‘මහින්ද රාජපක්ෂ මහත්මයට අවුරුදු දෙකක් තියෙද්දි ඇයි අවුරුදු දෙකකට කළින් ඡන්දෙකට ගියේ කියන එකට තවම රාජපක්ෂ මහතාගෙන් පිළිතුරක් නෑ. සමහරුනම් කියන්නේ ජ්‍යෙතිර්ශාෂ්ත්‍රඥයන් කළ ඉල්ලීම් අනුවයි ගියේ කියා. ඒ ඉල්ලීම් අනුව යන්නත් හේතුවක් තියෙන්න එපායැ. එතුමා හිටියා නම් අද මානව හිමිකම් සැසියට යන්නේ ඔහු. ජ්‍යොතිර්වේදීන්ට ස්තුතිවන්ත වෙන්න ඕනා ඔවුන් කළ දේට. ජනවාරි අට වැනි දා මේ රටේ නව යුගයක් උදා කළා. අපි අළුත් රටක් විදියට  ජාත්‍යන්තරය ඉදිරියේ නිදහස ප්‍රජාතන්ත්‍රවාදය ආරක්ෂා කරමු. අහිංසාවාදී පාලක ක්‍රමයකින් හා මධ්‍යස්ථ විදේශ ප්‍රතිපත්තියකින් ලෝකය දිනා ගැනීමට අපි කටයුතු කරනවා.‘ යැයි මෛත්‍රීපාල සිරිසේන ජනපති අද ඇමෙරිකාවේ සිට පැමිණ විශේෂ ප්‍රකාශයක් කරමින් කීවේය.

2009 මැයි මාසයේ දී කොටි ත්‍රස්තවාදීන් නැති කර දැමූ බව හිටපු ජනපති කීවද රටින් පිට ඔවුන්ගේ සෙවනැළි ඇති බව ද ජනපති පැවසීය.

යුද අපරාධ කුමන කාලයක සිදුවූ බව කීවත් ඒ ගැන වග කිව යුත්තේ වර්තමාන රජය බවත්, දේශීය යාන්ත්‍රණයක් ඔස්සේ යුද අපරාධ වීයැයි සෙවීමේ යෝජනාවට රටවල් රැසක් සහාය දැක්වූ බවත් සිරිසේන මහතා කීවේය.