සම්බන්ධ වෙලා ජනතාව අතර නමක් හදාගන්න බලාපොරොත්තුවක් තියෙනවා.
කවුද උදව් කළ අය?
කිහිපදෙනෙක්ම ඉන්නවා. ඒ අතරින් විශේෂයෙන්ම මතක් කරන්න ඕනා අම්මා, තාත්ත, නංගි, අයියා වගේම ස්ටුඩියෝ වෙඩින් ආයතනයේ උදේෂ් කුරුප්පු මහතා. ඒ වගේම මට රූපලාවණ්ය කටයුතු සිදු කළ හැමදෙනාටම මේ වෙලාවෙදි මතක් කරනවා.
බුද්ධික සේනාධීර
හිටපු ජනාධිපති මහින්ද රාජපක්ෂ මහතා විසින් භාවිතා කරනු ලබන වීරකැටිය කාල්ටන් වත්තට විදුලිය සපයා තිබූ තෙකලා විදුලි රැහැන් කිහිපයක් අද දහවල් විදුලි බල ම
එළඹෙන මහ මැතිවරණය සඳහා තරඟ කිරීමට ස්වාධීන කණ්ඩායම් 122 ඊයේ (4) වනවිට ඇප මුදල් තැන්පත් කර ඇතැයි මැතිවරණ කොමිෂන් සභාවේ කොමසාරිස් ජනරාල් සමන් ශ්රී රත්නායක ම
පිටකොටුව රික්ලමේෂන් පාර ප්රදේශයේ දී දෙදෙනෙකු අතර අද (05) උදෑසන ඇති වූ ගැටුමකින් තියුණු ආයුධ ප්රහාරයකට ලක් වූ 47 හැවිරිදි පුද්ගලයකු මියගොස් ඇතැයි පොලිස
විදේශයන්හි රැකියා කරන රට විරුවන්ට විද්යුත් වාහන බලපත්ර ගෙන්වීමට අවසර දීමේදී සිදුවී ඇතැයි කියන රුපියල් කෝටි ගණනක දූෂණ වංචා සහ ආක්රමිකතා රැසක් පිළ
බස්නාහිර සහ සබරගමුව පළාත්වලත් ගාල්ල සහ මාතර දිස්ත්රික්කවලත් වැසි වාර කිපයක් ඇති වන බව කාලගුණ විද්යා දෙපාර්තමේන්තුව කියයි.
නව ජනාධිපතිවරයා ලෙස පත්වීමෙන් පසුව සාම්ප්රදායානුකුලව ආරක්ෂක ප්රධානීහු සේනාධිනායක ජනාධිපති අනුර කුමාර දිසානායක මහතා ජනාධිපති කාර්යාලයේ දී හමු වූ
ජනාධිපතිවරණයේ ඡන්ද විමසීම අවසන් වී ඇති මේ මොහොතේ, මුළු රටක් ම බලාපොරොත්තු පෙරදැරිව බලා සිටිනේ ඉදිරි පස් වසර සඳහා සඳහා ශ්රී ලංකාවේ ජනපති වන්නේ කවුරුන්
ශ්රී ලංකාව මේ මොහොතේ සිටින්නේ ඉතාමත් තීරණාත්මක සන්ධිස්ථානයක යි. පවතින ගෝලීය දේශගුණික අභියෝග සහ බලශක්ති සුරක්ෂිතතාව පිළිබඳ කවර ගැටලු පැවතිය ද ෆොසිල
ශ්රී ලංකාවේ ප්රථම වරට, ප්රධාන ජනාධිපති අපේක්ෂකයින් තිදෙනාගේ ප්රතිපත්ති ප්රකාශන පොරොන්දු පහසුවෙන් සංසන්දනය කිරීමට සහ ඇගයීමට, ඉංග්රීසි, සිංහල ස
දෛවය අනුව මම නිරූපණ ක්ෂේත්රයට යොමු වූවා